اللي اعرفه انها اول شي ولاية غالية شوي ثانيا جوها بارد جدا
وسلامتك
وان شاء الله الاخوان يعطونك معلومات تفصيلية عنها

الأخ كلومبس ،،، الله يحييك معنا .. انتظر قريبا تقريري الخاص عن ولاية نيويورك

اولاً حياك الله اخوي ..
ثانياً الوقت الي بتروح فيه بيكون الجو حار في نيويورك .... وبعدين البلد موغاليه كثير مثل ما قال المفجر .
اما بخصوص السكن فأن انصحك انك تسكن في الفيفث افينيو ... جنب الساكس اند فيفث افينيو .. مجمع مشهور بس غالي ... او الثيرد افينيو ... لان حلات نيويورك تلقاها هناك ..
وبعدين بيكون شارع البرادوي جنبك ... والحلو في نيويورك ان كلها بلوكات .. يعني الشوارع متقاطعه ...
و بيكون جنبك امباير ستيت تاورز ... اقدم ومن اطول ناطحات السحاب في العالم ... وعندك تمثال الحريه تقدر تزوره بعد .. وقريب من ناطحات السحاب الي طاحوا تقدر تزور المكان وتشوف حجم الدمار الهائل الي صار ... وتدخل في الشوارع الي كان الناس يركضون فيها وهم خايفين .. تحس بشعور غريب .. و ممكن تأجرون طائره هيلوكبتر وتاخذ لكم لفه في نيويورك و سعرها مو غالي وايد ..
عموماً نيويورك حلوه ... بس عيبها الحر وخصوصا في الصيف ... اما احلى وقت لنيويورك هو شهر 10و11

الجو: حار في الصيف.
التكلفة السياحية: كانت مرتفع جدا بس أنخفضت أخر السنوات بسبب الكساد بعد سبتمبر.
رأيي الشخصي: نيورك مدينة تجارية أكثر من انها مدينة سياحية يعني اذا تحب الأسواق فهي جيدة او التمشي و زحمة الناس بين ناطحات السحاب و العروض المسرحية و هاكذا(فمابين 3-5 أيام تكفي لها). أم ان كان معاك اطفال فما تصلح . وهذي المواقع يمكن تفيدك.
1-الموقع الرسمي لمدينة نيو يورك
http://www.newyork.com/attraction/attraction.html?cat=attraction
2- باص سياحي يفر فيك بنيو يورك
http://www.coachusa.com/newyorksightseeing/
صورة من فوق الباص
http://www.coachusa.com/newyorksightseeing/360/vt.1.asp
3- تذكرة واحدة لزيارة عدة أماكن
http://www.newyorkpass.com/
4- موقع أخر
http://www.officialsite.com/index.asp?RegionId=45&CategoryId=1
5- رابط للأخ الباب العالي : نيويورك ….. مدينة ناطحات السحاب والاثارة
https://artravelers.com
واتمني لك اجازة ممتعة و سعيدة

شكرا من القلب على المشرفين على المنتدي الرائع وشكرا اخوي العزيز الوطن على المواقع المهمة صج فادتني هيل والاخت بنت الصقور على المعلومات المهمه وخلاص التذاكر قصيتها على الخطوط الكويتية تاريخ 227 الساعة 830 صباحا ومدة السفر 3 اسابيع وراح اقولكم عن الرحلة عند وصولي بالسلامه اخوكم كلومبس

ترااها تنقسم ثلاث مناطق
كوينز ومنهاتن والثالثه مدري وش اسمها
اسكن في كوينز ووز منهاتن من الصبح للين الليل
بسر احضر
اول مايقول الماذن الله اكبر اجع لبيتك ولا تجلس في منهاتن تراها خطر
بس
احلى مدينه نيويورك

حرام عليك اخوى باك ستريت ... تبى الرجال يسكن فى كوينز اللى حتى الأمريكان و أهالى نيويورك يخافون يجلسون فيها .. كله فقر و إجرام .. بالعكس منهاتن ما فيها خوف أبدا عشان مليانه سواح و البرنامج اليومى للسائح معروف ...
بنت الصقور فى نيويورك https://artravelers.com

back street
امحق نصيحه تبيه يسكن في كوينز ... الرجال يقولك بيروح مع المدام ... ورايح يتسيح مو رايح يقعد على شيشه في كوينز ... و الحمدلله انك نسيت المنطقه الثالثه ... ولا كان عميتها ...
عموماً المنطقه الثالثه هي بروكلن ... وتراها ادمر من كوينز ...
وانا اضم صوتي لصوت بنت الصقور .... منهاتن امان ... وكل شي قريب منها ... واحسن يسكن على الفيفث افينيوا او يسكن في المديسن ...
وتحياتي

يكثر العرب المسلمين في كوينز وبروكلن .. وللتسوق أنصحك تروح بروكلن وكوينز ارخص بواجد من منهاتن .. منهاتن غالية وايد .. وتجاريه اكثر من اهي سياحيه . وللسكن لا تسكن غير بمنهاتن .. والفنادق كثيرة جداً في منهاتن .. إلا أني أفضل السكن في الفورسيزون غرف واسعه جداً تقول سويت مش غرفه .. وخدمه حلوه .. وموقع ممتاز .
للسياحه روح لاس فيغاس .. روح فلوريدا .. روح شيكاغو ..
وشكراً لك