اختي حياكم الله في الكويت وبالنسبة للفنادق اتمنى الأطلاع على هذا الرابط لأن جميع الفنادق موجودة ومرتبة بشكل واضح
https://artravelers.com/p/re/91391
بالنسبة للماركات فهي موجودة في:
مجمع الصالحية التابع لفندق جب دبليو ماريوت
مركز الراية التابع لفندق كورت يارد ماريوت
او فيلا مودا في المنطقة الحرة
وعلى فكرة في محل معروف يبيع معظم الماركات وباسعار مميزة واسمه الماسة موجود في مجمع المنشر الجديد ومجمع المثنى وفي المهلب ومجمع النقره
بالنسبة للأسواق والمراكز التجارية فهي كثيرة ومتنوعه مجمعات كبيرة واصغر حجما
الأكبر هم:
الأفنيوز
سوق شرق
مارينا موول
المهلب
الكوت
المنشر
الأصغر حجما ولكنها رائعه
الفنار
البستان
جاليري2000
سنترال بلازا
مجمع زهرة
ليلى جاليري
البلازا
البحر سنتر
كويت ماجيك
اجيال
وهناك العديد من المجمعات والأسواق الجميلة منتشرة بالكويت في الفروانية وحولي والفحيحيل بالأضافة الي شارع سالم المبارك بالسالمية والأسواق الشعبية والتراثية مثل اسواق المباركية

الله يعطيك العافيه يأخ رحال.....

حياج الله ختي المهره وهذي الساعه المباركه

ماشالله رحال ماخل لنا شي نقوله الله يعطيه العافية
حياج الله
واي استفسار انا حاضر
بس لاتنسين تزورين الابراج والمركز العلمي والسينمات والمدينة الترفيهية او حديقة الشعب

حياج الله في الكويت ونحن في اتم الاستعداد لاي خدمه اسالي ونحن نجيب والاخ رحال ما قصر عطاج كل شي واذا في شي ناقص احنا موجودين ولازم تعرفين ان الكويت مو كبيره يعني لاتستغربين الكويت بالضبط كبر الرياض يعني اسكني في اي مكان ماياخذ المشوار اكثر من ربع ساعه في الزحمه

اختي سأكون صادق معك الكويت فاشله سياحيا
ولا فيها شي يستحق العناء والسفر لها وكل شيء غالي
اتوقع تروحين دبي افضل واوفر
هذا كلامي بصراحه وانت بكيفج

السعد 55
اخوي الكريم لكل انسان وجهة نظر يجب ان تحترم ولكن ليس بهذا الأسلوب الأستفزازي هل معقول ان الكويت لايوجد فيها اي شي يستحق العناء؟؟؟؟
الكويت هي صاحبة اول المشاريع السياحية في المنطقة عندما كانت معظم دول المنطقة صحراء جرداء والكويت صاحبة اول شركة طيران وكان معظم سكان دول المنطقة يركبون الطائرات الكويتية... الكويت صاحبة اول تلفزيون وكان كل شعوب المنطقة تشاهد تلفزيون الكويت وتستمتع بالاعمال الكويتية التي وصل صيتها الي كل البقاع
عزيزي معظم دول المنطقة كانت تستفيد من المناهج الكويتية لتعليم ابنائها والكويت اول من بدأ التجارة وفتح الموانئ
لوذهبت بالخمسينات الي لندن لشاهدت اعداد الكويتين هناك لااريد ان اكمل علشان بس محد يزعل
ماهو مفهوم السياحة عندك واسمحلي مع احترامي لتجربة مدينة دبي التي نحترمها جميعا وقد اثبتت نجاحها ولكن ماذا يوجد سوى مجمعات تجارية وفنادق المجمعات هي مول الأمارات وابن بطوطة وسيتي سنتر حيث هي الأكبر
جميع اجواء دول المنطقة متشابه ولمعلوماتك الكثير من العوائل الخليجية لاتفضل السفر الي دبي لأسباب عديدة ان معظم فنادقها لاتصلح للعوائل والمدينة زحمة واذا على غلاء الاسعار اعتقد ان الكويت الارخص بالسكن والايجارات واسعار الوقود عبي سيارتك بالكويت شوف فلرق السعر على سبيل المثال دولى الامارات الغاليه او البحرين العزيزة

اتمنى لج زيارة موفقة تروحين و تردين بالسلامة
انا كنت رايح ها السنة, بس ما صار في نصيب ما عندي حظ

تروحين وترجعين بالسلامه
وفعلا الكويت تستحق الزياره