زياد بن محمد
هذا متاكد انه راح الكويت
على العموم بالعكس الديره حلوه تستاهل الواحد يزوها
وفيها كل شي وعلى مستوى جيد

طيب متا افضل وقت
انا عندي اجازه في 28 هاذا الشهر

زياد بن محمد
اخي الكريم من قال لك هذي المعلومة!!!!!!!!!!!! تعب نفسك شوى و ابحث بالمنتدي و شوف صور المجمعات التجارية
الكويت تنافس دبي من حيث متعة التسوق و من حيث كثرة المجمعات التجارية الكبيرة و متوسطة الحجم و ليس هذا فقط فاليس هناك من ينافس الكويت من حيث نوع و جودة البضاعة بشهادة من زار الكويت، فالو يوجد محل بالكويت و نفس المحل بدبي او دولة خليجية اخرى تجد ان هناك اختلاف كبير بنوع البضاعة المباعة مع انه نفس المحل.

حياك الله أخي الكريم...!
شرايك بالكلام اللي بقوله؟
أنا عندي أحد من الأخوان زار زيلمسي , و قال إنها لا تستحق الزيارة
نصيحتي لك...؟
لا تعتمد على آراء غيرك, قم بالتجربة, و أبحث, و غامر...!أنا نصيحتي لك بأن تأخذ جولة في الأقسام, و ستجد إن شاء الله أن كلامك و كلام أخوتك غير صحيح...
و أفضل وقت لزيارة الكويت هو شهر فبراير,
بس دير بالك بهالفترة لأنها برد موت و توصل للصفر...

طبعا تستحق الزياره وكافي انها عروس الخليج
تستطيع ان تشاهد المواضيع المثبته من الاماكن السياحيه والمطاعم وغيرها
واحسن وقت لزيارتها هو شهر فبراير (2) لان فيها مهرجان هلا فبراير واكثر الأسواق فيها تخفيضات

يا اخوي زياد
الكويت فيها مجمعات رايقة وسوقها عجيب وشعبها طيب وبشوش
لكن من ناحية انها هل جميلة والله بصراحة اهي عادية لا تتوقعها ديرة اروروبية حالها حال باقي دول الخليج
لكن فيها اماكن حلوة وتستحق الزيارة
فيها مطاعم ومجمعات روعه وحدايق بعد حلوة
وواجهات بحرية حلوة

زياد بن محمد
بكل اسف يبقى هذا راي قريبك
اما عن الحر فهي حاره جدا في الصيف لكن والحمدلله بالليل الجو لطيف مافي رطوبه والواحد يقدر يطلع بالليل عادي
اما عن المراكز والحمدلله المجمعات عندنا تنافس الخليج كله
افضل وقت الايام هذي الى شهر ابريل
تبقى الكويت رمز للسياحه العائليه والسياحه النظيفه والحمدلله لايوجد بالكويت مراقص ولا خمر ولابلاوي سوده والحمدلله على النعمه
لو تمر على المواضيع المثبته راح تشوف المجمعات والفعاليات في الكويت
ارجوك تدخل على المواضيع المثبته حتى تستفيد وتاخذ فكره عن الكويت

انا اقول جرب وشوف
لو تبحث بالمواضيع اللي بالمنتدى راح تغير رايك
صح كلامك الجو بالصيف عندنا حر بس ابهالوقت بعض الناس يسافرون س اللي قاعدين بالكويت يروحون الشاليهات والمنتزهات ومافي مكان بالكويت مافيه تكييف يعني ماراح نذوب ولا راح نحترق
الحمدالله المجمعات التجارية تارسه الديرة وكل الماركات موجودة بالكويت واسواقنا تنافس دول الخليج في التسوق وعندنا فنادق فخمة وراقية وعندنا افخر المطاعم والكافيهات .
انا اقول تعال وراح تغير رايك وراح تدعي لنا .
و اي استفسار احنا موجودين
افضل وقت لزيارة الكويت شهر فبراير الجو يكون حلو الظهر وبالليل بارد

والله الكويت كل شيئ فيها حلو من اسواق ومجمعات و اماكن للسياحه ومطاعم , واللي قال لك هالكلام ظلمها .