محمد ابو حصه
02-06-2022 - 05:16 am
السلام عليكم ورحمة الله
الحمد لله رب العالمين وصلت لنيويورك يوم السبت اللي فات وكنت جاي من الرياض
الحقيقه طول الرحله وانا افكر اش راح يصير لي لما اوصل مطار نيويورك من كثر ماسمعت من العالم عن الاجراءات الصعبه
ولما وصلت لمطار نيويورك ونزلت من الطائرة لقيت شي ثاني غير اللي كان ببالي .. من الطائرة للباب حق الخروج اخذت نص ساعه بس ولما سألت موظف الجوازات عن التسجيل قالي انت ماتحتاج مع انها اول مره ادخل امريكا ولما سألته عن العمر قالي الاقل من 28 سنه يلزمهم التسجيل وكان معي موظف من الخطوط السعودية وقالي حتى لو احتجت تسجيل العملية ماراح تاخذ معك وقت يعني على حسب زحمة الرحلات ولا فيها لا تحقيق ولا بطيخ كل السالفه معلومات عنك فقط فقط فقط .. طبعا اليوم وصلت كليفلاند بعد قضاء يومين بنيويورك واستأجرت سيارة سوبربان من شركة alamo وساكن بالرسيرف سكوير والسكن بصراحه معقول جدا جدا جدا .. اخذت ثلاثه شقق لان معي جيش ماشاء الله.. وحده استيديو والثانيه غرفتين والثالثه ثلاث غرف وتعاملهم جدا راقي واتمنى منكم تدعون للوالده بالشفاء العاجل لان سبب زيارتنا لكليفلاند عشان علاج الوالده .. وان شاء الله اعملكم تقرير مفصل من بداية الرحلة من الرياض لنيويورك ومن نيويورك لكليفلاند واللي يحتاج مساعدة من موظفين الخطوط السعودية يكلمني .. تحياتي
اللهم أنت الشافي لاشفاء إلا شفاءك شفاءاً لا يغادر سقما فأشفها يارب العالمين
أسأل الله تعالى ان يشافي والدتك ويلبسها لباس الصحه والعافيه اللهم آمين