1. بسم الله ورحمة الله وبركاته


2. وبديت ارتب اشيائي علشان اسافر واتاكد من كل شي لقيت كل شي جاهز وزين


3. انا انحرجة صراحه حسيت ان عقلي رجع بس نصه مو كامل


4. رجعت الرياض


5. ثالثا بمر على ماليزيا اقش عفشي :36_1_13:


6. عاد انا مابقى على سفري لماليزيا الا يوم واحد يعني ثاني يوم بسافر رحت


7. واطير على المطير قلت بكيفهم يبون ياخذونه الجوازات


8. واوصل المطار الساعه 7:40

بسم الله ورحمة الله وبركاته

ابتداء من 21-1-2007 سينطلق لكم الموضوع عن نيوزلندا لمدة 9 اشهر وهي اقامتي بنيوزلندا
اولا قبل ان اتحدث عن موضوع اختياري لنيوزلندا وطريقة عمل حجوزات المعاهد والطيران والتكاليف احببت اني اشكر هاذا المنتدى الذي ساعدني في كثير من سفرياتي وساعدني في اختيار وجهات سفري واحببت اني اشكر القائمين عليه لسبب انهم يردون على الاستفسارات التي تطرح باسرع وقت ممكن
واعتبر ان هاذا المنتدى افضل منتدى سياحي عربي على الاطلاق لشموله على جميع مدن العالم بلا استثناء
والان نبدا مع الموضوع الاساسي وسوف يكون موضوعي مفصل لدرجة ان البعض سيمل وباذن الله سيكون هناك تحديث للموضوع كل يوم سبت او احد (اذا كان هناك جديد)طبعا من فتره وانا افكر اني اروح ادرس بنيوزلندا بس كان التفكير دراسه جامعيه ولاكن لاتسير الرياح بما تشتهي السفن وش رايكم بالمثل ترا مدري صح ولا لا بس اذكر ان فيه سفن ورياح
طبعا قدمت على البعث حقت الدوله وقدمت على نيوزلندا ورفضوني وانا كنت مصمم اني اسافر برا ادرس لو اروح الهند فرحت لمكتب وقالي عندك ماليزيا الدراسه فيها ممتازه قلت التكاليف كم قالي رخيصه مو غاليه والدراسه بالانجليزي قلت تمام اجل قدملي فيها قدملي الرجال
ومر الشهر الاول وماجا القبول طبعا طولو علي وانا قاعد بالبيت لاني مقدم اعتذار عن الجامعه ومابي اروحلها بديت اعصب انا:112: وانا اذا عصبت ابدا اخبط ابدا اخذ قرارات زي وجهي
وقلت ابي اروح ادرس اللغه بماليزيا لين يجي الموافقه واستلمها من واحد بماليزيا واتفقنا انا والمكتب على كذا طبعا الكلام هاذا قبل رمضان دخل رمضان قلت اصوم مع اهلي وبعدين اروح ادرس بماليزيا ويمكن يجي القبول بعد (مامل انا مسكين )خلص رمضان وماجا القبول من الجامعه خلصت شهرين قلت ابي الحق الوقت واروح ادرس لغه لاحظو انا متربس مخي للحين معصب من شهرين مافكرت اني بدرس بماليزيا لا خلاص قرار واتخذته
طبعا خلص رمضان وقلت بمشي بعد العيد لماليزيا والله ادخل وادور معاهد لغه والله الاقي معهد امريكي له فرع بماليزيا كلمتهم واتفقت معهم على اني جاي في 5 ديسمبر وابيهم يستقبلوني وشوفو السوال الي يدل على اني للحين معصب اقولهم عندكم عايله قالت لا المفروض يوم تقول لا اقفل(لاني ابي اسكن مع عايله) انا وش سويت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ قلت احجزيلي انا جاي قالت طيب ارسل صوره الجواز والبرنت حق الحجز قلتلها طيب
طبعا كانت الدراسه بتبدا في 2-1-2007 يعني بعد الكرسمس قلت فرصة افر على ماليزيا واتفرج

