السلام عليكم ورحمة الله وبركاته
عموما ما تحتاج تتهمم أخوي، الفترة اللي ناوي عليها إن شاء الله تحصل حجز، وحول التفاصيل الأخرى حول تأخيرك وكذا ترى الطيران العماني أوسخ طيران وما عندهم ملة محتكرين المسار ويلعبون فيه على ما يريدون، لى ويوم توصل صلالة يقول لك شكرا لاختياركم الطيران العماني! كأن عندك خيارات! بس أهم شي تنسق ترانزيت من بلدك، ويا هلا فيك معانا في العيد *_^ وهو الوقت الرائع بالنسبة لي حيث الرؤية الواضحة والمسطحات والزهور تعطر المكان، لك مني أجمل تحية، والسلام عليكم ورحمة الله وبركاته.
أخوكم في الإسلام

هلا اخوي شاكر لك
وعليكم السلام ورحمه الله وبركاته
على العكس انا سمعت انهم يمدحون الخطوط العمانية
وانا خطة سيري هي انا وزوجي ان احنا نطلع بالسيارة من الرياض الى مسقط ومن مسقط الى صلالة
لكن احنا مترددين هل نحجز من هنا الرياض لرحلة داخلية اللي هي من مسقط لصلالة
او لما نوصل مسقط راح نلقى حجز على طول لما نوصل؟؟
ابغى شورك هل امكانية الحجز لما نوصل موجودة ومتوفرة بكثرة
وايضا السكن متوفر

عهايد
السلام عليكم ورحمة الله وبركاته
السكن متوفر ومثل التراب، وتقدر تسكن في فندق 5 نجوم وانت مرتاح وبالأسعار المنخفضة جدا مقارنة بالخريف.
مسألة إنك في العيد أتوقع إنك راح تتزاحم مع الكثير من أهل صلالة اللي يرجعون بالعيد، فأحسن إنك تنسق أتوقع إن الحجز راح يتعسر عليك، وسالفة إن الطيران كل ساعتين أتوقع في الخريف فقط، أما الأيام العادية تقريبا 3 رحلات يوميا، وغالبا تكون فل لو تريد تحجز في نفس يوم الإقلاع، وسعر التذكرة للشخص الواحد ذهاب وإياب ب74 ريال عماني، فلك أن تتصور قمة الغلاء لأغلى رحلة داخلية في العالم! لك مني جزيل الشكر والتقدير، والسلام عليكم ورحمة الله وبركاته.
أخوكم في الإسلام

يعني تنصحنا نحجز من الان ولا ننتظر شعبان او ممكن في رمضان
وجزاك الله خير

عهايد
حياك الله، أتوقع عندك متنفس حاليا، ولو في بداية رمضان يكون زين يعني تكون متأكد إنك راح تجي إن شاء الله، بس لو حبيت تتطمن ممن تحجز بدري، لك مني تحياتي

شكرا لك وبيض الله وجهك