بسم الله كتبت رد وطار المهم كنت بقولك اني ما اعرف اذا فيه بسويسرا ملاهي او لا لكن الاغلب يمدحون يورب بارك الي بالمانيا وا لاقرب لها انترلكن اما بالنسبه لايطاليا ف انا سكنت في باسكييرا 3 ايام وكانت ممتعه يوم خصصته لقاردالاند ولا يكفي يوم لانها كبيره جدا ويوم للموفي لاند وتسكر بدري رحنا تعشينا في مطعم العصور الوسطى وثالث يوم رحنا لفيرونا ورجعنا بس انبسطنا مرا وسكنا بفندق قريب من مطة القطار

يعطيك العافية مدهشة .. و كيف باسكييرا ؟؟ قريبة من البحيرة ؟! هل تنصحيني السكن فيها
خصوصاً اهم شي عندي اني اروح ل جاردا لاند و بعدها بمر مرور على فيرونا ..
و انتظر البقية ..

باسكييرا رائعه وانا غامرت يوم سكنت فيها لانه ما شفت احد سكن بس تستاهل هي اصلا على بحيره واحنا سكنا عشان ما كنا نبي قاراد لاند ونبي موفي لاند المطعم اما بالنسبه لفيرونا يوم وصلنا الساعه3 واستلمنا غرفتنا قلت لريسبشن نبي نروح الملاهي قال ترى ما يمديكم ما عجبنا كلامه واخذنا البروشورات وقلنا الصباح افضل فرحنا بنحجز لفيرونا لانه ربع ساعه الجهاز اعطنا ب30 يورو اما يوم رحنا للشباك اعطانا الموظف تذكره مفتوحه الوقت وب9 يورو بس القطار ما يورو ستار عادي بس ما يسوى المشوار ربع ساعه

ITALY LOVER
وعليكم السلام
أولا ياليت تحدد منطقة العودة حتى نستوعب معاك المسار والتوزيع المناسب
ثانيا فكرة الإقامة في لوقانو وزيارة كلا من (زيورخ , لوزيرن , لوزان)
أشوفها جدا مرهقة ومتعبة وبرأيي إنك تستبعدها
و سؤالي الاهم هل فيه مدينة العاب في لوجانو او ما جاورها من هذه االمدن ؟؟
لان اذا ما في بخصص يوم قبل ل جاردا لاند في ايطاليا ..
و شكراً
خليك على قاردا لاند رائعة بكل ما تعنيه الكلمة
تنوع في الألعاب ومساحتها مناسبة تلفها كلها وتستمتع بالألعاب والمرافق في يوم واحد
والله يوفقك

مدهمشة يعطيك العافية ..
طيب وش اقرب منقطة ل جاردا و حلوة للسكن اعطيني منطقتين و تكون ع البحيرة طبعاً ..
فيرونا بعيده اظن عن الملاهي و الا ؟ انا فيرونا بس بمرها مرور بشوف مدينة روميو
و اذا عندك اضافات لا تحرمينا ..

سويس هايدي سبب هذه الفكرة هو انه باقي لي حوالي 6 ايام من رحلتي بعد ايطاليا ..
طبعاً رحلتي تبدا من روما - فلورنس - فينيسيا - جاردا للملاهي و بعدها ميلان الاخيرة و هي محطة العودة
بس لان ميلان يكفيها يومين و انا باقي لي من الرحلة تقريباً 5 ايام قلت اروح لوجانو ..
و بعدها فكرت ازور هذه المدن لانها قريبة منها .. انتي و ش رايك ؟ تنصحيني كيف اوزع ال 5 ايام في لوجانو ؟!
و شكراً لكم

بجاوبك بالنسبه لقاردا لاند اذا هي مقصدك يا تسكن بميلانو لانه بامكانك تروح وتجي بالقطار تبعد اعتقد ساعه وكثير شفت ناس كانوا يسوون كذا او انه اذا ودك تروح لموفي لاند والمطعم الخطير لازم تسكن بنفس باسكييرا افضل وفيرونا وانت ساكن في باسكييرا تاخذ تيكت وتروح وتجي بالقطار بنفس اليوم وتشوف بيت روميو وجولييت بالنهار يمديك تتمشى فيها وترجع لباسكييرا رحلتي ما كان مقصدها بحر فما رحت لمناطق بحيره الا فينيسيا وبس

يعطيك الف عافية مدهشة ..
المطعم الخطير ؟ وش يكون ؟! موفي لاند مو للاطفال ؟
لا استبعد السكن في ميلانو و اروح لجاردا .. بسكن قريب هناك ..
/
شكراً

المطعم اقصد مطعم الميدفيل تايم حلو تجربه جديده مكتوب عنه بالقسم الايطالي
موفي لاند ماحسيته للاطفال مادري حسيته عادي وحلو استانسنا فيه