1. مكالمة لسويسرا ب1000 روبية


2. هذا فيديو للإقلاع مرفوع على موقع اليوتيوب


3. /watch?v=3WPTdEh0zjA

بعا قبل مايلبس هالاغراض ابو عايد راح لمكان ما !! ولا وبعد برسوم ؟؟

مكالمة لسويسرا ب1000 روبية

طبعا إنحاش ابو عايد , اقول له وين رايح , يقول لي بروح شوي وبرجع , طبعا راح يكلم سويسرا بس المكالمة كانت برسوم الف روبية , رجع بعد خمس دقايق وكانت القمطة تبين في عيونه
بصراحه محاكيكم أخاف من المرتفعات لايغركم الشكل , رحت يم الطبيب اللي يداوي الجروحي , قصدي لأعلى مرتفع , طبعا سلمنا ع الشبيبة المتواجده فيذاك وكانت الزحمه ماتذكر , مافيه إلا إحنا ندور ع البراشوت , اتفقنا معهم على السعر 300 الف روبية , وقعنا ورقتين , كان مذكور فيها عدم تحمل أي شيء , إذا حصل لراكب البراشوت حالة مرضية أو حالة وفاة , طبعا قبل مايطلع ابو عايد للبراشوت , ورثني السيارة مع سيديات أفلام مصرية من عام الف واربعميه وحطبة , وشهدت اثنين < اهم شيء عنده
ركب ابو عايد البراشوت , وانطلق والقمطة عارف انها فيه , وكان متردد لانها اول مرة له , كان يقول له اذا بنقلع فأسرع معي عشان نطلع , لكن ابو عايد تخالف رجلينه ,,والحمد لله أقلع بسلامة وبدون خسائر تذكر ,,,

