500 مادري اعتقد كثيره على الجبيل لان مافيها شئ
لاكن الهيئه الملكية مضيقه على العالم ماتعطي اراضي للسكن فربما العالم تمشي حالها بهالشقق كنظام سنوي لما يكتب الله بيت من الشركه او دبره
عموما اعتقد الاسعار كثيره الى انت حاطها لاكن انا اقولك موظفين شركات الجبيل عموما وسابك تحديدا عندهم نقص كبير في السكن فلذلك يتجهون للاستاجار بشكل شهري لما يجي دورهم في السكن تبع الشركه
ايضا سمعت ان شركة سابك نفسها تستاجر منك الشقه بشكل سنوي بسعر طيب
ماعندي تفاصيل اكثر
اتمنى تكون مشاركتي مفيده

المشروع أكثر من ناجح
وإذا تبي اقتراح من أخوك ..
قسم الشقة إلى أكثر من استديو ( غرفة وصالة وكاونتر مطبخ ودورة مياه ) وشف كم أستديو يطلع معك ..
وأجر وراح تشوف السرا عليك ..
ولابد تضيف بعض الأشياء الضرورية والكمالية بنفس الوقت ( dsl ) مهم جدا

فكره ممتازه جدا
و ال dsl مهم جداجدا جدا

انصح بتأجيرها شقق فندقية اذا كانت بموقع بارز بشرط الاهتمام بتأثيثها وبالخدمات , وللمعلومية الشقق الفندقية في الخبر التي تضم غالبية المنشئات السياحية اسعار الشقق حاليا 250 _ 350 , فكيف الجبيل الي مافيها شي ب 500 ريال؟

تبي نصيحتي من واقع تجربة اجرها سنوي ع شركات سابك وانت الرابح ان شالله
وترا كثير متأزمين بالسكن بس احرص تأجرها ع شركه مو ع افراد
بالنسبه للايجار اليومي ماانصح فيه لان الجبيل مافيها زوار كثير ومافيه شئ يستاهل القعده
وحتى لو فيه شهر شهرين والباقي تبي تقعد فاضيه حرام
تبي تقولي البلد شققهم فل اتوقع اغلب سكانها عزاب والمعيشه ارخص لهم هناك
اما ضيوف الشركات والوفود يستأجرون بالفندق يعني مهم حول شقق
مدري هذا اللي اشوفه والله يختارلك الخير

اخوي
انا من سكان الجبيل الصناعية واعرف بالوضع هناك وااكد على كلام الاخوان في وجود ازمة حقيقية للسكن في الجبيل الصناعية واقترح عليك تأجر بشكل شهري اذا كان الاجار على افراد اما على شركات اجار سنوي وانت الكسبان
وشيل من راسك الاجار اليومي خاصة بالسعر الي انت ذكرت لان الجبيل بالفعل مافيها شي يخلي الواحد يجيها
انا يامحدثك وانا من اهلها كل تقضيتي وتمشياتي في الخبر والدمام

على فكرة اخوي
اذا تبي مستأجر بالشهر ترى عندي لك بدل الزبون 10 بس عطني خبر متى بتبدأ تأجر ووين الموقع بالضبط وابشر بسعدك
والله يرزق ان شاء الله

السلام عليكم أبو نورة
أولاً: التأجير اليومي شله من راسك أنت في الجبيل الصناعية وبإشراف الهيئة الملكية وأعتقد إن نظامهم ما سمح لو في الجبيل البلد قلتلك يومي وبدون تردد
ثانياً:التأجير السنوي فيه راحة وإن استأجرتها سابك راح تشرط عليك فرش وستاير وفرن وثلاجة وحاجات ثانية بس الله حق يسلمونها لك بعد انتهاء العقد سليمة وزي الفل وسعر حليو ومضمون
ثالثاً: التأجير السنوي الشهري أعتقد أنسب وإذا تصميمها يساعد انك تقسمها نصفين وتأجرها لعزاب أجانب يليهم عزاب سعوديين يليهم عوائل أجانب ثم عوايل سعوديين وهذا الترتيب مبني على أساس أكثر دخل وليس له أي اعتبارات أخرى نست أقولك عن طبيعة العقد وهو عقد شهري يقوم المستأجر بدفع الإيجار بداية كل شهر وإذا عابط خطاب للشرطة يومين ثلاثة ولاه طالع لكن السنوي فيها مراكض في المحاكم
عموماً الله يوفقك ويرزقك ولكن لا يلعبك الطمع (سدد قارب ) (لا ضرر ولا ضرار)