وعليكم السلام ور حمة الله اولا ماحددة مدة الاجازه هل هي شهر او اسبوعين وحتى الميزانيه لها دور بلبلد الي راح تروحون لها مثلا اذا بتروحون لشرق اسيا في اسعارها روعه ورخيصه مثل ماليزيا رائعه جدا للكبير والصغير وطبيعه ولا اروع وفيها مدينة العاب ومدينه مائيه ولا راح تكلفكم كثير لانو انا وزوجي واولادي ثلاثه يعني مجموعنا خمسه رحنا لماليزيا وسنغفوره بنفس الوقت بس كان اكثر شي بماليزيا لانو سغفوره ماتسوى كثير حلوه بس صغيره بس ماليزيا رحنا لكذا مدينه فيها وربي انبسطنا ورجعنا معنا 12 الف من الميزانيه المحدده مع اني تسوقت كثير واذا حباين تروحون لاوربا يبي لكم ميزانيه قويه شوي لاني كنت بالصيف الي فات في اوربا رحنا كذا دوله بس والله غاليه مو مثل شرق اسيا بس الدول الي رحت لها جنان مره مره وعلى فكره ايطاليا ماتنفع لصغار لانو مارح ينبسطو فيها مافيها الا اسواق واماكن سياحيه اثريه بس رائعه للكبار واتمنى لكم رحله موفقه واسفه على الاطاله واتمنى اني فدتك ولو بشي بسيط

ماليزيا ترضي كل الاذواق من مطر وطبيعه وشعب مسالم وخصوصا بالصيف كأنك بدوله خليجيه من كثر الخليجين لدرجه انك بتمشي وتسلم على ربعك ههه
او تايلند بصراحه عجبتني
اما اوربا تبغى ميزانيه خاصه
صدقني ماليزيا
ولا تنسى اذا رحتوا ان شاء الله وامطرت ادعوا لي هناك

هلا والله فيكم جزاكم الله خير
بس مو كأأأن ماليزيا جوها حار رطب جداً ..
انا معكم بالتسوق والمتعه فيها بشكل يرضي الجميع بس احس الأسرة كلها بحاجة لمكان رايق
انتظر مشورة البقية وشكرا مره ثانيه لكم

أختي من خلال قِرأتي لما ترغبين به أجد أن تركيا
وخاصة أوزنجول تناسبكم جداًوكذلك طربزون ،ولمعلومات
أكثر وأوضح زوري بوابة تركيا واطّلعي على تقارير الأعضاء
هُناك ،اتمنى أن أكون أفدتكِ ولو بالقليل ......أختكِ ذهب

جزاك الله كل خير.. والله فعلا تركيا .. جيدة

اذا تبي بلد رخيص سيرلانكا رحت لها اسبوع فنادق خمس نجوم تنقل بين ثلاث مدن مع سيارة صغيرة كلفتني 3750 ريال السكن مع فطور والسيارة المصروف الشخصي بسيط اغلى وجبة في اغلى فندق 60 ريال للشخص ونازل الطبيعة حلوة مره خصوصا في كاندي ونورالي روعة

