هلا بك يااكسلنص
الصراحه موضوعك حلو ويستاهل النقاش
لكن من اللى يناقشون الموضوع؟؟
زى ماقلت انت الخبراء
وانشالله مايقصرون
لكن الاخ داركمان
رجع اليوم واشوفه مبسوط
والعكس الاخ تيدا مشكله حلف انه مايرجعلها وانه بيحول على تايلند
يعنى المسئله تختلف من شخص لاخر
انا من وجهة نظر رغم انى لا املك اى خبره فيها الا سفره يتيمه بس
ومن فتره قصيره جدا
لكن اشوف الديره واهلها ماهو بذاك الجشع ولا يبلشونك زى غيرهم
يعنى عطيت ok
ماعطيت مايغثونك
زى البلدان الثانيه اللى انا عفتها بسبب اهلها اللى يبون يضحكون عليك
بالطيب او الغصب
يا اخوان والله الديره حلوة ولا تكرهون الناس فيها
هذا راى شخص لا يملك اى خلفيه سابقه عن الديره الا سفره واحده
من فترة قصيره
والحين دوركم انتم يامن تملكون الخبره الكافيه
ولاتقارنون الماضى والحاضر فى اندونيسيا
لان الدنيا تغيرت
قارنوا بين عمة الدنيا
والدول الاخرى لكى نصل لنتيجه عادله

القنيط :
السعوديين هم الي خربوها على أنفسهم
مثل واحد يقول يا رجال هذي ثلاثة ريال أو عشرة ريال مهيب ضارة
وكل واحد يقول نفس الشي
ولا الواحد إذا مسكوة الشرطة على أتفهة سبب قال خلني ادفع لهم الي يبونة وارتاح
لية انا اكلمك عن نفسي
ما عندي أي مشكلة اني اروح معه للقسم واشوف وش نهايتها معة
وأكلم السفارة
صدقني لو 100 واحد سوو زي كذا كان تغيرو
هذا شي .
الشي الثاني
معاملة الأندونيسيين نفسهم
والله اني ما لقيت معاملة صح زي الناس
إلا في سوربايا
وغيرها يخلف الله
وفي نفس الوقت ما الومهم
خلونا نكون واقعيين شوي
وشوفو وش يسوون السعوديين هناك
تحصل سعودي جامع لة كم أندونيسي وقاعد يتريق ويستخف دمة عليهم
ولا كل ما مر من عند أندونيسي
ذب علية كم كلمة
بصراحة شي يقهر وش يفشل في نفس الوقت
ولي رجعة إن شاء الله
للمعلومية
الكلام الي قلتة فوق
ماحد قالة لي
انا شفتة بعيني
وسلملي على الي حلف ما يرجع لأندونيسيا مرة ثانية
وقلة تراني حالف مثلك من ثاني يوم وصلت فية لجاكرتا
ابو مضاوي :
إحنا ما كرهنا الناس في الديرة
بالعكس إحنا وضحنا
الفرق الي صار بس
لدرجة أنك ما تتخيل انهم يتغيرون بالسرعة هذي
أجل لو انك رايح لأندونيسيا قبل ثلاث سنوات وفوق وش تقول
كان والله ان تنصدم من الي تشوفة
الف شكر لك

بصراحة كلامكم صحيح والمشكلة السعودي ويمكن الخليجي بشكل عام ... انا سمعت في بداية الثمانينيات كانت تركيا وش زينها والحين الله يخلف عليها والسبة مثل ماقال الزعيم... والحين صارت اندونيسيا أسوأ من الاول ...وصدقوني رحت لماليزيا عام 97 وكانت المعاملة ممتازة وذي السنة اشوف تغيرت شوي وخاصة من ناس محددين (غلب عليهم الطمع وتغيرت الاسعار يعني ان شاف عربي رفع عليه السعر) اصبرلها 5 سنوات وبتلحق جارتها اندونيسيا

