اخوي العربي الأول .. خل بودل يولون ، لا خدمة ولا موقع ولا طل بعيونهم .. عندك منطقة بنيد القار ومنطقة دسمان فيهم شقق رخيصه ومنطقة هادية ، ولو ان وقتكم يعتبر الأكثر إزدحاماً بالسعوديين السواح بالكويت كون الإجازة + الجو الرائع يساعد على السياحه بالكويت .. عموماً دسمان وبنيد القار منطقتين قريبين من المباركية والأبراج وسوق شرق .. هذا رأيي والله يوفقك

أحبك يا كويت
مشكور حبيبي ما قصرت ,,,
تصدق دخلتها برأسي ,, طيب فيه شقق حلوه تذكرها لنا حتى أتمكن من التنسيق معهم على الحجز
تسلم لي يا غالي ع سرعة التجاوب

العربي الأول
تصدق دخلتها برأسي ,, طيب فيه شقق حلوه تذكرها لنا حتى أتمكن من التنسيق معهم على الحجز
تسلم لي يا غالي ع سرعة التجاوب
الشكر لله ولد عمي .. عندك شقق فينيسيا ، وعندك زهرة الشرق بدسمان
ولا تنسى إن المنطقة هاديه ومن عقب 11 تنام من دون كندشن من الهدوء .. بخلاف شارع المطاعم اللي لين 3 الفجر اصوات قزوز السيارات يشلع الدرايش .. بالتوفيق يارب

هلا فيك وحيااك الله
برشحلك مكانين اول شقة ارينزا تاور بالسالمية وهذا الرابط
منتدى العرب المسافرون https://artravelers.com
ثاني مكان في بلازا اثيني ببنيد القار
وهذا الرابط
https://artravelers.com/p/re/230706
شوف وقرر وحيااكم الله

يا العربي انت تعتبر الحين خبير باكويت بما انك زرتها سابقاا
بانسبا لسكن شوف موقع بوكنق اسعارة دائما حلوه و توكل على الله

1. صباح اليوم الثاني , رحت السالميه أدور سكن


2. سكنا في دريم إن وياليتنا ما سكنا

يعطيكم العافيه حبايبي
بيض الله وجيهكم جميعآ ما قصرتكم
لكن أحيانآ تجري الرياح بما لا تشتهي السفن
والله لا نفع حجز بالتلفون ولا بالنت
كلش فول X فول
الحمد لله تيسرت بعد جهد وعناء
وصلنا الكويت الأحد 6 مساءآ
لفينا السالميه ما فيه سكن
رحت جهة بنيد القار ودسمان
بعد دوران 4 ساعات
حصلت سويت صغير غرفه وصاله ب 60 دينار
في ريتز شرق ,, أنواع الإستغلال

صباح اليوم الثاني , رحت السالميه أدور سكن

ولقيت في دريم إن الشقه غرفتين وصاله ومطبخ وحمامين وأنتم بكرامه ب 65 ك د ,, وطوالي أحجزها
لما رجعت ل ريتز لعمل تشيك أوت ,, قالي توفر عندنا غرفتين وصاله وحمامين ,, قلت له خلاص حصلت سكن ,, قالي حاول تكنسل حجزك و أعملك خصم خاص على الشقه من 85 ك د إلى 69 ,, أنواع التلاعب ,, قلت ما أقدر أنا دفعت حق ليله خلاص فكنا

سكنا في دريم إن وياليتنا ما سكنا

السكن متغير عن أول ,, ما فيه إهتمام بالنظافه ولا خدمه ,, مشينا ذيك الليله على خير ,, و من باكر الصباح على بودل لأني عامل حجز من 3 أسابيع وعارفين موضوعي
وأسنتر عندهم من الساعه 12 الظهر لين حصلولي سكن روعه من جد عباره عن سويت ملكي غرفة نوم كبيره وصاله واسعه جدآ وغرفة شغاله ومطبخ وحمام واحد فقط وهذا أعيب ما فيه ,, لكن بصراحه السكن والأثاث روعه وإرتحنا فيه بعد هذا التعب ,, وأنا الحين أكتب لكم من محل إقامتي في الكويت .. شقق بودل السالميه ....
أسف على الإطاله ,, لكن حبيت أنقل لكم معاناتي مع السكن ,, وفعلآ الكويت هالمره زحمه بالحيل ...
تقديري
أخوكم العربي الأول
الكويت .. بودل

حيااك الله
بس الافضل انك لو حاجز قبل لا تروح واايد افضل لكم
على العموم حيااكم الله
نتمنى لكم اقامة سعيدة

حياك الله
ولو انها يات مني متاخره
للاسف التلاعب موجود بكل مكان
ما يراعون السايح اللي يكون تعبان من طول السفر همهم الماده
امسحها بوجووهنا
والحمدلله انك توفقت ببودل

noura86
وجهك أبيض أختي أحلى كويتيه
والله إنكم شعب طيب ومحترمين
الحمد لله الأن أقضي أحلى الأوقات في الكويت
تقديري أختي الكريمه