1. اخواني في بوابة اندونيسيا


2. السلام عليكم ورحمة الله وبركاته وبعد

بسم الله الرحمن الرحيم

اخواني في بوابة اندونيسيا

السلام عليكم ورحمة الله وبركاته وبعد

بعد كم سنة اخواني قضيتها في بوابة ماليزيا واستفدت فيها من تجارب الاخوان هناك ونزلت موضوع رحلتي الي ماليزيا بالصور قررت اخواني ان الم اغراضي واروح يم ديرتكم نرجو ان تتحملونا حيث قررت وخمسة من زملائي السفر لهذا العام عزوبية الي اندونيسيا بتاريخ 10 /8/2006 ان شاء الله لمدة 16 يوم وعندي بعض الاستفسارات اتمنى منكم الاجابة عليها وهي على النحو التالي:
1- التذاكر والخطوط المناسبة حيث ابلغني احد الزملاء ان يستطيع ان يحظر لي تذاكر من خطوط الاتحاد بقيمة 2000 للتذكرة فهل السعر مناسب وهل الخطوط جيدة ام لا لان ماعمري سافرت الا على السعودية وداخل ماليزيا الماليزية وهل تكون مباشرة او تتوقف في محطة ولمدة كم ارجو الاجابة حيث اننا من سكان مدينة جدة
2- حنا ندور طول الله اعماركم البراد والتيوس وشبة النار وعلوم الرجاجيل وين نحصلها
3- ودنا نزور منطق البراكين وش افضلها واقربها للتصوير والاستحمام
4- يقولون الحاجات عندهم رخيصه وش افضل سوق جملة نجيب منه هدايا للعيال وامهم عشان نرضيها . العام اخذناها ماليزيا والسنة هذي نبي نروح عزوبية
5- وش السيارة المناسبة اللي نستأجرها وتكفينا
6- وش افضل الاماكن الترفيهية
7- افضل مكان للسكن ناخذ فيلا والا فنادق وش الدبره
8- ممكن عمل برنامج مميز للرحلة بحكم الخبرة لديكم
9- لو شرينا هدايا واجد كم الرسوم اللي ياخذون عليهم في المطار
10- الطريقة المناسبة للصرف العملة
واعدكم اخواني بعد العودة بالسلامة ان شاء الله بالتقرير المميز والصور الرائعة وجزاكم الله خيرا