نشر في الكويت

هل السعر هذا مناسب لفندق المارينا

maldives_

17-04-2022 - 05:01 pm

انا كلمت اليوم فندق المارينا ابغا احجز عندهم قالوا لي السعر للغرفه تطل على البحر 116دينار
وبصراحه لقيته غالي شوي فحبيت أخذ راي اهل الكويت هل يستاهل اني اسكن بهذا
السعر ولا ادور على فندق ثاني وهل ممكن اني أخذ خصم منهم يعني ممكن من فندق المارينا
يعطيني خصم عن سعرهم هذا

التعليقات (8)

مشاري-Q8

17-04-2022 - 08:31 pm

غالي تقدر تشووف فندق الموفبيك اذا انت تحب تكون علي البحر وان كان المارينا في قلب المعمعه

mynick4tb

17-04-2022 - 09:32 pm

اخوي اولا هلا فيك بالكويت
بس بقولك شئ اظنه منطقي
انت في الرياض مثلا مضطر تسكن في فندق؟
انا عن نفسي
بالكويت وما قط جيت فندق
بس بشنو ننفعك او نفيدك؟
بالاتصالات وهذي سهلة ........ واذا ما لقيت جواب بس عطنا خبر
شكلي كثرت الهرج على غير سنع
على كل هلا فيك بالكويت والسلام ختام

Dhari

17-04-2022 - 10:33 pm

سعر غالي بالفعل...
و هناك فنادق تطل على البحر اسعارها ارخص...
1- راديسون ساس.
2- منتجع شاطئ النخيل.
تحياتي.

Kuwaity2

17-04-2022 - 11:34 pm

maldives_
بصراحة الفندق يستاهل وبالنسبة للسعر هذا يعتبر معقول ولأسباب كثيرة اولا الفندق 5 نجوم وحديث جدا موقع الفندق الخيالي ومستوى الفخامة والخدمة
ويوجد فنادق 5 نجوم بنصف السعلا وتعتبر ممتازة وبالسالمية مثل فندق الكورنيش التابع للمرديان وهو ملاصق لمجمع المارينا مول
وهناك فندق هوليدي إن بموقع ممتاز وسعر بين 40 و45 دينار
ويوجد فندق ريتز السالمية وبودل سويت
هذه صورة شاطى المارينا

F_L_B

18-04-2022 - 12:35 am

والله .. انا معاك انه غالي ...
بس بصراحة ... بنظري يستاهل !!
لانه مكانه وايد حلو ...
ف بامكانك انك تروح المارينا مول مشي .. وتستمتع بمنظر البحر و المقاهي المتنوعه والربشه الحلوه ... والجو الممتع ...
و اذا كنت مسافر بطياره ... راح توفر فلوس التكاسي ... لانه ما يحتاج تكسي من الفندق الى المارينا مول الذي يعتبر من أرقى المجمعات في الديرة ... و قريب من أكثر الاماكن السياحية مثل
المركز العملي و السالمية التي تعتبر مركز السياحة في الديرة ...
سامحنا على القصور ... والاختيار لك ...
ونشاالله تستمتع بزيارتك ... وياهلا ومرحبا فيك ...
حياك الله ..

deshe1

18-04-2022 - 01:37 am

لالا اخوي غالي وايد والله حرام يعني تدفع 116 دينار على الليله الوحده!!!! شوفلك فندق ثاني ارخص وايد فنادق عندنا حلوه وخمس نجوم وارخص صحيح انه موقعه حلو وفندق فخم يعني بس مهما يكون يعني سعره غالي بصراحه

maldives_

18-04-2022 - 02:38 am

طيب علموني على فنادق مواقعها حلوه وبنفس الوقت رخصيه وتكون 5 نجوم

Dhari

18-04-2022 - 03:39 am

لي ماريديان - شارع الخليج العربي...
تلفون : 2510999

موقع الكتروني : اضغط هنا. http://www.starwoodhotels.com/lemeridien/search/hotel_detail.html?propertyID=1883
بنيد القار...شارع الخليج العربي...فندق من فئة الخمس نجوم... رائع و له إطلالة جميلة على الخليج العربي.
أسعاره تبدأ من 40 دينار...
++++++++++++++++++++++++++++++++++++++++++++++++++ +
الهوليدي ان - السالمية...
تلفون : 4732100

موقع إلكتروني : اضغط هنا. http://www.ichotelsgroup.com/h/d/hi/1/en/hd/kwime
فندق حديث...شارع الخليج العربي...من فئة ال5نجوم.
اسعار تبدأ من 40دينار..
++++++++++++++++++++++++++++++++++++
++++++++++++++++++++++++++++++++++++
شقق فندقية...
بودل للشقق الفندقية...(ادارة سعودية)
https://artravelers.com
تلفون : 009655757999
السالمية - شارع عمرو بن العاص(شارع المطاعم).
++++++++++++++++++++++++++++++++++
ريتز السالمية

رقم هاتف ريتز السالمية 009655711001
السالمية - مقابل سوق السالمية.
+++++++++++++++++++++++++++++++++
الفنادق و الشقق المذكورة أعلاه ذو مستوى ممتاز...
و اتمنى ان تقضون أجمل الأوقات في الكويت...
تحياتي.

الكويت المسافرون العرب

هل السعر هذا مناسب لفندق المارينا