ابو مضاوي: انا ماودي اغير صورة اندونيسيا الي شفتها ولكن صدقني لو شايف الديره قبل ثلاث سنوات والآن راح تحس بالفرق،،وحتى لو قارنتها بالدول الأخرى فماعاد هناك الفرق الكبير بينهم،،
=============================
الزعيم: اوافقك في كل ماقلته بخصوص الشباب وفعايلهم هناك،،بصرحه تشوف الهوايل منهم،،خويي يقول توه جاي ويقول شاف 7 مع بعض ساكن في نفس الفندق اعمارهم ماتتعدى 20،،يعني كل من هب ودب الآن صارت وجهته عمة الدنيا،،
=============================
ابو احمد: اندونيسيا مانتشر اسمها عند العالم كدوله سياحيه الا من اربع سنوات وقبلها كان لها ناس محددين يعزونها،،ولكن بكثرة السياح انقشعت اقنعة الطيبه الأندونيسيه وبدئو يشوفون السعودي دولار يتمشى الكل يبي يكسبه،،
اقول حولوا على سوتشي الجزيره المخفيه عن الأنظار،،

القنيط...
سوتشي وين ذي ياخوي كانه الاسم مار علي في غريندايزر
تكفى لاتعلم احد بعدين تخرب.. خلني اروحلها الاول

النص الأصلي مرسل من قبل القنيط
احد زملائي عاد قبل يومين من اندونيسيا وكان نادم على سفرته رغم انها ليس الأولى بل هو من عشاقها،،لكنه يقول ان نسبة صغار السن هناك بتزايد والأندونيسيين اصبحوا يجيدون النصب بطريقه لم نعهدها من قبل وبالذات مع السعودي،،
هذا البلا

كل روحه لي .. عقب ما أرجع اقول هذي أخر مره أروح لها ... ابي أغير
واذا جا موعد الإجازة ما ألقى قدامي إلا هي.. شالسواة

وانت الصادق يا القنيط قبل 8 سنوات كان تعرف الفرق الحين

سلامي وتحياتي لجميع محبي الاندومي وبس.........العواذل!PERGI
آخر مرة طل(قلتها "دوا" مرات بس صارت "تيقا" والرابعة اقصد مشوار العودة والحنين لعمة الدنيا بدأ وأنا على سلم الطائرة) ناس يقولون مسحور والله أعلم
أنا لاحظت أن الاسعار ارتفعت قليلا والسبب على كلام الاندوميين هو قرار من الآنسة ميجاواتي اللي رفعت بعض الاسعار والكهرباء وغير كذا بعد...وهذا الكلام بدأ من 2002 .
صغار السن و أصحاب القطية هم فعلا عاهات والله يهديهم وصدقوني مافي أمل انهم يعملون عمايلهم في أوروبا على سبيل المثال.
العبابيس(POLICE) المرتزقة مايوقفون الا العربي وأخص السعوديين لكثرتهم هناك.بالتأكييد انا مع أخوي اللي قال روح المخفر ولكن العطلة اللي الله يعينك عليها لان اللكاعة حقت الجندي بتخليك تحتري الضابط اللي محيرجع الا الصباح وللأسف كله علشان 50000ٌ.
ولكن الكلام هل يجرؤ هالأخ على ايقاف احد الكناغر؟؟؟؟؟
أنا عندي احساس ولست بالشخص المتشائم انا أيام راحة البال وسعة الصدر في اندونيسيا بادية بالتقلص لأسباب تم مناقشتها في كثير من اطروحات الحبايب هنا..
في النهاية جميع المشاركين هنا باين انهم غيورين على سمعة بلادهم وجذورهم فعلينا جميعا الألتزام بمكارم الأخلاق في كل زمان ومكان(مو الأكل) لانه مهما قال الاع لام ومهما فعل بعض الأخوان (من عمايل منيلة 60 نيلة) صدقوني شوية أخلاق كفيلة بأنها ترجع صورتنا على حقيقتها الا وهي الاخلاق الحميدة.
وسلامتكم