مرحبا اختي بس سوري
0الاف ريال شتسوي حتى ماليزيا بتكلفكم اكثر من هلمبلغ بوايد بتكلفكم اضعاف اضعاف اضعاف المبلغ
اذا التذكرة الوحد اقل شي 3 الاف ريال لشخص وانتو ماشاءالله 10
7 كبار و 3 صغار
تذاكركم براحه فوق ال 25 الف ريال بين ال 25 الى 30 الف ريال
وعندكم السكن انتو 10 اشخاص ومابقول اخذو 5 غرف ولا حتى 4
راح اقول 3 غرف اذا قلنا الليلة الوحده 500 ريال يعني في 3 غرف بتساوي 1500 ريال لو قلنا المدة 10 ايام بتساوي
5الف ريال لسكن
والمصروف لو قلنا بليوم الف ريال مع اني ماتوقع بتكفي لان لو الدوله رخيصه بس العدد يلعب دور كبير بس انقول الف مو مشكلة
في المدة اتساوي 10 الف ريال وقول 5 الاف ريال مبلغ احتياط للمواصلات او اي شي طارئ
يعني احسبي سكن 15 الف + تكت قول 27 الف + مصروف 10 الاف + 5 الاف لظروف = 57 الف ريال
يعني حطي في بالج انكم بتدفعون 60 الف براحه وانتي مغمضة وكل مازادت الرحلات والمدة زاد المصروف
بقولج شغله يمكن ماتصدقين تدري ان رحت مره مع العايلة من 3 سنوات وكان عددنا كبير يعني 11 شخص كنا ورحنا ماليزيا مدة شهر تدري كم كلفتنا 200 الف ريال تخيلي وهي بس ماليزيا مع ان ماكنا نصرف وايد
بس العدد لعب دور والمدة وخاصه ان شخص واحد هو الي بيدفع وهو رب العايلة فعلشان هشي بيطلع المبلغ كبير
لان لو انها روحت شباب كان كل واحد مسوؤل بنفسه ومابتكلفه الا 10 الاف ريال
بس اتكلمين لي عن 10 اشخاص مستحيل اكيد اكيد بتدفعون وايد على السفره وهشي بس شرق اسياء
من دون ان انتي كتبتي دول ثانية مثل تركيا ودول في اوربا اكيد بتكلفكم وايد
انا رحت استراليا شهر وكم يوم وصرف فيها اكثر من 200 الف ريال واحنا كنا بس 4 اشخاص
مع ان استراليا ارخص من اوربا واسعار فنادقها مثل اسعار شرق اسياء بس التكت لعب دور كبير بسعر والمواصلات ومن غير الصرف مع ان شتان بين صرف اوربا واستراليا لان استراليا ارخص بوايد من اوربا وتعتبر دوله اسعارها زينه واسعارها مثل الخليج يمكن اعلى بشوي مع ذالك صرفنا وايد لان التنقلات العبت دور والي بيدفع شخص واحد والمدة طويله
بس لو انا مسافر مع شباب وبتكفل ابروحي يمكن ماتكلفني سفرة استراليا الا 30 الف ريال وعلى ابعد تقدير 40 الف واقعد فيها شهر واشوي وامدلع نفسي بعد
فصراحه اختي انا اشوف انسب شي لكم هي سوريا واتروحون لها بسيارة علشان اتوفرون سعر التكت وسوريا رخيصه وممكن اتروحون يومين ثلاثه لتركيا
طبعا ماليزيا احلى من سوريا بس بمالزيا راح تدفعون تكت وفندق وغيره اما سوريا بتروحون بسياره وبتلغون التكت يعني بتوفرون حدود ال 30 الف ريال وبتاخذون شقه بدال غرف الفنادق وبتطع عليكم رخص واذا تبون اتغيرون عندكم لبنان والاردن وتركيا كلهم قراب منكم
يعين المبلغ الي بتصرفونه بعشر ايام بمالزيا ممكن تصرفونه بشهرين في سوريا وضواحيها من الدول
هيا رايي وانتي استشيري الي وياج واستخيري ولحين بدري على الصيف
وتحياتي للجميع

التذاكر بس اخوي يبي لها فوق ال15 الف على اقل خطوط طيران,,
هذا غير التذاكر الداخلية اذا بتتنقل طيران داخلي
وسيرلانكا ماتصلح للي معهم كبار في السن او اطفال ..
متعبة وتبي شباب وراعين شبة وفلة حجاج
واشوف ان تايلند مناسبة جدا
خاصة انك تقدر تزور ماليزيا وسنغافورة من خلال تايلند
بس الميزانية لازم ترفعها إلى اكثر من 35 الف للترفيه المتوسط ولمدة لاتتجاوز 15 يوم
ويمكن تراجع تقريري بالتوقيع وتشوف الفكرة اذا مناسبة او لا
وبالتوفيق ان شاء الله

تركيا اختي ارجوما يمكن تناسبكم واسعارها مناسبة