شكراً اخوي بو عبدالله على هالموضوع الحلو ، فعلاً اعتبره من المواضيع الغنية و يعتبر شباك صغير يسمح للسائح العربي انه يعبر المضايقات الي يتعرض لها في بريطانيا .
بالنسبة لي ، صيفت انه و العايلة الصيف الي طاف في لندن و الحمدالله ماتعرضنا حق اي موقف عنصري ، الشعب طيب و محترم و ما عليه من احد ، كل واحد رايح في سبحانيته . اللهم قبل لا نرجع بيومين كنت في المحطة و طلبت من الموظف الي هناك و كان من اصول افريقية ، انه يعبي لي بطاقة المترو ، اهوه عاملني بجفاف و شوية حقارة ، المهم انه مشيت الموضوع و لما خلصت سألتني الوالدة اشفيه كان متنرفز قلت لها الي صار و كان يبين علي اني منزج ، جان ايينا المسؤول الي بالمحطة و سالنا شفيكم ، اخوك ما جذب خبرك قلت له الي صار ، و رأساً راح له المسؤول و خلاه يعتذر لي .

قوس النصر
أشكرك من الأعماق على المشاركة وعلى الموقف المذكور
بارك الله فيك وتشرفت ياغالي بمرورك الكريم

تم التصويت
والاجابه "لا" طبعا...

تم التصويت
و شكرا على الموضوع الرائع

ياليت الاخوان يذكرون المضايقة اللي صارت لو مافيه احراج يعني

السلام عليكم تمت الاجابه

يعطيك العافيه اخوي الكريم
وطبعا صوت وكانت الاجابه( لا) وأن شاء الله محد يتعرض لأي موقف عنصري

أنا قبل كنت أتضايق من نظراتهم ..
بس ألحين حطيت في بالي إن هالشي عادي وطبيعي
لأن إحنا شكلنا ولبسنا غريب بالنسبة لهم
خلهم يطالعونا .. مابصير شي لو طالعونا
هم عارفين أن إحنا ناس في حالنا جايين للسياحة , يعني جايين ننفع بلدهم , ماجايين نشفط من خيرهم مثل ماهمه يسوون لما يجون يعيشون في بلادنا ..

السلام عليكم
موضوع ممتاز ، الاعمال العنصرية موجودة في كل البلدان من بعض الطبقات الغير مسوؤلة والي تأثر سلبيا على سمعة هذا البلد بس في بريطانيا اكو اختلاف جغرافي في توزيع العنصرية فمثلاً في لندن نسبة الاجانب 45% من عدد سكان لندن و نسبة العنصرية قليلة (واغلبها تكون من الاجانب نفسهم) اما خارج لندن فنسبة العنصرية اعلى بكثير بسبب الكثافة العددية.
القانون البريطاني يعتبر التميز العنصري جريمة واذا عاملك شخص باي طريقة عنصرية تكدر تتصل بالشرطة وهمة يعلموه الادب ، واذا كان موظف تكدر تشتكي عليه لمديره مباشرتا في موقع الحادثة واذا ثبتوها عليه راح ينطرد من عمله اهم شي يكون عندك شاهد