أخي الكريم أنا أنصحك في شقق بودل لأنها أقرب للخدمات (( المطاعم - الاسواق - شارع الخليج )) ويمدحونها كنظافه أما الشقق رويال إن والله ما أعرفها .

اهلين اخوي bebogorg
بالنسبه لبودل انا سكنت فيها السنه الماضيه حلوه جدا من ناحية الموقع والنظافه والسعر
لكن للمعلوميه ليست الفنادق فقط اسعارها مرتفعه حتى الشقق بودل اخذتها السنه الماضيه ب 20 دينار اما هذه السنه اخذتها ب 23 دينار
بالنسبه ل رويال ان من ناحية الموقع قريبه من بودل اما السعر والنظافه ماعندي خلفيه
رحله سعيده وممتعه ان شاء الله

شقق بودل افضل ..
ورحلة سعيدة ..

اخي العزيز
حياك الله بالكويت
و الشقق الفندقية كثيرة
و بودل من افضل الشقق الفندقية من ناحية النظافة و الخدمات وقرب موقعه من الاماكن التي يرتادها السواح

بودل ممتازه وهي بشارع المطاعم
ونظيفه بعد
وسعرها معقول
بالنسبه لموقعها وبعدين قريبه من كل شي من البحر من الاسواق من المطاعم
بس انا ياخوك عندي لك نصيحه الكويت غاليه لان عملتها الان الدينار 14.30 ريال
يعني الخمسمية ريال بالضبط 35دينار وبعدين كانك مستكثر الاسعار للفنادق
وابغى اعطيك معلومه بسيطه
الايجارات بالكويت عاليه يعني مستغرب من الكويت
ولاتستغرب من مصر اللي وصلت اسعار خياليه
علما ان الايجارات بمصر لازالت رخيصه
وبعدين الغلا في كل العالم مو الكويت بس
وفيه فنادق بالكويت على مستوا عالي
مثل الهيلتون والموفنبيك ومارينا والهوليدي ان
بكل امانه من افضل الفنادق بالمنطقه
ايه على فكره بالجميرا بدبي وصل السعر 2300 للغرفه
مادري على ايش ؟
وتبي نصيحتي رح البحرين وقطر ارخص من الكويت لان سعر الدينار غالي
وفيه مشكله بالكويت اللي هي غلا المطاعم فيها
بس لاجل الكويت يرخص كل شي
على فكره الكويت شرحه وفيها اسواق كثيره
وفيهاراحة بال ماتلاقاها وناسها طيبين وتعاملهم جدا راقي
تروح وترجع بالسلامه يااخوي واسف على الاطاله ,,,,,,,

انا انصحك اب بودل لأن نظيفه وحلوه وسعرها فيها ..

حياك الله اخوي بالكويت باي وقت نتشرف بزيارتكم
وبالنسبة للأسعار للأمانه فان الاسعار بالكويت حاليا هي الارخص بين مدن الخليج ومعظم الفنادق الخمس والاربع نجوم عندها عروض خاصة للخليجين والسعر 39 دينار لشخصين مع طفلين مع الافطار في فنادق عالمية معروفه ولااعتقد ان هذه السعر كثير
والله لو تروح فنادق الجفير في مملكة البحرين ماتحصل الاسعار هذه يارجل الأسعار خيالية والارقام فلكية بالامارات وقطر
والكويت ماينقصها شي من مجمعات تسوق راقيه واماكن ترفيه وخاصة للسياحة العائليه النظيفه

ترافلز مان
تسلم اناملك
وبعدين لوشاف الافنيوز كان ماقال غاليه

هل تقارنون بين دولة الكويت وبين مدينة حفر الباطن بالسعودية من حيث توفر الشقق وا سعارها اتمنى من الاخوه اهل الكويت خاصة يجيبون حتى يتجهوا الى الاستثمار في الشقق وباسعار معقوله