السلام عليكم
الحمد الله بعد معاناة بالطائرة لمدة 14 ساعة وصلنا إلى نيويورك أمس الساعة 7 بالليل
وكان بانتظارنا عاصفة ثلجية !!
طبعا أهل نيويورك ما يسمونها عاصفة ، بس بالنسبة لنا كانت قوية لأن مو متعودين على هذي الأجواء ، ثلج وهوا وبرد ومانعرف نمشي نتزحلق
ترى الصور مو مبينه قوة وكثافة الثلج
بس على الطبيعة كان ينزل بغزارة
مطر مثلج يعني
هذي المدرجات الحمراء المفروض تكون مزحومه من الناس والسواح ن شوفوها شلون فاضيه !!!
ما قدرنا نشوف شي من كثر الثلج والسنو والهوا والبرد القارص
رحنا تعشينا ورجعنا فندقنا على طول
وهذا فندقنا
أحب أشكر كل الأعضاء الي ساعدوني بحجز وترتيب هذي السفرة وخصوصا الأخ بو عزيز
https://artravelers.com
الجو حلو لكن بارد لأبعد الحدود
أبرد من أمس بوقت العاصفة !!
المشكلة ان اغلب الأماكن السياحية مغلقة اليوم بسبب العاصفة
تمثال الحرية والباص السياحي وانتر..... مادري شنو اسمها كلهم مغلقين
حسافة
هذي الصورة أول ما طلعنا من الفندق انصدمنا فيها
طبعا هذي الصور الصبح بالجو البارد جدا
بس لما صار بالليل ...... خلالالاص
لا مجال للسياحة ولا للمشي ولا لأي شي غير الفندق
والطامه الكبرى
ان احنا ماشاء الله عددنا 6 أشخاص ، انا وزوجتي وعيالي 4 ومنهم واحد رضيع ، بس مثل ما قلتلكم الباص متوقف عن العمل والتكاسي الزفت
ما يرضون يركبونا كلنا بتاكسي واحد
يقولون ممنوع حدكم 4 أشخاص
انزين شسوي يعني آخذ تكسيين ولا أأجر سيارة ولا شنو
قوانين بايخه
قزرناها مشي
ما يندرى باجر شنو بيصير لنا ، دعواتكم يا جماعة الخير