هلا بالجميع
احب ابشركم اني رجعت بالسلامه من سفرتي لايطاليا
اللي استغرقت حوالي اسبوعين .. زرت خلالها بعض المدن
مثل : بولونيا - بيزا - ميلانو - فينيسيا وروما .
الجو كان رائع في بولونيا ومعتدل في فينيسيا رغم اشعة الشمس
القويه احيانا .. اما بالنسبه لميلانو فزرتها لبضع ساعات ولكن كانت
حاره .. الكارثه الكبرى كانت روما اللي فعلا تعبت فيها .. الجو كان حار
جدا جدا واللي زاد الطين بله الشقه اللي سكنت فيها كان التكييف فيها شبه
معدوم .. راح اوافيكم بالتفاصيل اذا ارتحت شوي وقدرت اجمع افكاري
وارتب صوري ومعلوماتي
بشكل عام -
ايطاليا ليست بالسيئه
الشعب لطيف وودود بشكل عام
واجهت مشكله في شحن شريحه الجوال من فودافون كون التعليمات
بالايطالي ونادرا مالقيت احد يساعدني في شحنها !
الكابتشينو والقهوه بشكل عام عاديه مافيها زود
البيتزا اقل من عاديه وماتفرق عن اللي متعارف عليها ..
السباغيتي وانواع الباستا الاخرى الموجوده في قوائم المطاعم
عاديه - ماعدا في بولونيا اكلت باستا في حياتي ماقد ذقتها
لذيذه حد الجنون ..
اخيرا بعض اصحاب التكاسي نصابين ونفسيتهم شينه
وحراميه ..
الامان في روما نص ونص !
بشكل أخص - راح اكرر الزياره لفينيسيا ومستحيل اكررها لروما
شكرا لكل الاحبة اللي كل مامريت عند معلم تذكرت اسمه ومشاركته
فعلا خليتوني اشوف ايطاليا من خلال عيونكم وقلوبكم ..
كل الشكر