هلا اخوي
الاب والكمرا عادى
بالنسبة للااطعمة برضة ممكن اذا كنت حتدخل اشياء مثل اجبان
مستلزمات قهوة وشاى
هذى اللى ممكن يحتاجها المسافر

الي اعرفه في جميع المطارات يمنعون الاتي
1- السوايل
2- اي شي حاد ( ملقط ، مقص ، سكين .... الخ )
في شغلات حسب المزاج ممكن يطوفونها وممكن يدققون عليها وياخذون جزء منه للمختبر الخاص بالمطار
مثل مساحيق البهارات والبودرات المحطوطه في اكياس شعبيه
على سبيل المثال كنت مسافر الى فنكوفر - كندا العام الماضي وكان مع الاهل مسحوق جهر اللومي عطلونا فالمطار اكثر من ساعه كانو يحسبونها ماده ممنوعه
وكذالك احد الزملاء متجه الى نيوزلاندا عطلوه عشان شايل معاه نوع من البهارات المطحونه
^_^ اتمنى انك استفدت من تنويهي
ومن كل قلبي اتمنى لك التوفيق

حسب الانظمة الحليب ومشتقاته ممنوعة
المعلبات ليست ممنوعة
لكن التفتيش نادر جدا !!!

الله يعطيكم العافية
انا استفدت كثير من نصايحكم
انا باخذ معي جبن ومعلبات علشان النقنقه اخاف ما احصلها او احصلها غاليه شوي
الحمد لله اذا كان ما فيه شيء منصوص على انه ممنوع وان التفتيش نادر
وهل يلزم تسجيل اللاب توب مثل بعض الدول في شرق اسيا عند الدخول لازم يسجل

عبدالمجيد المسافر
مايحتاج تسجل اللاب توب عادي

الامور عاديه
لا تسجل لاب ولا غيره

الامور طيبه والمعلبات خذ لك مع اني اخذت مثلك بس رجعت وبعصها مافكتها ههه

بما ان الموضوع انطرح قلت اسأل فيه
معاي علبة حبوب دواء راح يسألون عنه او لا !
وودي اخذ معي خلطه فيها شاهي اخضر وكمون وزنجبيل وكذا برضو بيصادرونها والا كيف !
يعطيكم العافيه

ما أحد راح يسأل