أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مثل ما قال الاخ موادع ، المنطقة جميلة و حلوة ، وتقدر تروح لها عن طريق خط الهامرسميث " الوردي " و هي آخر محطة . و على فكرة سوق شبرد بوش الشعبي كلش جريب . ايضاً في الهامر سميث محلات تسوق وايد ، و كافيهات اشكال و الوان ، حتى جم فيها ، و فيها فرع حق محل بريماك الي في الاكسفورد على فكرة المحل هناك ما عليه زحمة وايد و العرب الي ما يبون احد يشوفهم يتسوقون في بريمالك الاكسفورد يروحون هناك الله يهديهم و هناك مكتب طيران الاتحاد الاماراتي . و اي استفسار احنا حاضرين .
بارك الله فيكم وكل عام وانتم بخير وبالنسبة لقوس النصر اشكرك من الاعماق ولايهون موادع فدائما متجاوب الله يحفظك وسؤالي اعتقد ان المنطقه قريبة من اجون روود صحيح يمكن بالباص قريبة
ماقصروا اخوااني بالرد بس حبيت اضيف شئ بسيط للمعلومات اللي اضافووها
فيه محطتيين للمنطقة همرسميث الجديده والقديمه الجديده فيها مول تجاري ومقاهي
يوم تطلع من المحطه الجديده بتحصل الاشارات قدامك اطلع منها ع طول كنك اشووي تاخذ يسار
وبتمشي سيده بتحصل ساحه كبيرره فيها نافوره وعلى جوانبها مقاهي ميزة هالساحه انها يوم
الخميس بس يصير فيها مهرجان مطاعم يعني مثل المحلات الصغيره تعرض اكلاها
اكلاتهم عجيبه وغريبه فيه وحده ارتيريه اتسووي وجبات بالخضار شئ عجيب
وبعد الشارع المقابل حق محل بريمارك فيه محل اعتقد ان هالشكل اسمه max Tak او اعكس الاسم
( على اهل الخبره تصحيح اسمه )
فيه اكثر الماركات وكلها بنص السعرر روعه هالمحل وفيه قسم للاواني المنزليه وللاطفال .. الخ
اتنمى قدرت افيدك
وتقبل تحياتي
ابونايف 2010
تسلم اخوي بو نايف ، هاذي من طيبك و الله .
واله ياخوي منطقة الهامر سميث مو وايد جريبة من ادجوار رود ، يعني اذا بالمترو 8 محطات و في التاسعة تطلع حق ادجوار رود ، بس المسافة بالمترو ما بتكون وايد بعيدة يعني ما بتحسون بالوقت ، اما بالباصات اكيد بيكون الطريج اطول ، خبرك زحمة لندن .
خذها قاعدة اي مكان قريب روحلة بالباص والبعيد بالمترو
تقريبا 8 محطات لين الاجولرود والوقت تقريبا 16 دقيقة لاني الاسبوع اللي طاف كنت هناك لان مكتب طيران الاتحاد هناك
واذا فيه اي استفسار فالك طيب
مجمع كنج مول هذا اللي فيه بريمارك
انا اقصد الشارع المقابل كنج مول ونفس هالشارع بعد فيه ماركس اند سبنسر
اخوي ابو نايف منطقة همر سميث مب بعيده وايد بالباص وفيه باص من اجوورد روود يوودي لها
وينزلك عند محطة القطار الجديده اللي كتبت عنها في ردي السابق وتقدر اتروح لها من شبردبووش قريبه منها وايد
