hamad320
26-10-2022 - 11:59 pm
عندما كنت متجه من الكويت للمغرب وبعد الجلوس في المغرب اسبوعين اقترح صاحبي زياره لتونس وقلت خوش فكره لكن تحتاج تونس لفيزا وبعد السوال قالوو كويتي او خليجي ما يحتاج فيزا وفعلا ذهبت لمكتب الخطوط المغريبه وحجزت الى تونس واقلعت الطائره ووصلت الى مطار تونس ولكن عند الوصول لموظف الجوازات كانت المفاجأه بأن تحتاج الى فيزا:112: وقلت ما الحل قال روح يم مكتب التاشيرات وفعلا رحت الى مكتب التاشيرات وقالي انشالله نطلع فيزا لكن تحتاج وقت لمخاطبه السفاره او الخارجيه ونحتاج استفسار عنك وبعدين نشوف الرد و اخذ بعض البيانات مثل كم فلوس معاك وتذكره للمغادره ومكان السكن في تونس وبعدين جلست في غرفه الانتظار و بعد ساعه ونص تقريبا طلعت الفيزا وهذا للتذكير لاخواني رواد المنتدي عشان ما يتعرضون للتاخير
وسلامتكم
hamad320 من فندق ابونواس تونس
انا مسافر تونس بعد أسبوعين وحبيت تفيدني اذا ماعليك أمر
كم سعر الحجز بفندق ابو نواس ؟ وهل فيه انترنت ؟
هل فندق افريقيا قريب من ابو نواس ؟
الاسعار عامة بتونس شلون ؟
وسلامتك