اخي العزيز اذا كانت روحتك في الصيف فالمبلغ ما راح يكفيك لان كل شيء يزيد سعره في هالوقت ,,, وبما انكم عائلة فالاكل ما راح يكون في اي مكان وبيكون مكلف ( لو معكم العزبة وتطبخون في الفلة راح توفرون مبلغ لا يستهان به ) ,,, اقترح عليك انك تزيد البلغ من 12000 الى 15000 الف ريال وراح تكفي وتزيد معك بعد وعلى قولة الاولين ( الزود ولا النقص ) اي استفسار لا يردك الا الكيبورد والجميع هنا يسعدهم خدمتك

جزاك الله خير ياخوي طارق .............يعني معدل كل يوم 1000ريال......
طبعا فيه مبلغ للطوارئ...معانا الفيزا وبطاقة الصراف....فيها رصيد 15000...
انا كان اعتقادي ان البلد رخيص حسب ما قريت....

شف مدام السكن والسواق ليسوا من ظمن الحسبة 10000 ريال راح تكفيكم والباقي مثل ما قلت لك احتياط لانك في صيفية وكل شيء مرتفع سعره في مثل هالوقت بس اهم شيء ان العزبة تكون معكم ( الرز والمكرونة والتونة ومعلبات للفطور ) وراح توفرون اكثر وتستمتعون بالاكل في الفلة لان له جو ثاني

بارك الله فيك ياخوي طارق.........الحمد لله احنا مستعدين ...بس هذي اول مرة اروح( بلاد الاندومي )على قول الاخوان ...
واخوك يحب الاستعداد قبل السفر خاصة السكن والنقل.....

يعجبني اللي يخطط لسفر قبل بفترة ويعرف كم بيصرف ويعمل حسابه على هالاساس ,,,
شف البلد مهوب غالي وأيضاً مهوب رخيص مثل ما بعض الناس متصورين وانت عارف ان كل الدول بدون استثناء ارتفعت المعيشة فيها واندونيسيا ليست استثناء ,,,
المطاعم العربية هناك ماهيب رخيصة واذا بتاكل فيها كل يوم هذه يبيلها مزانية لحالها وهنا التوفير يكون عن طريق الطبخ في الفلة واكيد ما فيه مانع انك تجرب الاكل من المطاعم من فترة لاخرى ( خصوصاً المطاعم العالمية وبالذات دومينوز بيتزا ) ولا تنسى انك تكاسر في كل شيء تاخذه ( بس مع ضحكة وبدون ما تعصب واذا لم يعجبك السعر اتركه ودور غيره )