وبديت ارتب اشيائي علشان اسافر واتاكد من كل شي لقيت كل شي جاهز وزين

جا يوم السفر طبعا الرحله بالليل رحت الصبح للمكتب الي كنت مقدم عنده على الجامعه واساله وش صار قالي خل نكلم الي بماليزيا انا طبعا اتفقت انا وياه اني باخذ القبول من ماليزيا بس فضاوت سعودي كل صباح قلت ادورلي شغله ورحت للمكتب وقلتله اني ماشي اليوم قالي والله قلت ايه بروح ادرس انجليزي قالي بالتوفيق ومنها نفتك منك كل يوم وانت عندنا اقلقتنا(طبعا بينه وبين نفسه)
قابلت الدكتور الي هو مدير المكتب وقالي وين ماشي اليوم قلت ايه بروح ادرس لغه بماليزيا قالي ماليزيا قلت ايه قالي نصيحه ماتنفع لدراسه اللغه (طبعا انا قلت بيني وبين نفسي ايه تدورون العمولات لاكن اقولكم بعدين ) انا طبعا للحين ماقلت لااهلي عن شي لا عن الجامعه ولا عن المعهد اهلي مساكين يفكرون انه خلاص ان البعثه انرفضت بقعد
جا العصر اخذت اغراضي نزلت على الصاله وابوي وامي واخواني كلهم قاعدين ولا كلهم كلمه وحده وين

انا انحرجة صراحه حسيت ان عقلي رجع بس نصه مو كامل

قلت رايح ماليزيا قالت امي تارك الجامعه وتروح ماليزيا قلت لا انا رايح ادرس مو رايح سياحه قالت وش تدرس قلت انجليزي والى كلهم يضحكون انا اناضرهم باستحقار وقلت لا يكثر ابي امشي وراي رحله والله وكلهم يقولون انت من جدك قلت ايه من جدي قالو الله يوفقك
بس ابوي قال ماتنفع ماليزيا لغه قلت ابي اروح اجرب قال ليش ماتكلمت من اول قلت خلاص عاد صار انا ودعتهم و مشيت المطار والا ابدل كل الفلوس دولارات (بتدرون وش صار داخل)
واخلص من الجوازات جيت قعدت انتظر الطائره وحسيت بالجوع من الصبح مو ماكل الى ساندوتش واحنا المغرب الحين رحت ابي اشتري اكل الا المطعم يقول معليش ماقبل 100 دولار علشان ساندوتش وموه قال ماعندي صرف طبعا هنا حسيت بالجوع زياده لاني مصر اكل قعدت وش اسوي الحين جوعان وعطشان وشوي ويكلمني ابوي ها كم باقي على رحلتك قلت باقي ساعتين عاد انا طالع مبكر وقلتله على الي صار ويجيبلي ابوي الحل الي راح عن بالي قالي روح الصاله الذهبيه وبتلاقى اكل قلت والله راحت عن بالي والله وادخل ومافي الى ضرب بهل الاكل ومجانن
خلصت رحت للطيارة والا القي كل الطياره شغالات قلت وش هلي انا رايحلها واركب الطياره والاقي فيها ناس بس مو مليانه شبه فاضيه اقلعنا ووصلنا ماليزيا واستقبلني واحد من المعهد
ورحت المعهد وقابلتي وحده وقالت متى تبدا الدراسه قلتلها الشهر الي يجي قالت طيب نبي سويلك اختبار مستوى الحين وبعدين ياخذك السواق للشقه حقتك الي احنى حجزناها لك وبيكون معك بالشقه بنتين وحده صينيه وحده يبانيه انا قلت مافي غير كذا شقه يعني لحالي ولا مع شباب قالت والله كلها فل (يعني شقه مع بنتين ولا وصينيه ويبانيه كملت والله) قلت اوكي
رحت الشقه طبعا كل البنتين كانو بالمعهد مابعد جو
عاد يوم جو ولا يسلمون على من وين انت من السعوديه قالو السعوديه دوله غنيه بس ماندري وينها
ولا تروح تجيب الخريطه وتقولي وينها قلت اقري الخريطه وبتلاقين ساودي اريبيا وقالت اوه هاذي هي قلت ايه هاذا قالت العراق قريب منكم قلت حتى انتو وصلكم العراق
ولاكن لاحظو وش كثر يحبون انهم يعرفون ثقافت اهل البلد تجي تسالني انتو وش زيكم الرسمي وطبعا كلام يالله تفهم انجليزي نص قلتل للاولى انتي كم شهر هنا قالت 5 والثانيه قالت باقيلي شهر وخلص المستوى 9
قلت زين دام هاذولي بخلصون قريب وهاذي لغتهم قلت افر بماليزيا واشوف وش يصير بعدين
وهنا تذكرت يوم يقولي ابوي مثل مارحت تبي ترجع يعني ان البلد ماهي لم الانجليزي انا مابغيت اني ارجع علشان مابقعدون يشمتون فيني
قرب عيد الحج ولا تكلمني وحده من خواتي قالت ماودك تجي تعيد معنا والله وبديت افكر اني ارجع اعيد مع اهلي بالرياض
والله واروح للخطوط السعوديه قالو فل والله مافي مقاعد
كلمت الاماراتيه وقالو فيه قلت احجزلي ورحتلهم ثاني واقص التذاكر وكانت الرحله في نفس اليوم بالليل الساعه 12وكان باقي ثلاث ايام على العيد

