- - الفندق في اول ليلة
- (بالنسبة لكيفية الحجز للقطار):
السلام عليكم ورحمة الله وبركاته
اخواني وخواتي حبيت أنقل لكم بهالتقرير البسيط عن رحلتي الى اسبانيا : مدريد وبلاد الاندلس
راح أفصل لكم بأشياء يمكن للبعض بسيطة بس أنا حابة أن أنقل كل تفصيل اذا تسمحون...لأن في تفاصيل غابت عن البعض وأحس إن إهية مفيدة..
نبدي باسم الله
اول ما تطلع من المطار تشوف على ايدك اليسار التكاسي واقفين تروح للطابور وتاخذ لك تاكسي وتعطيه اسم الفندق وتتوكلون على رب العالمين.
- الفندق في اول ليلة
اول ليلة في مدريد كانت في فندق husa paseo del arte فندق نظيف وحلو وتكرمون الحمام كله مع بعض والحمام كبير – الغرفة اللي خذيناها كانت executive- بس الانترنت الواي فاي بفلوس، والفندق قريب منه ماكدونالد وعلى بعد خطوات من محطة أتوشا وهذا المطلوب اللي كنا نبيه لأن سفرتنا في اليوم الثاني الى قرطبة عن طريق محطة اتوشا.
والمحطة بعد ما تعبرون الشارع بدون اي نزلة لمحطة المترو وبدون اي تاكسي، المحطة على بعد النظر تعبرون الشارع وتروحون لها وتصعدون الى الطابق الثاني حتى تتم عملية التأكد من تذاكركم من قبل المختصين ومن ثم فحص الامتعه والعملية كلها بغايه السهولة والبساطة لا تحاتون ولا تتعقدون مو مثل المطارات – قصدي بالنسبة للسوائل وما شابه- بعدين تروحون وتوقفون بالطابور حتى تتم عمليه الختم على التذاكر وتنزلون للقطار ، ولما تنزلون للقطار تشوفون انتوا بأي عربة وتروحون لها وتحطون أمتعتكم بالاماكن المخصصة وفي عربتكم يعني يمكم اذا كانت الجناط صغيرة بالنسبة للجناط الكبيرة الصراحه ما شفتها يمنا الظاهر ان لها عربة خاصة، المهم تدخلون العربة وتحطون أغراضكم وتشوفون على الكراسي أو فوق الكراسي الارقام والاحرف لكل كرسي وبس تجلسون على الكراسي المخصصه.
·بالنسبة لي كانت رحلتي عن طريق القطار السريع -واللي حجزت له عن طريق الانترنت- من مدريد الى قرطبة ولا أروع والاشخاص القائمين عليه من امن وموظفي الكافتريا طيبين وخدومين ، على فكرة كانت رحلتنا على الدرجة الاولى فقدموا لنا وجبة الافطار على مستوى الصراحه والعصير عند القدوم، وسماعات ابلاش، وقوابس للشحن يعني يدلعونكم. وعند الوصول لاي محطة يظهر اسمها على الشاشه ويتم الاعلان عنها، واحنا زيادة على هذا يالنا مدير العربة وبلغنا بمحطتنا الى قرطبة.
·عند النزول من القطار تصعدون الى الطابق العلوي وتشوفون مركز معلومات الصراحه مفيد واللي فيه كانت طيبه وبشوشة وأفادتنا، ولما تطلعون من المحطة تلقون جدامكم محطة الباصات لونها أخضر، وعلى ايدكم اليسار مجموعه من التكاسي توقفون بالطابور وتاخذون تاكسي للمكان اللي تبونه.
·بالنسبة لنا خذينا تاكسي الى مسجد قرطبة ومن ثم الى مدينة الزهراء والى غرناطة، مع العلم ان في باصات تمشي من قرطبة الى غرناطة ولها أوقات محددة، بس احنا خذينا تاكسي يكون معانا وعلى راحتنا.
