نسيت اقولكم انه احنا شخصين

هلا بك أخوي
أذا سفرتك قريبه خلال هالشهر اتوقع تكفيك بس ما أدري عن مصاريف باريس على ماسمعت من الأخوان انها أغلى من النمسا
عموما انا مسافر من شهر 16 ابريل الى 30 ابريل واحنا شخصين ومأجر سيارة لمدة 8 أيام
وزرت فيينا وسالزبورغ وزيلامسي وميونخ 14 لليله 15 يوم صرفت 1700 يورو شاملة المتنزهات والأكل والشرب وبنزين السيارة وتذاكر المترو والتاكسي من المطار لفيينا ومن فيينا لمحطة القطارات ومن سالزبورغ الى فريسلانق الألمانية وتذكرت القطار من فيينا لسالزبورغ وأضافتا التسوق يعني ماقصرت على عمري
وكنت شايل معاي 2400 يورو
اتوقع المبلغ الي عندك يكفيك بأذن الله

متوسط الصرف اليومي للشخصين 150 يورو
ان شاء الله يكفي
وتروح وترجع بالسلامه

السلام عليكم
لو سمحتوا اللي يسافر للنمسا
اذا يبي يروح فينا و سالزبورغ وزيلامسي ويرجع من ميونخ .. هل ينفع انه يجول ويستانس بدون سياره يستاجرها
والا بدون سياره الرحله فاشله 100 ب 100
يعني بدون سياره وش الشي اللي راح افقده من متعه .. ياليت احد يرد لي ؟

يارب عفوك ورضاك
من وجهة نظري الاقامة في زيلاماسي وسالزبورغ بدون سياره تحول الرحلة الى عذاب ومشقه لا حدود لها
اضافة الى انك ستكون مقيد بمواعيد الباصات السياحية مما يقتل متعة ان تكو حر بنفسك في الخروج للنزهات والعودة كذلك
بمعنى انك ستفقد متعة الرحلة بنسبة تصل الى 70 %

الرحال الشرقي
تقريبا 97.5 يورو يوميا
اشوف انها كافيه الى حد ما
لو تزيدها شي بسيط افضل والا هي كافيه ان شاء الله

ابو ليانا ,,,, المسافر نت ,,,زكريا بو خالد ما قصرتوا اخواني ويعطيكم العاافيه طمنتوني والله يجزاكم كل خير ..
يارب عفوك

دائما المدن الكبيره يكون الصرف فيها أكثر من المدن الصغيره , أنا أتوقع أن المبلغ يبي له زياده شوي
زيلامسي و سالزبورغ الصرف فيها مش كثير خصوصا إذا اقتنيت البطاقات السياحيه
بالنسبه لسالزبورغ و زيلامسي ما يحتاج سياره , زيلامسي منطقه ملمومه على بعض و اذا بغيت تطلع منها الى سالزبورغ فهناك قطار كل ساعه بين المنطقتين
و اذا حبيت تروح كابرون او كريميل او سالفالدين من زيلامسي ايضا الباصات و القطار متوفره و بمواعيد عديده
المواصلات في سالزبورغ مثل ما قلت لك اخذ البطاقه السياحيه اوفر لك لأن المواصلات بالباص السياحي راح تكون مجانيه و بعض الفعاليات السياحيه راح تكون مجانيه أيضا اذا اقتنيت البطاقه هذي
ميونخ و باريس ما رحت لها و لكن الذي أعرفه ان باريس غاليه