MoonLight2006
28-06-2022 - 01:28 pm
في الوقت الذي أكلمنا فيه جميع أوراقنا وحصلنا على الفيزا وكل الاجراءات تامة وأعددنا أنفسنا للأنطلاق بعد الحصول على القرار النهائي في مايو...
جهزت اموري كلها من ملابس..وترتيبات الخ ..وحتى قدمت استقالتي المبدئية من وظيفتي!
بل حتى ودعت بعض أصدقائي اللي احتمال ما اشوفهم الايام الجاية...
وبدون سابق أنذار..
ينزل علينا الخبر "الصاعقة" ..ما في بعثات الحين يا بو الشباب!
بكل برود يلتفت عليك موظف الوزارة يقولك ...تاجلت الى شهر سبعة ...يلا تفضل!
طيب احترام للطالب اللي جاي من اقصى المملكة عشان يساءل عن وعد انتو وعدتوه!!
والله العظيم اني لما قريت الخبر يوم السبت بكيت من حرقة قلب...والله قهر قهر قهر!
انا لي سنة كاملة وانا من سفارة لوزارة...وكل يوم ايميل للجامعة واجلتها ثلاث مرات!!!
ورغم كل هذا اللي يقهرني من جد..
لما يجيك واحد ويكتب موضوع ويقول لك يا أخي انت ليش مستعجل؟
عادي...كل تأخيرة وفيها خيرة!
يا عمي انا ما ادري هل هاذي آية قرانية والا حديث شريف والا وشي؟!
كل ما اقرا موضوع في المنتدى هذا أوغيره ألقى واحد كاتب...يا شباب كل تأخيرة وفيها خيرة!
طيب أنا ليش اقبل بالتاخير الى منتصف السنة هاذي وانا من العام وانا شغال على هالبعثة!
يا شباب اللي يقولك كل تأخيرة وفيها خيرة..هذا اللي بضرك ويخليك تتقاعس وما تروح الوزارة وتطالب بحقك..
وبعدين وشو الضمان انها راح تفتح في شهر سبعة ؟!
أكيد ما في ضمان ولا 10 % ...وبجيك واحد في شهر سبعة يقول لك الوزارة مساكين مالهم دخل ..وترا كل تأخيرة وفيها خيرة!!
وكل تأخيرة وفيها خيرة!!
وكل تأخيرة وفيها خيرة!!
وكل تأخيرة وفيها خيرة!!
:112:
الدراسة في امريكا
