1. (صيف 2010)...


2. كان يرد على مسمعي صوت انثوي بلغة انجليزية بروفشنال

يسعد لي ايامكم رواد واعضاء بوابة الشرقية..
هذا التقرير الأول لي في هذه البوابة واتمنى مايكون الوحيد..
من زمان وانا ابغي انزله بالبوابة بس الظروف الفنية اخرتني ..من بينها ماعرفت لمركز التحميل حق المنتدى..وتعبت وانا احمل على المراكز الثانية ..

(صيف 2010)...

الاجواء في البيت شبه هادية..الجماعة والأهل مسافرين بهالفترة يعني لبيوت خالية والانشطة مجمدة..واستقعد لي زين الشباب (ولدي) ..يتأفف ويردد زهقان متضايق..اف واف..الانترنت ملل..السوني مكرر..الايبود ممل..وانا نطت فوق راسي قروون!!
شنو اسوي معاه لانه مش هو الي زهقان بس..حتى انا خاصة عندي دوام بهالفترة!!..جت في بالي فكرة قلت خلينا نجرب مو خسرانين شي..اذكر ان في مسبح في فندق شيراتون الدمام..والخبر قدييم..بس مادري لحد الان ولا لا يستخدمه الزوار..وتم الاتصال على الرقم بعد ماخذته من دليل الهاتف السعودي..

كان يرد على مسمعي صوت انثوي بلغة انجليزية بروفشنال

قلت ولينا..شلون اتفاهم معها هذي!! خليني اتكلم بالعربي كود انها تفهم وتطقطق معي ونوصل للي نبيه.. قلت عندكم مسبح..!!الا الاخت فلتة عربي بلكنة شرقاوية محببة..طبعا ماقصرت وضحت لي ان المسبح مفتوح من الساعة 10 صباحاً..حتى 10 مساءً..وللنساء مسبح خاص فيهن وفي مركز سبا..والاطفال والرجال مسبح مفتوح..ونادي سبا بالاضافة الى نادي رياضي مطل على حديقة المسبح..سئلتها اذا اقدر اجلس حول البركة لان الي بيسبح طفلي قالت مش مشكلة..
يوم الجمعة..بتاريخ 30 /7/2010 وتحديدا بعد صلاة العصر تم التوجه الى الفندق..وتوجهت لمكتب الاستقبال للدفعية..قال الموظف عادي تقدري تدفعي عند المسؤول تحت..واشار لي على موقع المسبح..اخذنا المصعد..ونزلنا..وكنت متخوفة ان نكون لوحدنا في المسبح وتضيق صدورنا خاصه انه زين الشباب انبسط حده وقال ماطلع الا الساعة 10..قلت مايخالف بس اهم شي لاسمع تأففك هذا..
طبعا الاجواء صيفية حارة بمعنى الكلمة..لكن!! كان الطقس هذا اليوم لطيف نوعا ما..وقلت بداخلي استحمل الحرارة بس اهم شي يوسع ولدي صدره..ومثلكم عارف تضيق انشطة الاطفال في فترة الصيف..ويتسلل الملل بسرعة اذا مافي سفر ولا كشتات ..
طبعا دخلنا والي كنت خايفه منه زال..كان فيه مجموعة من الاسر..متواجدة..وبعض نزلاء الفندق والاطفال الي وسعوو صدورنا بلعبهم واصواتهم..لاخفيكم الجلسة ترد الروح والاجواء مررة روعة خاصة وقت المساء..تغدينا من مطعم فيرووز غدوة طيبة..قبل لاانسى..دخولية المسبح الطفل ب50 والبالغ ب100ريال.. والجلسة مايخذون عليها شي!
اترككم مع هالتقرير الصغنون وارجو ان ينال على اعجابكم احبتي..
بسم الله نبدأ...
هذي صورة للفندق من موقع اخر بالنت..!
بعد ماخذنا المصعد لتحت قابلتنا هالطلة البهية..!
مدخل المسبح من موقع اخر بالنت..!
واحهة المسبح اول مادخلنا..!
توجهنا لدورة المياه اجلكم الله..وفيها غرف لتغير الملابس..!
وهذه الاطلالة بعد ماخرجنا..!
هذا مطعم للباربكيو بس كان وقتها مقفل..!
لقيت هالامامير يسون حركات حلوة للغطس والسباحة..!
وطلبت منهم يبدعون قدامي.. وسو اللي قلت لهم...!
منظر اخر من المسبح...!
هنا عسولي نزل للمشاركة معهم السباحة..!ربي يحفظه...
طبعا استبد بنا الجوع..وخصوصا انا كنا جاين مبكرين..طلبنا من مطعم فيروز غدا بسيط ويناسب الاجواء.. صور من النت..!
الطلب اجنحة دجاج متبلة...!
كلوب الشيراتون....يم يمي..! الحساب طلع كله تقريبا 118 ريال..!
عسولي مبسوط ومصر الا يطلع الساعة 10 على التقفيلة...!
جلسات رايقة جانبية...التقطتها مساء..!
وجلسة اجواء ورومانسية ناقصها شمووع بس وعشوة وتكمل...!
واختتم اللقطات بهذه الصورة للعسول وهو مبسوط ومنسجم على الاخر..بس ماخليته لين 10 طلعنا على الساعة 8 ونص مساء وكملنا في الشاطئ موول.. بما انه قريب..!
اتمنى تقريري لصغنون يعجبكم..وينال استحسانكم...
دمتم بمحبة...