·وفي منطقة المسجد تلقون المحلات الكثيرة للهدايا والفنادق ذات الاسماء العربية والكافيهات والمنطقة الصراحه حلوة وهادية واهلها طيبين. علشان تدخلون المسجد من داخل في مكان لحجز التذاكر، ولا تنسون راح يقولون لكم ممنوع الصلاة بس بكل أدب ولباقة من قبل رجال الامن.
وبعدها رحنا لمدينة الزهراء وما بقي منها الا آثار بس في معرض لها ولتحفها وفي فيلم سينمائي يعرض عنها أنصحكم تشوفونه وتشوفون الاثار قبل لا تروحون المدينة اللي ما اكتشفوا منها الا 10 %. وطبعا في حجز تذاكر للمتحف وللفلم ومن ثم الدخول لمدينة الزهراء من ضمن التذكرة.الرحلة الى غرناطة:
والرحلة الى غرناطة خذت تقريبا الساعتين وشوي، بس الطريج وايد حلو ، ولما توصلون غرناطة تشوفونها مدينة فيها حركة من محلات للسيارات ومحلات للملابس الراقية والعادية، سكنا في فندق
https://www.booking.com/hotel/es/fontecruz-granada.en-gb.html?aid=1300939"المقلب"
حجزنا ليلة في فندق
https://www.booking.com/hotel/es/villadelareina.en-gb.html?aid=1300939 الصراحه بالنسبة لي أعطيه من ** لان الغرف صغيرة بدرجة مو طبيعية، وحاارة بعز البرد، والتهوية سيئة، والانترنت الواي فاي ابلاش اخذوا المعلومات الخاصة بالشبك من الاستقبال، يبعد 5 دقايق او 10 من محطة أتوشا، حلاته فقط في موقعه على شارع القران فيا بس مقابله فندق vincci capitol الصراحه ماادري عنه اذا زين ولا لأ. بس ماكدونالد جدام الفندق وكافتريات كثيرة وفي كافتريا لاتراك مسلمين قريبه من الفندق.
- * بالنسبة للشارع القران فيا فيوجد فيه الكثير الكثير من المحلات المعروفة والمشهورة ومحلات الصغيرة الرخيصة فتبون جناط للسفر تلقون، مطاعم تلقون، ملابس تلقون، تذكارات تلقون.
- -مطار مدريد حلو وكبير ومرتب ونظيف ومعاملة الصراحه عجبني والمطاعم الكثيرة المنتشره والمحلات التجارية المعروفة زارا ومانغو وماركات ثانية كثيرة .
للاسف كان ودي احط لكم الصور بس ما اعرف يقولي الرابط وماادري شنو قصته
- على ما تقدرون اكلوا من الزيتون الاسباني وانا سامعه عن رحلات الى حقول الزيتون وتشوفون شلون ينتجونه. واللي يحصل زعفران اسباني لا يطوفه.
(بالنسبة لكيفية الحجز للقطار):
- عن طريق موقع http://www.renfe.com/index.html وبعدين روحوا على الجهة اليمين من فوق لكلمة purchase ودخلوا وحطوا الاماكن والمحطات والتواريخ اللي تبونها وبعدين متى ما اخترتوا، بعدين تدخلون معلوماتكم الشخصية أنا صارت معاي غلطه اني كنت ادخل 00965 وبعدين الرقم الشخصي فماكان يقبل وكان يطلع لي خطأ، فبعد مساعدة أحد الاخوان طلع اني ما احط 00 بس رقم الكود، وطبعوا التذاكر وبالسلامة ان شاء الله.
(بالنسبة لكيفية حجز تذاكر الحمراء):- عن طريق هالموقع وتقدرون تشوفون التعليمات الخاصة
http://www.alhambradegranada.org/en/info/ticketsale.asp
للي حاب ارقام التكاسي اقدر اعطيكم اياها اذا توافق ادارة الموقع
و أي اسئله ثانية قولولي اخاف اني نسيت. J
تقرير جميل بس كان ينقصة الصور
وابداعاتك بالتصوير ولاكن بأمكانك تحميل الصور
عن طريق مراكز التحميل الكثيرة بالنت
عالعموم اهم شي رجعت بالسلامة وشرحت للجميع
تفاصيل رحلتك
دمتب بود