هلا بأختي الفاضله حياكم الله بين أخوانكم وخواتكم تفيدون وتستفيدون بالنسبه السؤال
يمنع الذهاب الا مع وجود ورقة وهذى الورقة عبارة عن استمارة
تذهب لسفارة لطلب الفيزا و يطلب من الموظف ان الابن صغير وسوف يذهب مع الاهل ويذكر صلة القرابه
اذا كان من طرف الام او الاب
اما بروحة مسحيل عندنا بالكويت ما يصعد الطيارة الا بالورقة
ترى سهالات الاستمارة ويجب توقيع ولى الامر
وانا اتكلم من تجربة شخصية
موفقين باذن الله

مثل ما قال ابو عبدالله , تجيب ورقه الموافقه موقعه من الاب ...الخ
وان شاء الله الامور سهله

أبو عبد الله .. المسافر .. الله يجزاكم خير ما قصرتوا
طيب احد عنده فكرة .. وش البلد اللي يشترطون وجود أحد الوالدين على الرحلة ؟
وإلا ممنوع اعطاء الطفل فيزا ؟

اذكر ان احد ابناء اختي كان يريد اخذ فيزا والسفر لبريطانيا بمفرده للسياحة لكن لانه اقل من 18 او 21 سنه بصراحة لا اذكر تم رفض الطلب لكن تم ابلاغهم ان خاله (اللي هو انا) متواجد بلندن فطلبوا صورة جوازي وصورة الفيزا وخطاب تعهد مني لهم باني مسئول عنه وكذلك تعهد من والدته ومن ثم تمت الموافقة وكذلك اشترطوا علي استقباله في المطار ،، لكن كان لدي اجتماع هام وابلغت ابني اختي في حال الوصول الاتصال بي فورا وبالفعل اتصل علي وقال انا في التاكسي قادم ! بكل سهولة انتهت الاجراءات ولم يكن لي حاجه بالذهاب

الصراحة إنني أرغب العكس ..
أبحث عن دولة لا تسمح بسفر الأطفال إلا مع أحد والديهم على نفس الرحلة
وتمنع قدومهم بغيرهم منعا باتا .. لأعتبارات معينة
فمن يعرف أي دولة متشددة في ذلك فليبلغني مشكورا
وجزاكم الله خير

أختي الفاضله أنا اللى فهمت من كلامج أنج ماتبين الاطفال يرحون معاكم عشان لا تتحملين المسؤوليه
إذا هذا قصدج مالومكم

أبوعبدالله
اتوقع هذا قصدها
بس ما اتوقع في بلده لا تسمح للاطفال السفر بدون الوالدين ,, مدام بيجيبو ورقة موقعه من ولي الامر واذا انقبلت الفيزا ,, خلاص معاكم معاكم ...

ايوا الله ياخواني هذا الحاصل .. الواحد يالله يتحمل مسئولية عياله -خاصة للي يروح أمريكا-
بس ماودي نردّ أحد ..
نبي بلد متشددة بهالنقطة عشان نخليها محطتنا الأولى قبل أمريكا
أبو عبدالله _ الهلالي _ المسافر الصغير .. جزاكم الله خير

اا شيهانة اا
بتغيرين المخطط علشان هذا الموضوع !
باختصار اعتذروا منهم او جيبوا سبب ثاني غير تعديل مسار الرحلة ..