نوال 2
17-02-2022 - 08:12 am
رحنا عالموعد 8 ونص وطبعا وصلنا قبل الموعد بساعه وانتظرنا دورنا بالطابور ولما صارت الساعه 8 و10 دقائق دخلنا وبعد التفتيش والاجراءات الروتينيه دخلونا غرفه فيها 3 شبابيك استغربت وين شباك 7 المشؤوم ؟؟؟ وكان رقمنا 52 ولمن وصل رقم47 بعد حوالي نصف ساعه ..وانا وزوجي نتبسم ومعنوياتنا واصله فوق ونقول ياسلام والله تساهيل ياسرعهم لدرجة من السرعه مافيه وقت نقرأ هو جريدته وانا مجلتي ( واقول بقلبي ليش يقولون زحمه وانتظار طويل ) فجأه وبدون مقدمات فتور وهدوء عام بالصاله والموظفين تركوا الشبابيك وجلسو يسولفون وانا راسي يدور مره عالشبابيك ومره عالناس !!!! وننتظر وننتظر والمعنويات كل مالها تنخفض انتظرنا حوالي نص ساعه وبالأخير تكرم شخص وقال عطل في السستم وبعد ساعتين من الانتظار قريت كل حرف بالمجله ..وبعدها اشتغل السستم وبدو يمشون الارقام .. رحنا شباك 3 وكانت الموظفه عربيه سوريه لبنانيه الله اعلم شافت الاوراق وقالت تمام اوراقكم كامله وعطتنا ارقام ثانيه .. وانتقلنا لصاله ثانيه اكبر وفيا بقيه الشبابيك من 4 الى 12 وكانت الساعه 10 و45 دقيقه وعند حوالي الساعه 11 نادانا شباك 12 والا فيه وحده منتفخه امريكيه عريقه تشبه اللي يجون بالافلام دبه وشعرها اصفر سلمت علينا وسألتنا اذا رحنا قبل هالمره وجاوبها زوجي بييس وسولف معها وين راح ووين جا .. وبعدين سألتني عن البلدان اللي زرتها وكان من ضمن البلدان اللي زرتها بانكوك ظحكت وقالت بانكوك يس شوبنق وتهزهز راسها أخذت البصمات للأصابع وبالنهايه قالت أنتم اوراقكم كامله وطلبكم مقبول مبدئيا ولاكن اليوم مثل ما تعرفون آخر يوم دوام بالسفاره وراح نداوم بيوم 28/اكتوبر وعطتنا ورقه صفراء وقالت انتظر مننا تيلفون وعطتنا الجوازات وقالت مانقدر نخليها عندنا وحنا بنقفل اذا جاك اتصال مننا جيب الجوازات وتعالوا احنا بنعطيك الفيزا ولاكن مانعرف متى بالضبط حاول تأجل موعد حجوزاتك للأسبوع الأول من نوفمبر .. وانتهت المقابله ..
وعلى فكرة بقدر ما اعضاء المنتدى متشائمين من شباك 7 :112: بقدر مافيه شباك خطير مرة ورهيب وممتاز جدا الي هو شباك 12 مثل ما تفضلتي :x1: :x1: :x1: .
بصراحة هالعجوز رهيبة مرة واذا تلاحظ ما يغثك ويحاول يذلك بهالسفارة الا هالعرب المتأمركين ( هل هو نقص ما ادري ) ..
المهم العجوز هاذي راحلها صديقي قبل عشر ايام تقريبا ويقول انها يوم شافت فترة البكالوريوس حقته 7 سنين قالت انت ما راح تمشي في امريكا آسفة ما اقدر اعطيك الفيزا ... !!
يقول ويحلفلي انه يوم قام يرطن بالعربي وشوي بليز ومن هالكلام نادت موظفة سعودية ( لهجتها حجازية ) وطلبت الترجمة وفي الأخير بعد إلحاح قالت له بعطيك فيزا لمدة سنة فقط ... خويي ما صدق على الله لأنه لو شباك 7 كان قد جابله السكيورتي وكرشه برا السفارة ...
عموما هذا مو معيار او نصيحة مني للي يرفضونه انه يلزم عليهم ويترجاهم ( انا ضد هالمبدأ ) لكن حبيت اوضح حبابة هالعجوز بالإضافة ان خويي ملسون ومتمرس في لحس العقول ( ما شالله عليه ) ..
موفقة اختي نوال 2 ولا تنسينا من التقارير الزينة ...