1. السلام عليكم


2. لان هالسفرة قد تكون اخر ايام العزوبية


3. كل ما طقيت في ارض وتد........ من رداة الحظ وافتني حصاة

السلام عليكم

الساعه الواحده صباحا وانا اكتب هالموضوع ومافيني نوم والافكار تروح وتجي عطلة الحج على الابواب وش تبي تسوي يا رجال وانت عندك 12 يوم لازم تسافر وتبدا الافكار فلان ولافلان ولا وش رايك بفلان الكثير الكثير يدورون داخل راسي
خصوصا اني ما سافرت بعطلة الصيف فانا متشوق للسفر في هالعطلة باي وسيلة !!

لان هالسفرة قد تكون اخر ايام العزوبية

ثم يبدا التفكير في الدولة مع نفسي ( ماليزيا رحنا له تايلاند الفلبين اندونيسيا ولا وش رايك بتركيا انا اقول جوها رايق وبراد وسعة صدر وفله ووناسه ويبدا التدوير في مواقع الطيران مره الامارات ومره السعوديه ومره الاتحاد
ثم بعد هالشي اصحو من احلام اليقظة بعد اتصالي مع واحد من العيال وش رايك يا بو فلان خوي همين يقولي والله ما اقدر اسافر عندي ارتباط شخص ثاني ماعندي اجازه شخص ثالث يقولي اجازتي تبدا مع نهاية اجازتك
وش هالحظ !!!

كل ما طقيت في ارض وتد........ من رداة الحظ وافتني حصاة

ثم اسال نفسي هالسؤال مرارا وتكرارا هل ضروري كل عطله اسافر انا اشوف ناس حولي في مجتمعي وخارج مجتمعي تمر السنه والسنتين والثلاث والخمس سنين ما سافرو بالرغم من ان اوضاعهم الماديه اوكي
ثم اقول طيب ليش ما اسافر لحالي مع اني ما احب هالنوعية من السفر ابي احد يرد علي الصوت وتبدا الافكار تروح وتجي هاه اسافر لحالي واسحب عليهم ولا مهوب لازم اسافر اذا كانت هناك مغثه وخساير وهنا مغثه بختار المغثه هنا
ارجع واقول
بكره احلى
مذكرات مدرس