انا ابغى ازور الكويت اذا كانت البضاعه الموجوده بالاسواق صيفيه وليست شتويه لان القصد من الزياره الاول التسوق..
وثانيا مااتمنى يكون فيه مهرجان او مناسبة عشان ماترتفع الاسعار للسكن وتزدحم المجمعات وتكون اغلب المحلات مسوية تخفيضات وطبعا اذا صارت تخفيضات حتكون البضاعه مش ولابد يعني البواقي من الملابس الصيفيه..
لهذا كان سؤالي ..
ويتوقف سفري للكويت لهذين السببين ..

شوفي عزيزتي من واقع لبسنا بالكويت فا احنا نلبس اكثر من قطعه على بعض يعني بتلاقين في المحلات الملابس الشتويه مع الصيفيه بس يغلب عليهم شوي الشتوي وحتي الصيفي متوفر طوال العام
اما بالنسبه لوقت الزياره اقدر اقولج ان الكويت سواء اعياد او غير اعياد المجمعات مفتوحه خصوصا المولات الكبيره طوال اليوم والاماكن الترفيهيه والمطاعم يعني مناسب جدا
الجو بدأ يميل للبروده يعني لازم يكون معاج شي شتوي واتمني لك طيب الاقامه
والتمتع بجونا الحلو

اختي بنت حواء انا توني واصل اليوم للكويت انا واسرتي والجو حلو جدا بس بارد شوي باليل والكويت دوما رائعه والاسواق هنا رائعه واسعار السكن بعد ممتازه انا ساكن بشقه غرفه وصاله وغرفة اطفال صغيره ملحقه وبسعر 25 دينار وان شاء الله تجين وتستمتعين اختي تقبلي فائق دعائي

ابورزان_2
ياليت يااخوي تذكر اسم الشقق وعنوانهم واذا ممكن رقم تلفونهم لاني رايح الاسبوع الجاي

ابورزان_2
ابو رزان كيف حالك ممكن استفسار عن السكن اناحاجز عند بودل غرفه وصاله 45 دينار ممكن اسم الشقق وتليفونهم وموقعهم اللي تقول انك ساكن عندهم 25 دينار ولك جزيل الشكر

مساء الخير الشقق اسمها مارينا رويال خلف المارينا مول مباشرة تطل على مقاهي وساحة مواقف ورقم تلفونهم 5752121 واكتب لكم منها الان واتمنى الفائده للجميع واوقات حلوه في الكويت الحبيبه

ابورزان_2
مشكور وبارك الله فيك

ما قصروا اخواني
بس هالفنره ما فيه مهرجانات
و اكثر الملابس شتويه
اذا تبين مهرجان ... انطري الى شهر فبراير ... مهرجان فبراير
و حياكم الله