- ودي اعرف من الخبراء الي مكسرين امريكا
بسم الله الرحمن الرحيم
اخواني وخواتي..
وايد قريت تقارير عن امريكا وفي منها يشجع وفي يصورك امريكا عاديه بس عمارات لا طبيعه ولاهم يحزنون
ولين الحين داير راسي هل امريكا تستاهل الواحد يتعنى يروح لها؟؟
انا من وعيت عالدنيا وانا في اوروبا بس هاي المره اورلاندو جاذبتني مع اني ما احب امريكا بس احس اورلاندو فيها الكثير من المتعه لعائلتي..
ودي اعرف من الخبراء الي مكسرين امريكا
هل في مضايقات للعرب لاني الصراحه سمعت اشياء واايد تخوف حتى اقول لو اني كنت هناك كيف بتصرف؟ كل اخاف اسوي شيء غلط ما ادري من كثر ما سمعت والله مب عارف كيف اتصرف على سجيتي وانا معاي عائله واطفال صغار واحد 3 سنوات والثاني سنه يعني حسسوني اني لو رحت امريكا اكون مثل العبد عندهم واكون دايم متحذر فطريقت كلامي فجلوسي فاكلي عن اسوي شي غلط يزعل الامريكان يا سلام يعني ولا مصيري ضرب من قبل الشرطه "صدق فيلم امريكي" انا ما عندي مشكله لو كنت بروحي بس عائلتي وياي عشان كذا انا واايد متحذر فالموضوع
وشو بالنسبه لموضوع اللحيه هل اذا رحت امريكا اخففها او اشيلها لان لحيتي طويله الصراحه وما ابى اكون محور شك لهم
مثل ما خبرتكم انا عندي طفلين 3 والثاني سنه هل اورلاندو راح تكون حلوه لعمرهم او الافضل لو كانوا اكبر من كذا لانه الي عمره 3 يتجنن على شي اسمه دزني وميكي وبارني والسي وورد والدلافين انا مش رايح عشان الالعاب كثر ما رايح عشان العروض ومقابلة شخصيات دزني فشو رايكم حلوه عشانهم؟
ومشكورين وانتظر منكم الاجوبه
كل الكلام اللي سمعناه كان مبالغ فيه ..
واورلاندوا للسياح شي طبيعي بيكون فيها من كل بقاع العالم ..
توكل على الله
وونس اهلك