طلعت للمطار ومعي شريحه سوا مشحونه ب 90 ريال ,وشريحه زين مشحونه ب 120 ريال
وإتصلت على زين قالوا إن الإستقبال ب 2 ريال والاتصال ب 10 ريال ,فقلت لهم هل فيه طريقه؟
فقالوا : ترسل رقم 1 إلى 7027000 وإنت لا تزال في السعوديه , علشان خدمة الدولي (مجانيه بدون رسوم)
فجتني رساله مكتوب فيها(لقد تم إضافة الخدمه بنجاح, عند الإتصال في أي رقم في المملكه العربيه السعوديه فقط انتظر مكالمتك)
ثم وسافرت إلى كبرلا وهنك وصلتني هذه الرساله(أهلا بك في India فقط مع زين يمكنك الاتصال إلى أي رقم في المملكه مقابل 1 ريال للدقيقه,فقط في Idea Cellular Kerala .ltd)
يعني إنك تخلي الشبكه يدوي ثم تختار شبكة Idea فيكون الإتصال ب 1 ريال ,ولكن والله كان الاتصال مجان.وحتى انه اعطيت الاولاد يكلمون جدتهم ثم عندما انتهوا سابوا الجوال وانا ظنيت أنهم أغلقوا الخط ,بس كان مفتوح وجددتهم ما تعرف تقفل الخط,وجيت ابغى اتصل إلا انه الخط كان مفتوح له 14دقيقه ,وأقسم بالله لم يسحب ولا هلله,ولايزال الرصيد 120ريال.
(ملاحظه مهمه جدآ,إستقبال المكالمات ب 1 ريال)
(ملاحظه مهمه جدآ, لا حظت أن الإتصال لا يعمل في ثلاثة أماكن وهي كوماركوم-واليبي-وداخل المطار) لذا أفضل شراء شريحه فودفون لأن دقبقه إتصال الى السعوديه ب 1 ريال.
(ملاحظه مهمه جدآ جدآ جدآ ,طريقة الإتصال ليس 00966 وليس +966 بل نجمه 966* وهذي عرفتوها بعد جهد ,ثم تنتظر 10 ثواني فيكون الاتصال بالمجان
وللمعلوميه(الشريحه الثانيه سوا خليت اتصلت بها مرتين كل مره اقل من 10 ثواني وكان وضع الشبكه آلي ,وأقسم بالله روحت الرصيد 0)
أي إستفسار أنا حاظر

الحمد لله على السلامه
كيف كانت الرحله عساكم أنبسطتوا فيها...
تسلم على هالمعلومات الجديده
ماننحرم من جديدك...

ما قصرت علي هالخبر

الف شكر على المعلومة
يعني خيار فودفون
الخيار الافضل للي ماعنده زين
تشكورات *

تراي درج وماأفهم الله يسعدك ..
أنا رحلتي باقي لها 23 ساعه .. ل غوا ...
يعني أوصل هناك .. وأشري شريحه فودافون وادق *966 ثم أحط رقم الوالده وادق عليها واكلملها بلاش . ؟
فهمني لاهنت .. لاني بكون هناك شهرين .. ولازم اكلم ألوالده يومياً.
الله يجزاك الجنه ..

شكرآ لكم جميعآ
حلم النبلاء :يعني تروح وتطلع شريحه من شركة زين (هنا في السعوديه)وأفضل لك تكون شريحه مسبقة الدفع ,ثم تفعل خدمة الدولي بإرسال 1 إلى 702700 ويجيك الرد بأنه تم التفعيل (وهذا كله وانت هنا في السعوديه).
وبعدين إذا وصلت الهند خل الشبكه يدوي وإختار شبكة Idea , وبعديها كمل نفس الباقي .
(شريحة فودافون تأخذها من الهند علشان إحتياط للأماكن الثلاثه التي لا تشتغل فيها الخدمه بسبب عدم دعم الشبكه في تلك الأماكن.
وأي إستفسار أنا حاضر وسأتابعك خطوه خطوه أبشر

هلا بك اخوى ابوغدير
وجزاك الله خيرعلى نصيحتك عل الفائده توصل للجميع
عندى استفسار
لو اخذ شريحه زين من دون اسم الي فى المحلات واعمل نفس الطريقع الى انت عملتها تنفع والا لازم تكون الشريحه باسمك من الفرع الخاص بالشركه
الشى الثانى
بطاقه الصراف للراجحي العاديه شغاله هنالك والا لازم فيزا
واخير وش اكثر شئ ضايقك هناك وماقدرت تتصرف به
وبارك الله فيك

أخي السائح الذهبي / شكرآ على تعقيبك
وجوابآ على سؤالك
أولآ الشريحه طلعتها من زمان من الشركه ,وأيضآ أدري أن سوا و موبايلي تكون بدون اسم أما زين فما أدري هل يوجد بدون اسم او لا. وحتى لو فيه ما عندك مشكله هي تفعيل لخدمة الدولي (يعني أحدى خدمات الشريحه).وأفضل أن تشحن بعد أن يتم التفعيل (أقل شي لو ب 50 ريال إحتياطآ). لأني سافرت ب120 ريال ورجعت ب 108 ريال ,لأني أتصلت مره وكان الشبكه غير شبكة Idea فأخذ 10 ريال ثم غيرت للشبكه ,أيضآ إستقبلت مكالمتين (كل استقبال ب 1 ريال).
ثانيآ الراجحي تشتغل معاك (ولكن إحذر أن تفقد بطاقتك وتنسى تلغيها بوقتها لأن بعض المحتالين يستطيعون الشراء بها بدون رقم سري) وأظن أن بعض الدول تستخدم في جهاز الصرف 6 أرقام سريه زي ما حصل لي في ماليزيا فعند الإستفسار من الراجحي الذي في ماليزيا (ما أدري قال حط 00 بعدها أرقامك أو 11 بعدها أرقامك)فأحسن لك تتأكد منهم في هذي النقطه.
أما عن أصعب شي واجهته فسأحكي في الموضوع الجديد الرحله القادمه ,ولكن على العموم والله لم أحصل على ما يعكر المزاج ,وقد زرت الفلبين وماليزيا واندونيسيا وسنغفورا والهند و4 دول أفريقيه 4 خليجيه واليمن وسوريا (فأقسم بالله لم أجد أجمل من كيرلا الهند)
وأي إستفسار أنا حاضر

بارك الله فيك اخوي انا رحلتي من الاردن الى كيرلا موفق الجميع