ياخي ميزانيتك ضعيفه جدا لأن عددكم خمسه وميزانيتكم من 20 الى 30 بس وبتجلسون 17 يوم، والمشكله ان المبلغ المذكور يتضمن التذاكر
يعني اذا بتروح لبلد مثل المغرب بيروح نصف المبلغ على التذاكر، وسوريا ماتنفع هالسنه كلها قتل وذبح، واليمن كله مشاكل وانا مستغرب كيف ذكرت هالدولتين الا اذا كنت من الناس اللي ماتتابع الاخبار
احسن شي عندك الأردن تناسب ميزانيتك لو تروح بالسياره وتوفر حق التذاكر و20 الف بتكفيكم بالراحه لمده 17 يوم، او مادامك قلت اليمن ليه ماتروح للجنوب نفس الطبيعه ونفس الجو والبيئه متشابهه، ومنها توفر كذلك، لان ميزانيه 20-30 الف لخمسه اشخاص وشامله التذاكر وخارج البلد اشوفها صعبه لأن التذاكر يبيلها 10 الاف والسكن يبيله عشره الاف

عندك لبنان
سمعت أن الأردن تتهيأ لأستقبال السياح
الله يسر أمرك ابوريم

يارجال لبنان يبيلها 40 الف لخمسه اشخاص مو 20 الف
ذا انتم عائله لاتفوتكم اندونيسيا
طبيعه + شواطيء خلابه + جو حلو
ورخيصه يعني تجلس 17 تعيش كنق ب 20 الف هناك

Swissri
هلا بك أخي Swissri أشكرك على إهتمامك ولكن بالنسبة للدول اللي في الموضوع فهذه دول
زرتها قبل كيذا وما أبي أرجع لها .. بالنسبة لمشاركتك الثاني اللي هي هذه والله فكرت في إندونسيا
وماليزيا بس وانا أخوك سعر التذكرة فوق ال4000 ريال وإحنا ما شاء الله مو 1 ولا 2 عشان أقلك عادي سعر التذكرة
بس سمعت فيه طيران إسمه طيران الأسد ويقولون إنه كويس وإقتصادي بس مدري عنه اتمنى منك حبيبي التفاعل
معي مع إني عارف أن الوقت راح لكن إذا ربك راد إن شاء الله يكون .. بإنتظارك أخوي

ابومحمد فهد
هلا بك أخي سمعت أن الأوضاع مو مستقرة فيها ,..

شوف اخوي الوقت مافات..مافات الا الشر ان شاء الله
انت مثل مانت عارف البلدان العربيه كلها اوضاعها حوسه ومافيها امان وفوق كذا غاليه
مالك الا اندونيسيا...وانصحك روح لبوابه اندونيسيا وبتلقى كل تفاعل وكل الاجابات هناك احسن من هنا لان هالبوابه عامه واي خدمه حنا بأمر الطيبين

Swissri
ههه حلو توقيعك ,,,
هلا بك أخي فعلاً فتحت موضوع وما شاء الله باين إن الإخوان ما قصرو معي
والله فعلاً سمعت عن بلاد العمة إنها رخيصة وحلوة بس يا غالي تعرف شئ عن
طيران الأسد ..... وهذا هو الرابط : https://artravelers.com
لك أرق التحااياا

مداخلة بسيطه /
طيران الاسد ( ليون اير ) هي شركة طيران اندونيسية...
سافرت على متنها الصيف الماضي وكانت بسعر 2500 ريال للكبير ، و 1900 ريال للطفل .
وبصراحة طيران جيدجدا ، ولكن للاسف هذه السنة تم رفع الاسعار الى3800 ريال ( اسعار هذا الاسبوع )

oceanus
هلا بك ياريت أحصل على هذه الأسعار لان الأسعار فعلاً مبالغ بها ,,,,