1. ب _ MTN


2. توجه إلى أي مركز سيريتل واشتري منه خط الموبايل .

السلام عليكم ورحمة الله
أخواني المسافرون , أحببت أن ألفت انتباه الأخوة الذين سيزورون سوريا إلى بعض النقاط الصغيرة ولكنها ربما تصنع فرقا في تفصيلات الزيارة . وأرجو ان تفيدكم وما وضعتها إلا راجيا الفائدة للأشقاء العرب .
1_ عند الوصول للأراضي السورية لا تشتري خط الموبايل إلا من المراكز الرئيسية لشركات الإتصالات .
هناك شركتي إتصالات في سوريا فقط وهم :
أ _ SYRIATEL

ب _ MTN

توجه إلى أي مركز سيريتل واشتري منه خط الموبايل .

• شركة MTN توقفت عن بيع خطوطها لغير السوريين وذلك بسبب سياسية معينة للشركة . يعني ممكن اي بائع فرعي يبيعك خط MTN بس يريد يخلص الخطوط يلي عنده وفي هل الحالة رح يشتغل خطك 24 ساعة فقط ويوقف . لذلك توجه إلى مركز سيريتل ( ممكن تلاقي محل موبايلات او صيانة او حتى سوبر ماركت مكتوب عليه SYRIATEL ولكن توجه فقط إلى مركز مكتوب عليه ( مركز خدمة سيرياتيل ) وهم موجودين في ( المزة اوتستراد _ ساحة العباسين _ مشروع دمر _ باب توما _ الميدان _ المرجة في وسط دمشق _ مطار دمشق الدولي _ مساكن برزة _ ساحة شمدين في ركن الدين )

لأنه رح يعطوك الخط بسعره الحقيقي وبدون أدني احتمال من انه ممكن يفصل او يوقف .
2_ قد تم تطبيق نظام السير الجديد في سوريا منذ شهر تقريبا . لذلك احب اني انصح جميع الاخوة بالالتزام التام بقوانين السير , يعني عنا الشرطة تتبلاك مشان اتفه سبب وتصير لازم تدفع مشان ما يخالفك ومن اهم الأشياء يلي يدققو عليها ( حزام الأمان _ لما توقف على اشارة ما توقف على ممر المشاة _ انك تتكلم عل الموبايل وانت تسوق _ وجود طفاية حريق بالسيارة ومثلث الخطر ) وعلى كل حال التدقيق عل السيارات الغير سورية أقل من السيارات السورية .
3_ بالنسبة إلى تصريف النقود وتحويلها للسوري : لا تصرف من الحدود او من اي صراف بالشارع . في صرافين بالبلد لهم محلات ومعروفين . صارت حالات نصب كثيرة من الصرافين لأنهم عل الأغلب رح يغشوك بالسعر وممكن ينصب عليك ويعطيك المبلغ ناقص .ولو عدهم امامك .. شاطرين .
4_ بالنسبة لإستئجار البيوت : متل ما ذكر كثير من الأخوان مشكورين ينصح بالإبتعاد عن المكاتب العقارية وفي مكاتب مضمونة ذكرها الأخوان بتقارير وانشالله تكون موثوقة وانصح بالإبتعاد عن ( مساكن برزة ) . وفيه اماكن أمنة بس يمكن سعرها اغلى بشوي بس جميلة واماكن راقية مثل ( المزة _ مشروع دمر ).
5_قرأت في تقرير عن عميلة نصب حدثت لزميل في محطة وقود في دمشق وحبيت الفت الإنتباه إلى ما يلي : سعر ( تنكة البنزين = 20 ليتر ) 800 ليرة سورية . وخلي عينك عل العداد وهو احيانا تقله يعبي ب1000 مثلا رح يعبيلك ب 996 مثلا وهي مو مشكلة بس مو يعبي ب 900 , ولا تخليه يحط أي إضافات للبنزين بدون ما يسئلك لأنو ممكن يحط شي ويقلك انا حطيت محسن أداء .
6_ لما تروح تشتري فواكه او خضار لا تشتري يلي شكلها كبير كتير .. هي مو يعني جيدة هي يعني فيها ( هرمونات كيميائية ) ومضرة جدا .. الله يحميكم .
7_ يلي يحتاج سيارة للأجار يحط في باله انو في شركات محترمة وفيه شركات نصب . يعني في شركات مشهورة وعالمية لأجار السيارات ويفضل انك تستئجر من عندها . وعلى كل حال لا تقبل ان توقع على اي سند او ورقة بيضاء بحجة التأمين . وقانون اجار السيارات بسوريا بيقول انك ترجع السيارة متل ما اخذتها بالنسبة لكمية البنزين فيها . يعني اخذتها فل رجعها فل اخذتها فاضية رجعها فاضية وشوف عداد البنزين اول ما تاخدها وخليه يكتب الكمية الموجودة بالعقد لأنه هاد من احد ابواب النصب .
8_ اذا ركبت تكسي في دمشق فحاول يكون الأجرة على حسب العداد علما انه قد تم تعديل العدادات بالتكاسي .. يعني ممكن يقلك طيب عل العداد ولما توصل يقلك العداد مو معدل وبدو زيادة . العداد المعدل الجديد في سوريا بالتكسي بيبدا ( 5.5 ليرة ) .
9_ لما تدور على مكان تصف ( تركن ) السيارة انتبه انه الأن صارت أكثر جوانب الشوارع في دمشق هي مواقف مأجورة . يعني لو لقيت مسامير لونها اصفر بتشكل مستطيلات معناها هاد موقف مأجور . توقف وتروح للأله الإلكترونية وتحط فيها 50 ليرة وتاخد الكرت وتحطه على زجاج السيارة من الداخل وانتبهو لو ما سويت هيك رح تكون بهدلة رح يقفلولك السيارة ويلزقو عليها تنبيه ولازم تدفع غرامة .
0_ اي احد يسئلك مع صرافة ( فكة ) 1000 او 500 قلو لأ ما معي .
1- انتقل كراج _ بيروت _ الأردن من منطقة البرامكة إلى السومرية وهي منطقة بعد المزة تبعد عن وسط دمشق تقريبا 12 كم .
انا هدول يلي تزكرتهون والموضوع قابل للزيادة وتقبلو مني تمناتي بزيارة ممتعة واي حدا تعرض لأي موقف يا ريت يكتبو بتعليقو وانا رح ضيفو للموضوع مع النصيحة .وانا جاهز لأي مساعدة
أخوكم عمرو
دمشق