رجعت الرياض

ويوم من الايام جت امي تسالني كيف ماليزيا كيف الانجليزي قلت والله مش ولا بد قالت طيب وش تبي تسوي قلت والله ودي اروح نيوزلندا ولا بريطانيا قالت طيب بريطانيا قلت خلاص ابي اروح اجيب عفشي من ماليزيا وارجع (مصفي صح) قالت انت مو صاحي قالت وش عندك هناك من ملابس قلت كذا وكذا وكذا قالت خلاص مو لازم تجيبها قلت بس لازم اروح اسلم مفتاح الشقه واقفل حسابي مع المعهد قالت يعني تروح وترجع انت ياحبك للخسايروراحت وخلتني (طبعا ماهانت علي الملابس الي هناك جديده )رحت قلتلها خلاص بروح نيوزلندا مابي بريطانيا قالت انت الظاهر تبي تدج بالاخير نيوزلندا ماليزيا قلت خلاص نيوزلندا قالت خلاص
طبعا هنا ابي اقولكم وش الي خلاني اختار نيوزلندا
اولا للحين مقهور من الوزاره ليش رفضتني
ثانيا بدون فيزا

ثالثا بمر على ماليزيا اقش عفشي :36_1_13:

طبعا بعد الموافقه كان باقي على سفري لماليزيا الي هو مقرر من اول اسبوع يعني لازم اخلص شغلي كله في اسبوع
رحت لمكتب تعليم متخصص بنيوزلندا وقلتله ابي معهد دراسة لغه بحيث ياهلني لدراسة الجامعه قام يوريني معاهد ومدري ايش وقلتله كم قال عندك معهد اسمه كرومانديل في ويانغا (الظاهر الاسم والمنطقه صح) قال من افضل المعاهد في نيوزلنداقلت بكم قال 62000:36_1_25: (انا انصدمت قلت وين الرخص الي ارخص من بريطانيا ) قلت خلاص انا يومين وارجعلك (مافي حط رجلك هاذا نصاب)
:36_7_14: ركبت السياره وانا افكر ومعصب لانه يستعفلني (طبعا الحين حطيت نيوزلندا براسي يعني رايح رايح لو يصير الي يصير)
طبعا كنت بالبدايه متجنب اني اروح للمكتب الي تعاملت معه في البدايه لاني مستحي ادخل عليه ويقعد يتشمت فيني ولاكن رحتله
وقابلت الدكتور وقال هلا والله ها وش فيك رجعت قلت والله يبن الحلال ماجازتلي ماليزيا قالي مو قايلك من اول روح ادرس اللغه عند اهلها
بعدين بدون ماقوله وين ابي اروح قال الحين امش بكلامي وبدون عبط نادا موظف عنده وقال قدمله على نيوزلندا في معهد كرومانديل (حتى هاذا يقول نفس المعهد اكيد المعهد ) قلت طيب لحظه كم قال روح مع الموظف وهو بيقولك عن الاسعار
وحسب الاسعار وكل شي وقال 57000 (بدون الانشطه) شامل السكن والدراسه والاستقبال والتامين الطبي لمده 9 اشهر انا سكت وقلت الظاهر هاذا سعره دام الفرق بين الثنين 5000 اكيد هاذا سعره( وانشا الله مايطلع السعر مرتفع) بس تبون الصراحه حتى لو السعر مرتفع يكفي اخلاق الي يشتغلون بالمكتب
عاد دام وصلنا لمبلغ زي كذا لازم الوالد يعني لاني مابدفعها لو ايش
رحت له وقلت كذا وكذا قالي امك قالتلي قلت زين قال كم قلت كذا قال طيب
(بس والله ياهو مغط فيني تمغيط ثلاث ايام الين جاب الفلوس):112:
وثاني يوم بعد التمغيط رحت للمكتب واعطيته الفلوس واخذت القبول منه وكل شي لقيت ان العايله ماعندهم انترنت كلمت الدكتور وقالي خلاص انت بس توصل هنا بتلاقي العايله مغيرينها لك قلت اوكي
وعطيت الوالد يقرا مواصفات العايله قراها وقال عندكم كلب واحد وماعندهم عيال عاد انا:36_1_25:
كله ولا الكلاب لا تقرب مني وارجع اكلم الدكتور يادكتور مابي كلاب قالي طيب الحين نرسل ايميل وكل شي يضبط وقالي لاتنسى تمر علي وتجيب معك برنت الحجز علشان نرسله مع الايميل قلت طيب
اي حجز :36_1_25: التذاكر نسيت ماشتريها
رحت للوالد وقلنله ابي قيمة التذاكر وقال والفلوس الي اخذتها حقت ايش قلت بس دراسه وسكن
قال كم التذاكر ان شا الله قلتله والله الانترنت يعطيني 19000 من كواللمبور لين اوكلاند (طبعا افق)
قال لا رحت لمكتب سياحي وقلتله ابي تذكره كواللمبور اوكلاند على الماليزيه قال ماقدر احجزلك من هنا قلت طيب السنغفوريه قال رح لمكتبهم الي بطريق الملك عبدالعزيز قلت طيب

