السلام عليكم
شرايك تقضين مثلا 6 ايام في لندن ............
وتروحين يومين برايتون............
يومين تروحين كاردف في ويلز..........
واربعة باسكتنلدا..............
وترجعين بالطيارة من سكتلندا
تكونين شفتي اغلب مناطق بريطانيا..........
ممكن لو كثير علي وتعب التنقلات الغي برايتون ........كاردف عطيها يومين روقان بس

للاسف اختي مقدر افيدك بسكتلندا بس بكاردف لو حابة ممكن اعلمك عنها

الف شكر على الرد
وياريت تفيدني عن كاردف ووين موقعها بالضبط
وبنظرك لندن بيكفيها 6 ايام؟
هل في رابط في جدول رحلات بلندن
كيف ممكن نقضي 6 ايام في لندن ونزور المناطق القريبة على بعض مرة وحدة؟
والف شكر الك

كاردف غرب لندن.....تطلعين من بادنجتون ستايشن ويفضل حجز ودفع التذاكر مبكرا قبل الرحلة بايام عشان تصير ارخص........تبعد 3 ساعات بالغرب بمنطقة ويلز .......
فيها رحلة بالباص مثل لندن......فيها مارينا حلوة ....وطبعا فيها قلعة رائقة........
6 ايام بلندن
يوم تركبين الباص الاحمر وتكتشفين لندن...........ويوم باكسفورد والهايد بارك.....زوري لندن اي حلوة ولله بس انا خواف ماركبتها .......وفي رحلات حول لندن تلقينها بمكاتب السفر في اجور رود
اتمني اني فدتك ولو في استفسارات اخري انا حاضر

الف شكر اخي الفاضل
مكاتب الرحلات وين الاقيها في لندن؟
والباص الاحمر من وين آخدو؟
عندك فكرة عن افضل المولات في لندن لانو من صميم عملي ولازم ازور اكبر عدد ممكن؟
وجزاك الله الف خير على ردودك
amore187

كل الحريم من صميم عملهم التسوق وافلاس محفظة الرجل ..... نمزح
المهم
الباص الاحمر تلقين اعلاناتة بكل مكان..........مقابل فندق الماريوت مركزهم الرئيسي ........يعني الماريوت الي باكسفورد ستريت مقابلة من جهة الهايد بارك
الرحلات اول ماتدخلين الفندق بتلقين نشرات كثيرة جدا عن الرحلات الي يسونها ..........وممكن تتمشين بشوارع العرب وبتلقين بقالات وصيدليات يسون عندهم العروض هاذي
لندن عبارة عن سوق كبير
في شارع اكسفورد ستريت.......ولو مشيتي في اكسفورد ورحتي يمين كانك رايحة البيكاديلي برضوة في محلات كثيرة........طبعا سيلفيرج بنفس الشارع
هارودز وخلفة في شارع ماركات نسيت وش اسمة بس لو دخلتي هارودز اساليهم خلفة بالظبط
في مجمع يقولون انة رخيص ظاهر اسمة بلاك واتير بس مسافة عن لندن يمكن من قلب اكسفورد ربع ساعة ظاهر اسمة كذا
في مجمع الوايت ليز في كوينز واي بس صغنون
اذكر اني كنت اتمشئ باكسفورد وانا رايح البيكاديلي في شوراع صغيرة وفيها محلات روليكس وشانيل بس نسيت وش اسمها بالظبط
اي استفسارات حاضرين

واو معلومات رائعة
شكرا جزيلا
ادعوا تطلع فيزة والدتي ونلاقي حجز
الف شكر

السلام عليكم ورحمة الله وبركاته
الصراحه اموري ماقصر جعله يسلم ..
كفا ووفا ..
فيه بعد مجمع بلو ووتر ..وفيه البيستر فلج ..وبما ان الوالده معاج فأنصحج يومياً اتودينها الهايدبارك لأن المسطحات الخضرا اترد الروح ..
وفيه الكوفنت قاردن ..سوق شعبي وفيه إثاره ومرح للكبار والصغار ..حتى لوا ماشريتوا شي يكفي القعده على أحدى القهاوي وتتفرجون على الحركات البهلوانيه وعلى الناس الي رايحه وجايه ..
بالنسبه للرحلات ..انصحكم بزيارة أحدى المزارع مثل مزرعة الفراوله ..اتقطعونها وتاكلونها فرش ..والرحلات هذي بتلاقينها في مكتب زين للسياحه في شارع ادجول رود ..
وراح اتلاقين عندهم رحلات واجد ..اختاري منها الي خاطرج فيه ..
والله ايهنيكم وايوفقكم ان شاءالله ..

بالنسبه رحله بعد بتلاقينها عن مكتب زين في الاجور رود
تروح فيها بلاك بوول من اجمل المناطق الساحليه تقظين فيها 4 ايام ومنها راح تزورون
منطقه البحيرات وتاخذون هناك كروز وتتمشون في البحريه روعه الرحله لا تطوفكم
بالنسبه لكاردف فهذي الحبيبه تقدرين تاخذين القطار مثل ما قال اخوي اموري من الباندقتون سعر التذكره ذهاب والعوده 37 باوند لو حجزتيها قبل يومين نفس اليوم تصير اغلى وهناك تقدرين تروحين كارديف بيه عباره عن كوفي شابات على البحر وفي كروزات ممكن تتجولين فيها او تروحين لجزيره هناك تتسوقين وتقدرين تزورين المتاحف الموجوده والمول وعندج بعد كارديف كاستل من اروع القلاع الموجوده وقلعه اسمها لوخ بعد حلوه واكيد لازم تمرين على السيتي سنتر عندهم بالتكسي قوليله ابي اروح الكابيتل او السيتي سنتر بياخذج على طول انصحج تسكنين في فندق الهوليدي ان او الهلتون او ال ايبيس لانهم في السوق وكل شي يمج اذا تبين شقق فندقيه عندج شقق cuontrywarf في شارع dumbals roud راحه واستجمام واذا بغيتي احد يحجزلج من لندن روحي مكتب زين عند الاخ ايمن وقوليله وماراح يقصر معاج
اي سؤال انا حاضره والاخوان ما قصروا وانا ما اتفضل عليهم بشي ابدا