السلام عليكم ورحمة الله وبركاتةأول أشكر مؤسسين هذا الصرح وجميع الاعضاء لأن الكثير أستفاد والكثير سيستفيد
وصدقوني أن المتابعين بصمت أكثر من الأعضاء مثلي سابقاُ
الموضوع باين من عنوانة
بالبداية انا شخص سافرت كثير وزي مو معروف ل السفر قوانين لا تفرق من مدينة ل مدينة
لاكن ماقد سافرت ل المغرب
وعندي اجازة 15 يوم وكانت المغرب أول الخطط
لاكن بعد قرائتي للبعض المواضيع " المتناقضة "
وقعت في حيرة من أهم ناحية للمسافر " الأمان و المصاريف "
الأمان لا اعلم عنة اي شيء بالمغرب هل أقدر أتمشى باليل عادي ولا في تحفظ بأخر اليل ؟
ثاني شيء وأكثر شيء حيرني المصاريف
أجد شخص دفع ل التاكسي من المطار ل مراكش 1500 درهم 679 ريال سعودي !!
مو معقول تاصل تكلفة تكسي للمبلغ هذا
انا من طبعي اقراء موضوع وفاتح صرف العملات وأحسب
والي يقول يدفع رشوة بالمطار حول 800 درهم
أغلب الدول تقريباً في بعض الأحيان يبي تدفع عشان تمشي بس ماتاصل الى هذي الدرجة !!
وفي موضوع يقول دفعنا لمغاربة 4500 درهم عشانهم جلسو معنا ويجيبون طلباتنا
بس انا شخص عنيد شوي يعني مو اي شيء ادفع فيه لازم اكاسر بس هل اهل المغرب يكرهون هذي العادة ويصرون على سعرهم ؟ لأن بعض المرات تنحد على شيء
وحسبتة حسبة على كلام بعض الشباب لو ابي اروح للمغرب مدة 15 يوم 3 اشخاص راح لازم كل واحد ياخذ معه فوق 30 الف هذي خاصة سكن وأكل وتمشيات من غير المصاريف العادية !!
اروح اسبانيا ولا النمسا استر لي .. اتوقع كلكم موافقين على كلامي
ف انا اكتب لأهل الخبرة هل بالأمكان توضيح الأمر وتريحوني من الحيرة
سؤال اخير : 3 اشخاص كم يبي لهم عشان يجلسون 15 يوم سكن ومواصلات وتمشيات واكل من غير المصاريف الخاصة مثل هدايا ومشتقاتها
وحنا اشخاص على قد حالنا يعني الي مجمع له كم قرش من الراتب وكذا لا عندنا تجارة ولا ورث
وأدري كلام طويل بس زي ماقلت لكم سافرت كثير وأبي المغرب تكون من ذكرياتي الي ان شاء الله تكون جميلة
شيء أخير ترا اذا اقتنعت بالمغرب الله يعينكم بكتب موضوع ثاني بأذن الله تكتبون لي فية كل شيء من أول ما اصل لين ارجع من اماكن وطريقة تعامل وأسعار لأن مرة ما اعرف شيء حتى مطارهم الدولي بمراكش ولا وين
أخوكم / فهد الدهمشي