مرحبا اخوي
تبي الصراحه هذه اسعار غير معقوله
هذه التذاكر كذا عيل شلون السكن قدامكم وشلون الخدمات!!
دخلت الحين موقع الخطوط السعودية اشوف سعر التذكره من جده الى دبي , حصلتها اعلى من السعر الي انت حاطه , وسعر التذكره من الدمام الى دبي بالخطوط السعودية 1353
وسعر التذكره من جده الى دبي عبر الخطوط الاماراتيه حسب موقع الخطوط الاماراتيه طلع 3744 ريال!!! درجه سياحيه بالطبع
وسعر التذكره من الدمام الى دبي عبر الخطوط الاماراتية 1501 ريال
وسعر التذكره من جده الى الشارقة عبر العربية للطيران ب 1560 ريال ( اشوفه الانسب لكم)وشامله الضرائب وكل شي
وسعر التذكره من الدمام الى الشارقة عبر العربية للطيران ب 550 ريال فقط شامله الضرائب
المشكله المسافه كل مازادت بعد زادت التذكره وجده بعيده عن دبي مقارنة بالدمام
الا اذا بتطق مشوار بالسياره للرياض او الدمام تقرب المسافه وتقلل سعر التذكره ترى ماهي شينه كثير يسوونها

اخوي سلطان الشرقيه من وين جبت هذي الاسعار دلني الله يرحم ابوك

اخوي اليازجي
هذه الاسعار مثل ماقلت لك من موقع خطوط كل شركه طيران
الخطوط السعودية
http://www.saudiairlines.com/arb/index2.jsp
طيران الآمارات
http://www.emirates.com/arabic/uae/
العربية للطيران
http://airarabia.com/arabic/index.html
فقط ادخل كل موقع وحط مدينة المغادرة ومدينة الوصول واختر التاريخ وثم ستظهر لك وقت الرحله ذهابأ وعودة والسعر الاجمالي

هلا اخوي سلطان
طيب من الرياض الشارقه على العربية بكم بتاريخ 31 والعودة 5_1_2007
ودمتم بحفظ الله

مرحبا اخوي اضواء المدينه
السعر من الرياض الى الشارقه بهالتاريخ ذهاب وعوده 1250 ريال
ليش ماتطلع رحلتك من الدمام؟
حيث ان العربية رحلاتها يوميأ من الدمام الى الشارقه , عكس الرياض وجده
ولاتنسى ان المسافه قريبة بين الرياض والدمام , والسعر يفرق كبير بين المدينتين الى الشارقه
وكذلك بأمكانك ايقاف سيارتك في المطار مجانأ , حيث يتبع نظام مطار الملك فهد الدولي سعر الوقوف بالمطار ريال واحد فقط مقارنه بالمطارات الاخرى , وكذلك بعض شركات الطيران الدوليه بأمكان المسافرين على متنها اخذ بطاقة موقف السيارة بحيث تتيح لهم ايقاف سياراتهم مجانأ من بينها طيران الامارات والخطوط الاردنيه والباكستانيه والعربية

أنا حصلتها من البحرين الى دبي ب 910 ريال
عن طريق طيران الأمارات

هلا اخي سلطان
اشكرك على الافادة
وبالنسبة لأقتراحك حلو
طيب ممكن بكم راح تكون التذاكر في نفس التاريخ (لاني حاولت في موقع الخطوط وما ضبطت معي)
ودمتم بحفظ الله
اخوك عبدالاله

مرحبا فيك اخوي
الوقت الي انت طلبته بحكم انه عيد عشان كذا مستغلينه
التذكره من الدمام الى الشارقه 650 ريال, والرحلات يوميأ
والفرق بين الدمام والرياض هو مبلغ 600 ريال كامله لكل شخص
يعني تقدر تستفيد من 600 ريال وخاصه لو كنتم عائلة او مجموعه فالفائدة أكبر
واذا عزمت تقدر تحجز مبكرأ من هذا الاسبوع لان الوقت الي انت تبيه راح يكون ظغط عليه بحكم انه اجازه وعيد

جرب طيران الجزيرة ماتوصل حتى 850 ريال وهذا موقعهم ممكن تطلع من البحرين او الكويت الي دبي
اعتقد اعتبار من يوم امس تم ربط جميع المحطات من خلال التوقف بالكويت
وهذا موقعهم
http://www.jazeeraairways.com/Arabic/