هذا فيديو للإقلاع مرفوع على موقع اليوتيوب

/watch?v=3WPTdEh0zjA

طبعا انا رجعت للسواق وسألته وقلت تعرف وين ينزلون بالبراشوت قال لي يس , قلت له يامال العافية ودني هناك , نزلنا تحت وعلى بالي اننا بنوصل باقي مانزل ابو عايد من البراشوت وصلنا المكان لقينا ابو عايد نزل من خمس دقايق , يعني حوالي 13 دقيقة وهو في الجو بس ...
طبعا اخذنا ابو عايد وتوجهنا ...إلى المنطقة القريبة من البقالة السعودية ,طبعا كان ابو عايد وقتها مبرطم ساكت...من الخووف ومن هياطه وحبه للمغامرة..المهم قعدنا نفرفر طبعا يمكن مافيه اكله تنباع بكشك نمر عليهم ونذوقها ونمشي , اخيرا صفينا على الذرة , صفقنا بالذرة لين قلنا بس من الجوع , ودانا للمنطقة الاخيرة في الجبل , ورجعنا للفيلا يعني على الساعه 5 المغرب , قلنا ياولد مايبي لها خلنا نفك الباب اليوم ومفتوح للبائعين , وجلسنا بالمطل اللي بالفيلا , وما أمدانا نفتح الباب لهم إلا وهم يتوافدون على الفيلا اللي معه أدوية جنسية , واللي معه ملابس رجالية ونسائية وملابس اطفال , واللي بائعة هوا وبايعتها بكراع دجاجة , وغيره ,,
طبعا إشترينا ملابس رجالية بحوالي 350 الف روبية بحوالي ميه ريال وعليها .. طبعا لو كنت بالسعودية واشتريت هالاغراض ماتكفينا ميتين ريال ,, والله الشاهد لان كان فيه مقارنه بعد وصولنا للسعودية ..
مع السوالف مع ابو عايد , على العشا وعلى غيره , إتفقنا نروح ندور على تيس ضايع لنا رابط في شعره بكله , بمعنى اننا ندور على تيس عشان العشا والشوي والفلة ..
لقينا اثنين معاهم دبابات , إتفقنا معهم على توصيلنا الاثنين ويرجعونا ب30 الف روبية , لين نلقى التيس ونخليهم يذبحونه ويضبطونه ...
لقينا التيس الأحول , ولقينا التيس الأعرج , ولقينا التيس اللي رابط في شعره بكله بس بصراحه رخيص مره بسعر 280 الف روبية , بحوالي خمسه وتسعين ريال , (الخمسه وتسعين ريال بالرياض ماتجيب ربع تيس وتلقاه كله عظام )..
طبعا مع الذبح والسلخ زودناهم عشرين الف , بس للأسف إخوانكم أبو عايد و أبو خاطر نكره رؤية الدماء , فللأسف لم نصور .. وذلك خوفا من مقص الرقيب
ثم ذهبنا إلى الفيلا , وكانت الليلة ليلة شواء , طبعا بعد ما أعطينا اللي شوا لنا موسى قطعة من اللحم , وارسلنا بعض اللحم إلى الفقراء ...
هذي صور من العشا ...
طقينا من النعمة , واللي علينا بالخير , ثمن رحنا كلن يطلب مراده (النوم سلطان) ...
طبعا تخطيطنا على اليوم الثاني نطلع لسفاري , نبي نشوف الكاوبوي لان المرة الاولى مالحقنا عليها ...
صحينا اليوم الثاني ندور سواقين ماحصلنا , لقينا مدير الفلل إسمه دياز , كلمناه أعطى سيارته لواحد من اصحابه واتفقنا على 200 الف روبية حوالي 75 ريال ...
واتجهنا يم سفاري ...
هذي صور من سفاري و الكاوبوي
هذا السواق فيجي (بصراحة فلة واخلاق ومحترم وفوقها فيه حبتين تنسيم):biggrin:
هذي الصورة جاء عليها تعليق كثير بدرجة إني شبهت بها
المهم شفنا عرض الكاوبوي , وعرض السيرك وسجلنا له فيديو وان شاء الله في القريب العاجل يكون في موقع العرب المسافرون ...
المهم طلعنا على الساعه 4 العصر , كلمنا موسى الحارس وفي نفس الوقت الطباخ :8888:
كلمناه على انه يسوي شيء ناكله , وصلنا وإلا وابو الشباب يضبط عشره اسياخ شوي , واثنين ياكلها
صورة للغداء
طبعا , تغدينا وريحنا ... وكنا نبي نطلع بنفس اليوم لجاكرتا , لقينا سواق اتفقنا معه على 400 الف روبية يودينا مكتب كاها , ويوصلنا للفندق او الشقق اللي راح نستأجر فيها ...
مسكنا الخط وابو نورة يطربنا بالطريق , وكالعادة امطار وسيول :tongue: وأجواء خيالية ,
وصلنا مكتب كاها لقينا شخص إسمه رمزي كان مثالا للأخلاق الحسنة , والتعامل الطيب ,
هذي صورته إسمه رمزي ... اندونيسي من أصل حضرمي ,
طبعا إستأجرنا بفندق قولدن , يصنف على انه اربعه نجوم ...
وانا اصنفه من عندي عشره من خمسه
كانت قيمته ب480 الف روبية مع الافطار ...مائة وستين ريال , طبعا الغرفة مزدوجة ..
وصلنا الفندق , هذي صور للفندق ...
ريحنا شويات و خذينا تاكسي لمطعم الجزيرة ...ب20 الف روبية حوالي سبعة ريال (الله يديم الرخص)
>صورة واحد يدعي
صور للمطعم
اول ماجلسنا قدمو لنا عشا نواشف
لاتفكرون اللي فوق عشانا , بس هذي تحلية باندونيسيا , طبعا طلبنا بحوالي 200 الف روبية عشاء محترم , حوالي سبعين ريال ..
طلعنا وقمنا ندجدج مرة مع سواقين ومرة مع دبابات , بصراحة التجربة حلوة
طبعا جلسنا في جاكرتا يومين حللناها ,
رحنا لدنيا فانتازي , و للأسواق الكبيرة مثل تمباكا ماس و مانقا دوا , وتانا هبا ...
رحنا لعالم البحار , ورحنا للشاطيء , ورحنا متاحف بس بصراحة أعتذر كان وقتها وقت فله مو وقت تصوير ...
طبعا ابي اعطيكم المختصر في الرحلة ,
يمكن تفيد الكثير من زوار دولة إندونيسيا ..
1) تعاملك يفرض احترام الاندونيسي لك ..
2) الاندونيسيين يحبون المكاسر , خاصة السواقين والباعة المتجولين ... بإمكانه إيصالة إلى نص المبلغ.
3) السواقين , يجب ان يكون تعاملك معهم بتواضع وبإبتسامة , لكي تكسب الاحترام , ومنها شوية فرفشه بس لا تخليها مونه ...
4) المطاعم العربية , دائما أسعارها مبالغة , فأنصح من سيذهب إلى اندونيسيا بأن تكون عزبته معه ...
5) ينصح بأخذ المظلة أو السترة الواقية من الماء معك بأي وقت , لان هطول الأمطار متوقع في أي لحظة ..
6) تجربة الدبابات جيدة , و يفضل إستخدامها بوقت الزحمة لأنها تختصر الوقت الكثير ....
7) يجب الإنتباه من بائعات الهوى ومن بعض الأدوية الجنسية , التي تضر بالصحة ...التي لا تخضع للرقابة ..
8) اكثر الاندونيسيين يتعاملون بالبخشيش ... فحاول إنك ماتدفع ولا هللة مادام انك ماشي بالصح ...
9) في بونشاك (الجبل) يحذر من الخروج بعد المغرب أو بعد العشاء , لسبب وجود النشالين و غيرهم من عصابات تستهدف السائح العربي او الخليجي .... ويفضل إستخدامك لصندوق الأمانات المتوفر لدى إدارة اي فلة تستأجر بها ...
0- أعتذر للجميع عن عدم إنزال صورة كثيرة , لكن اللي بمكاني ماراح يصور كل هالصور , لان الأجواء والطبيعة تخليك تنسى كل شيء , واعتذر عن تأخير نزول هذا الجزء الذي أعتبره الخارج عن ارادتي (الهاردسك)
ملاحظة خارج النص
( #################)
وأشكركم على حسن المتابعة , واي واحد عنده استفسار الله لايهينه ينزله ونرد عليه باقرب وقت ...
نودعكم احنا مسافرين للسعوديه الله يجيب مطر
نحن نودع اندونيسيا ,
####################
رحلتنا القادمة إن شاء الله
(المغرب أو أسبانيا أو المنفوحة ويمكن خنشليلة):tongue:
نشوفكم على خير