السلام عليكم جميعاً
1/ إذا جيت تدخل مع البوابة بتلقى غرفة الأمن على اليسار تأكد من اسمك انه موجود ، مع العلم اني مالقيت اسمي مكتوب ووريته الرساله اللي في جوالي ودخلني .
2/ إذا جيت تدخل مع البوابة الخاصة بمركز القبول راح تحصل حارس امن راح يتأكد من اسمك انه موجود وبعطيك رقم ونموذج خفيف بالعربي تعبية على الطاير.
3/ إذا جاء رقمك قم وعطهم الأوراق المطلوبة بالكامل وترى اللي يأخذون الأوراق دكاتره ، بعد كذا وتوكل على الله.
احفظ رقم الترشيح بالكامل (كل الرقم) .........1427 لأنهم راح يسألونك عنه
هذي فكرة الموعد

• *****************************

على فكرة
دار بيني وبين الدكتور حديث:
انا : عندي قبول من احد الجامعات الأمريكية المعترف بها
الدكتور: وش اسم الجامعه
انا : قلت له اسم الجامعه
الدكتور: لا ماتصلح واحنا راح نجيب لكم القبول وانتم لاتسون شيء
انا : طيب ليه ، مو معترف فيها يعني
الدكتور: لا مو هذا القصد بس احنا حاطين خطة لهذا البرنامج لتوزيع الطلاب على الجامعات
انا : طيب انا مسوي مقابلة في السفارة وكاتب اسم الجامعه (يعني باني كل تخطيطي على هذه الجامعه)
الدكتور: لا تخاف، السفارة ماعندهم مشكلة انك تغير الجامعه.
انا : قعدت اطالعه شوي وانا مغبون :112:
الدكتور: بتروح وإلا اعطيك الأوراق
انا : خلاص ابروح ، شكراً