على حسب المدينه اللي انت فيها
بس الغالب واقصد المطاعم الدسمه الشرقيه قليله والبحث مقلق
لكن بامكانك تشوف دليل سويسرا لابوعزيز
والمطاعم الكبيره مثل ماكدونالدز , برقر كنق ... هي الحل
او المطاعم الهنديه ربما تكون الحل للبعض ايضاا

طبعاً عندك مطاعم الوجبات السريعه ما تكلفك شي انت والمدام ب 30 فرنك الغدا
المطاعم الثانيه المتوسطه الى الجيده تكفيك الميزانيه اللي حددتها لأن بعض المطاعم تكون غاليه وبعضها رخيصه

مسافر هاوي - البكور مشكورين على الرد. لكن لو 44 فرنك ما تكفي إلا وجبة ماكدونالدز!! مصيبة!!
يعني 88 فرنك لليوم * 15 ( المدة ) * 2 (انا و المدام ) = 2640 فرنك.
بالدرهم تطلع 8470 درهم ( هذا بس اكل ) شو الكابوس هذا !!

في النمسا كنت أنا والمدام ناكل في مطاعم شرقية بسعر يتراوح بين 70 وَ 100 يورو للوجبة الواحدة.
ولكن إذا تبي النصيحة فخليك على ماكدونالدز ( برجر السمك ) علشان شبهة الحلال والحرام.
وكذلك عليك بالبيتزا.
وخليها يومين في الإسبوع أكل شرقي كذا ok .

مين قالك ان ماكدونالدز انته الوجبة 44 فرنك الوجبة اكثر شي 7 يورو يعني تقريباً 8 فرنك مو غالي
يعني تتوقع الوجبة في ماكدونالدز 44 فرنك يعني تقريباً = 170 ريال ياخي العقل يعني الوجبة الغالية 40 ريال سعودي

corleone
اخي العزيز
انا قلت 30 فرنك تكفيك انت والمدام ومدلعين انفسكم بعد يعني طالبين زياده وسلطه وفالينها بعد هذا في ماكدونلدز
وقلت ان المطاعم الثانيه اللي قلت عنها متوسطه تكفيها الميزانيه اللي حددتها وهي 88 فرنك للغداء و88فرنك للعشاء وتزيد وتنقص حسب المطعم وسعره وانت شايف تفاوت الاسعار بين المطاعم عندنا هم عندهم كذلك
وترى فيه مطاعم ممكن تاكل عندهم ب50 فرنك يعني المسأله ليس فيها تحديد انت من يحدد لكن لا تشيل همها كثير

السلام عليكم
وجبة ماكدونلدز للكبار مثل ما قال أخي البكور تقريبا سعرها من 11 الى 14 فرنك يعني انت والمدام 22 الى 28 فرنك واذا تبي وجبه أطفال فسعرها تقريبا 6 فرنكات
أما مطاعم البيتزا فكنت أنا وزوجتي وأبنائي الاثنين وأخت زوجتي نطلب ثلاث بيتزات مع 5 بيبسي يطلع الحساب من 70 الى 80 فرنك
وفي مطعم ميجروس انترلاكن كنا نترس صحونا يمكن يوصلون خمس صحون مع البيبسي فيطلع 75 فرنك تقريبا
أما المطاعم الفاخرة فيطلع الحساب فوق ال 100 فرنك
فلك الإختيار