عاد انا مابقى على سفري لماليزيا الا يوم واحد يعني ثاني يوم بسافر رحت

يوم رحت لطريق الملك عبدالعزيز لقيت مكتب سياحي بنفس العماره الي فيها السنغفوريه قلتله انتو وكلاء السنغفوريه قال لا السنغفوريه ورا قلت طيب عندكم الماليزيه قال ايه قلت طيب ابي حجز من كواللمبور لين اوكلاند بكم قال 3900 (سياحي)قلت وافق كم قال 16700
قلت كم مدة التذكره حقت السياحه قال 3 اشهر قلت لا ماتنفع ابي تذكره لمدة سنه قال ب 11000
:36_1_25: يلعن ام الفرق بين الثنتين
قال ادخل على المدير جوا وهو بسويلك كل شي دخلت على المدير فهمته وقالي نفس الكلام
قلت طيب سولي حجز على السياحي قال طيب جوازك والله ويقرا اسمي ويقولي وش يقربلك فلان قلت ولد عمي قال والنعم فقام دخلني بمتاهات
قال طيب انت ليش ماتاخذ افق وانا اجيبها لك بسعر حلو قلت كم قال 12570
قلت وشلون قال عن طريق الديوان الملكي (يعني لعب بالاوامر الملكيه ) قلت اوكي دام الفرق الف عادي يالله
قلت اوكي قال خلاص مرني بكره الصبح اعطيك اياها
واكلمه الظهر قال والله للحين ماصدرت من السعوديه قلت متى انا رحلتي اليوم الساعه 8 الاقلاع قال طيب العصر قلت بالله العصر اكيد قال ماعليك
ويجي العصر وروح عنده واكلمه وينك منت بالمكتب قال انا عند المكتب جايك بس عطني نص ساعه نص ساعه وجا وقلت وين الرجال الحين باذن المغرب قال الحين جاي
الزبده ماستلمت التذكره الا 7 انا نشف دمي وبسرعه اروح البيت واشيل شناطي واطلع
وانا طالع وركبت السياره وصلت الاشاره واتفقد اغراضي والله الكرت الاصفر ناقص :36_1_25:
(الي هو حق الجوازات الي علشان يطلعوني) واقول للسواق اقطع الاشاره وديور عيا قلت اقولك تعال هنا وانا اسوق واقطع واروح البيت واخذ الكرت جيت ابي اطبعه لقيت الطابعه منتهي الحبر حقها

واطير على المطير قلت بكيفهم يبون ياخذونه الجوازات

واوصل المطار الساعه 7:40

مافي الى ركض في المطار حط الشنطه على السير واخذ البوردنق واوصل على الجوازات الى يقول الموظف نبي نسحب الكرت الاصفر علشان ماجبت نسخه منه قلتله الي صار ولا يقول طيب ويوم امشي ويناديني ويقول شعرك طويل :36_1_25: انا انصدمت من كلمته وش ممنوع قال ايه قال تعال نبي:36_2_66: قلت الرحله نتبي تقلع قال وين مسافر انت قلت كواللمبور قال دراسه قلت اي قال روح طيب
ويوم وصلت الطياره ولا مقفلين الباب
امزح
ركبت الطياره والظاهر اني اخر واحد يركب لاني ركبت وشوي وقفلو الباب واقلعنا بسلام الى كواللمبور
ونلتقي غدا او بعد غد في نيوزلندا
اسف على الاطاله ولاكن انا قلت بالتفصيل وهاذا التفصيل واتمنى انه يكون موضوع خفيف عليكم وترى انا ماتقن التعبير ويمكن احد يستفيد من القوانين الغريبه الي مريت فيها
بس لو تكرمتو ابي اعرف وشلون انزل الصور على الموضوع لان عندي صور على جهازي كيف الطريقه ؟؟؟
وشكرا