اخوي ابو جاسر عطلتهم السبت و الأحد ,
يعني ان شاء الله تحصلهم موجودين

أشكرك أخوي قانوني 1982 على تجاوبك معي بالنسبة للأستفسار الثاني
( سكني في ميونخ بفندق Flemings Hotel Munich City . وين أقرب مكتب لسيكست من الفندق؟ لأني ما راح أستخدم السيارة في ميونخ وأبقى أعرف مكان التسليم لأنه يطلب منى موقع سيكست الفرع إللي بسلم فيه السيارة والفروع كثيرة في ميونخ وأنا ودي بفرع قريب من الفندق يعني أسلم السيارة وأروح للفندق كعابي) لو تقدر تفيدني.
وتسلم يالغالي.

انا صراحه ما عمري استأجرت سياره من ميونخ , يجون الشباب يفيدونك ان شاء الله

سبحان الله
كنت بقول لك سلمها بالفرع اللي سلمتها فيه أنا
لأني لاحظت سرعة التعامل وسهولة الوصوله لهذا الفرع
فأكتشفت أن الفرع اللي بقول لك عليه
أصلا هو أقرب فرع لك
وبعد بحثي بخرائط قوقل عن مدينة ميونخ
وفروع سيكست
وجدت أن هذا الفرع يبعد عن فندقك كيلو واحد فقط بالسياره
و450 متر أذا أخذته مشي
لذلك بيصير مشي أقرب لك كثير من التاكسي
فقط 450 متر
تتجه جنوب على شارع Bahnhofplatz‏/ Luisenstraße‏ مسافة 180 متر مشي
ثم تاخذ يمين على شارع Bayerstraße‏ 200 متر مشي
وبعد 83 متر بتشوف الفندق يسارك
وفندقك عنوانه
Bayerstraße 47
5München, Deutschland
الفرع اللي أتكلم عنه
هو فرع سيكست
محطة القطار المركزيه
Munich Central Train Station
وهذا عنوانه
Sixt Car Hire Munich Central Train Station
Bahnhofplatz 2
5München, Deutschland
أحداثياته
N48 08.530
E011 33.526
muinch central station
وهذا رابط موضوعي تكلمت فيه عن تجربتي في أستئجار السياره من فريلاسينغ
وتسليمها في محطة القطار المركزيه
اللي هي المحطه القريبه لفندقك واللي بتسلمها فيها أن شاء الله
https://artravelers.com/p/re/637052
وأتشرف أيضا بمتابعتك لتقريري
بالتوقيع

أخوي وليد.... لا توصي حريص بارك الله فيك, تقاريرك تخلي الواحد غصب يقرأها من روعتها ما شاء الله عليك وأنا في أغلب تخطيطي لرحلتي مصدرها تجربتك.
لكن ياريت توضح لي شغله في الاحداثية اللي ذكرتها لأني دخلت عليها في قوقل ولقيتها خلف المحطة وبعد الفرفره حصلت هذي الأحداثية لموقع شركة Sixt في محطة القطار وهي:
N48.140314 E11.560691 ياريت تفيدني هل الاحداثية اللي حصلتها أنا صحيحة والا أعتمد على أحداثيتك, لأني سمعت أن بعض الأحداثيات تتغير (ترى أخوك عليمي بالأحداثيات).

تسلم يالغالي
لا توكل على الله وخذ أحداثيتي
الأحداثيات وأنا أخوك لاتتغير
هي خطوط طول وعرض
تذكر أيام الجغرافيا
ههه
السالفه ومافيها صيغ الأحداثيات
يعني تلاحظ بعضها تختلف بصيغة الأحداثيات
بالنسبه للأحداثيات اللي كتبت أنا صحيحه 100% وأنا وقفت عليها بالضبط
توكل على الله وسجلها
أدري أحسك باقي خايف
طيب
أنسخ العنوان السابق اللي كتبت أنا
هذا
Sixt Car Hire Munich Central Train Station
Bahnhofplatz 2
5München, Deutschland
وروح لقوقل الصفحه الرئيسيه
على حجاجك الأيمن مكتوب
بحث - صور -خرائط - الأخبار ألخ
أختار خرائط
بيجيك محرك البحث
أنسخ فيه هالعنوان السابق
وبتطلع لك شركة سيكست والفرع اللي قلت لك

اخوي وليد الرس تقريرك من اكثر التقارير اللي استفدت منها بارك الله فيك
انا بستاجر سياره من يورب كار وبسلمها في ميونخ هل ليورب كار فرع عند محطه القطار الرئيسيه
وبالمناسبه وصولي يوم سبت هل هناك دوام جزئي او ورديه للتسليم
وش الحل برايك هل اخلي السياره معي للاثنين مع اني ما احتاجها
والله اني منحاس

تسليم يالغالي
وما أقول الا بيض الله وجهك يا ال Reference

وسم
نعم يالغالي كل شركات السيارات مكانها هناك
هرتز - ايفيس - يورب كار - سيكست - بدجت
كلها راح تجدها بنفس البنايه وبنفس المواقف
ولعل هذا مايميزها أنها تضم جميع الشركات وسرعة التسليم
وأعتقد أن هذا الفرع مفتوح 24 ساعه
وبأمكانك أن تتأكد من خلال حجزك
لما توصل للمرحله اللي تختار فيها مدينة التسليم يظهر لك مربع يبين لك مواعيد دوام هذا الفرع
أصلا أعتقد أنه لو ماكان يسمح وقتك او يومك ماراح تمشي خطوات الحجز معك راح تجيك رسالة خطأ
عموما تأكد أفضل لك