اول ماتستلم السياره يأخذ منك بطاقة الفيزا ويحجز مبلغ التأجير وتأمين زياده , لكن ماتنخصم من الفيزا الا اذا سلمت السياره لهم وشيكوا عليها في تلك اللحظه ينخصم مبلغ التاجير من الفيزا ويفكون الحجز اللي على مبلغ التأمين
مثال : مبلغ التأجير 2000 ريال والتأمين 2000 ريال
يتم حجز المبلغين من الفيزا لكن مايأخذون شي منها ( يعني ماينخصم من الرصيد اي مبلغ ) الى ان تسلم السياره وبعد فحصها يتم خصم فقط 2000 ريال من رصيد الفيزا حقت التاجير

الأفضل يورب كار
مبلغ التأمين عندهم اقل من سكست
ومسألة حجز المبلغ متعبه كثيرا لو المبلغ كبير
لأن أحيانا يتأخر الفك عن المبلغ
وقد تحتاج الشراء بالبطاقه ولن تستطيع
ألا لو شحنتها برصيد فوق مبلغ التأمين المحجوز
تحياتي

الله يعطيكم العافيه على التفاعل يا اخواان
يعني صراحه مادري ليش يحجزون مبلغ ضخم
والله يعين مالي الا يورب كار

عشان يضمنون حقهم لانه ممكن تجيهم السياره معدومه
وهذا الشي من حقهم
لاتنسى تفلل السياره بانزين قبل ماتسلمها عشان ماتدفع مبلغ وقدره

والله انا ياصاحبي رحت الفرع حقهم اللي هنا في الشرقية وهو موجود في الراكة
اتصلت على الرياض وقلت ابي احجز من عندكم وانا من الشرقية قالوا لي مو لازم تجي فيه موظف مسؤول عن الحجوزات الدولية عندك في الراكة اسمه احمد عبدالبصير ( بنقلاديشي غبي )
اتصلت عليه وسولفت معه شوي وقلت ابي بلاتينيوم كارد قال ما اقدر اعطيك قلت اجل بروح الرياض باخذها من هناك قال حتى فرع الرياض مايعطيك ، يقول هي كانت اول موجودة بس الحين مايعطونك
قلت طيب انا ابيها علشان الخصم ، قال انا اسوي لك خصم من 10 بالميه الى 15 بالميه قلت زين .
المهم واعدته ورحت له وسولفنا شوي طبعا الغبي لطعني حوالي الساعة لحد ماجاء وانا انتظره في المكتب
ويوم جاء دخلنا وخلاني اشوف السيارات واخترت بي ام دبليو الصغيرة نوع 1er
قالي الاجار يطلع حوالي 2500 او اكثر والله ماني متاكد وقالي مع التأمين اللي هو LDW
قلت طيب وين الخصم ؟؟
قال ما اقدر اسوي لك خصم ابدا قلت انت تقول !! قام يهز راسه ويقول لا ما اقدر هذا اخر سعر اعطيك لانه عندي في السيستم يطلع سعرين وانا اقدر اختار لك السعر الاقل
المهم قفلت معي وسحبت عليه ومشيت وقلت ابجرب يورب كار واشوف
وبعد فيه شركه بس مدري اذا هي زينه ولا لا اسعارهم حلوة اسمها opodo
والله يمكن ادق مشوار الى الرياض يوم الاحد علشان بس احجز سيارة
ولو رحت الرياض راح امر على يورب كار وسيسكت واشوف وين الانسب
وش رايكم ؟؟؟؟؟؟؟؟؟

ايووه كنت بسأل
الحين قالي هو تقدر تحجز سيارة من سيسكت وتقدر تحجز من يورب كار
واذا رحت هناك ولقيت السيارة مثل ما انت تبيها تقدر تاخذها واذا ماتبيها اتركها وروح !!! معقول ماياخذون علي فلوس حجز السيارة
لاني قلت له مو معقول ماتحدد لي نوع السيارة اللي ابيها .. يعني لو طلبت بي ام دبليو او اودي او فولكس واجن وطلعت علي بمبلغ وقدره ، ورحت هناك وقالوا مافيه الا بيجو !!! يعني معقول ادفع الفلوس اللي بدفعها في السيارات الفخمة نفس مبلغ البيجو اكيد لا
وقلت له بعد ابي ديزل قال ما اقدر احدد لك انت وحضك اذا رحت هناك !!!!!
يعني كل شئ لخبطة في لخبطة وماتستفيد شئ

وهذا موقع ممتاز ابو عمر يساعدك في البحث عن السيارات والاسعار ابتداء من الارخص في شركات كثير
طبعا قريت تقرير احد الاعضاء ولقيت الموقع وقلت استفيد منه واعطيك غيري
http://compare.carrentals.co.uk/search2.php

احد اقاربي قالي انه اللي عنده ايفون فيه برنامج تقدر تحجز منه على شركه تاجير اتوقع سكست وفرقت معاه حوالي 500 ريال عن الحجز من نفس الموقع
اذا تبغون اساله عن اسم البرنامج وتجربون ابشروا

شوفيه ولا عليك امر دمووع بجرب واستفيد منه اذا قدرت.