السنة دي انا ناوي اسافر احضر ايفينت في امريكا هيكون في شهر 11 لسا بدري يعني بس انا بتابع كل الناس اللي اعرفها وبتحاول توصل لانها تاخد فيزا امريكا
انهاردة صديق ليا كان عندة مقابلة في السفارة واترفض ورقة كان كويس جدا فلما سئلتة اترفض ازاي قالي دا مش انا لوحدي دا تقريبا كل الناس اترفضت انهاردة قالي ناس كانت سافرت قبل كدا لبلاد اوربية كتير واترفضت واحد راح بورق كامل وحساب بنكي فية 80 الف دولار واترفض واحدة راحت علشان تزور بنتها في امريكا وراحتلها قبل كدا واترفضت صاحبي قالي الشباك اللي المفروض تروحة لو اخدت موافقة علشان تديهم عنوانك وكدا مفيش بني ادم راح عندة انهاردة
بالنسبة لصاحبي الموضوع مفرقش معاه اوي هو كان هياخد سياحة صيف اترفض امريكا ناوي ياخد اي حاجة اوربا لكن بالنسبة ليا انا الموضوع هيفرق جامد جدا انا لازم احضر الايفينت دا لانة هيكون مصدر رزق ليا كبير جدا فانا مش عارف علشان كدا بسئلكم لو حد عندة معلومات هل السفر لامريكا دلوقتي صعب بسبب الاحداث الاخيرة احداث بوسطن ولا السفر لامريكا عموما دلوقتي بقي صعب من مصر بسبب احداث مصر نفسها ؟