- مايعرفون انها شرع ....
السلام عليكم ورحمة الله وبركاته
كيفكم يا اعضاء المنتدى الغالي
الحمدلله قبل 3 ايام كنت راجعه من رحلتي كانت رحلتي النمسا والمانيا وايطاليا
وكانت من روعه الرحلة وميسره ولله الحمد .....
بسس حبيت انبه لنقطة المشكلة واله العين تدمع والقلب يحزن لشوفتها
حبيت انبهه على موضوع العباية والنقااب ....
للاسف الشديد لقيت البعض هناك متهاون فيه ولابعد لحدود
ولقيت ولله الحمد من الي كانت متمكسه بعبايتها ونقابها ...
انا كلامي هذا مو المقصد منه المدح او شي
بس والله حزنت لمنظر كثير من الاخوات هناك ....
والي بمجرد ما يشوفون عربي او من نفس ديرتهم على طوول
يخلي زوجته تلف او تحط الشال على وجهها والله انا شفتها المناظر هذا للاسف الشديد
وبقولكم تجربتي والله الحمدلله رحت بنقابي وبالعباية الراس والله يا عالم هم شعب محترم ويحترمون الاسلام
ما احد تعرضني ولا تعرض زوجي في نظرات بس نظرات عابرة واستغراب ....
بسس انا كنت اشوف نظره عابرة ....والله ما ضايقتني نظراتهم مع اني انا من النوع الحساس اخاف من النظرات بسس لان كانت نظارتهم عاادي اعتبره .....
والله يجون يسلمون على زوجي ....وعاادي بالعكس والله احترمون احتراام ....
لدرجة واحد جاء لزوجي قال انا اهنيكم على انكم متمسكين بعااتتكم وتقاليداكم يقول يجون عرب مثلكم متمسكين بعادتهم وتقاليدهم ....لان العباية تعتبر بالنسبة لهم انها عادات وتقاليد
مايعرفون انها شرع ....
واحد بس الي تقريبا اعتبره تجراء و جاء وسال زوجي قال بسالك عن شي بخاطري هي تشوف كل شي يعني وماخذ رحتها بحركاتها ...رد زوجي قال الحمدلله ماخذ راحته وتشوف ومرتاحه واي شي بخاطرها تقدر تسويه...رد على زوجي كويسس وتبسم وراح ...
وشفت اكثر من وحده بفيينا بعبايتها وكامل احتشامها ولله الحمد ما احد تعرضها وانا اشهد ماحد يتعرضكم ...
يعني بالعربي لاتنسون ربكم هنااك ...
لاتخافون من نظرات البشر ....وتنسون نظرة الله .....
والله اني حزنت على المناظر هناك الي بمجرد اعلان الهبوط للمطار تغيرت كل الالبسه الى عباية ونقااب ....وعشان ما انكر والله كان فيه منهم كانت والله بعابيتها ونقابهاا ...
يعني صارت العباية مجرد على حسب المجتمع الي بتروحون له مو انها شرع من الله ومطلب اساسي ...
يعني لما تروحين وتلبسون العباية كسببتي رضى ربك اولا وثانيا انبسطتي وامشي وانتي واثقه وتفتخرين بعبايتك واسلامك وانت كذا تساهمين بانك تعطينهم نظرة عن الاسلام كيف وممكن تكونين سبب بهداية احدهم ....
لانهم هم من النوع الي يبحوثون عن الاشياء الغريبه بالنسبه لهم ...
والله العظيم الموضوع مو قصدي مدح او شي لنفسي الموضوع والله تنبيه لا اكثر ولا اقل ....
وانا اتعرف اكثر شي خفت منه ايطاليا خفت يتعرضوني بكلام او شي ...
وانصدمت بالعكس رحت البندقيه ما احد يناظر لنا ...
مجرد نظرات عابرة ....
بالعكس والله انبسطت ماحد تعرضني حتى بكلمة او ان احد يضحك ...
يا اخواني وخواتي اتقوا الله بالموضوع هذا الله يجزاكم خيرر
وفي احد الاعضاء منزل موضوع وبالصور عن النقاب والعباية عندهم جزاه الله خيرر....
وانتبهوا للجوازات ...
لان زوجي ضاع جوازه هناك واحنا بسالزبورج وكلمنا السفاره وجزاهم الله خير ماقصرؤا
قالوا كملوا رحلتكم وقبل الرحلة بيوم تجي ونطلع لك تذكرة عبور ...والله مجرد وصلنا فيينا وقبل الرحلة بيوم اخذ بطاقة الاحوال وراح لهم وماقصروا ....والحين جالس يراجع الجوازات بالرياض
وحبيت اشكر جميع الاعضاء المنتدى الغالي الي ساعدونا جزاهم الله خير بمواضعهم وتقاريرهم الرائعه
وكل من ساعدنا وشاركنا بالراي بالتخطيط جزاكم الله خير ....
واتمنى ما اكون ضايقتكم بكلامي او شي او فهمتوني غلط ....
واتمنى للجميع ان شاءالله رحلة موفقه وسعيده ان شاءاالله .....
السلام عليكم أختي
أولاً أختي أحيي فيك حرصك على خواتك في الدين والوطن ، ليت كل البنات مثلك في حرصك عالنصيحة الصادقة ولاشكثانيا حنا مش في مقام نبين فيه وجوب النقاب من عدمه ، هل النقاب عرف ام شرع ، لا نستطيع الخوض لأن لكل مقام مقال ، وهنا لا أناقش في هذا الشي ، لكن انتي يا اختي حددتي الحجاب الشرعي في العباية السوداء عالراس ،
وهذا الي أخالفك فيه ( واختلاف الرأي لايفسد للود قضية) , الحجاب الشرعي لم يحدد لون ولم يحدد موديل ، عالراس ان الكتف الحجاب الشرعي لا خلاف انه الواسع غير الشفاف و البعيد عن الزينة
وبالتالي أنا من وجهة نظري ان لا البس العبائة السوداء في هذه الدول ، لان الاسود لون ملفت جداً ويثير التساؤلات والنظرات انا في غنا عنها
وبخصوص تغطية الوجه ، عندما اتخذت قرار ان لا أغطي وجهي جاء بعد بحث عميق في هذا الخصوص ، واهتديت الى ان كشف الوجه جائز شرعا من غير زينة كما قال الالباني رحمه الله والمذاهب الفقهية الاخرى ،
وأخيرا يا اختي ، ليس الدين مقصورا في العباية السوداء
الدين الاخلاق
الدين المعاملة
نحرص علي ان نعكس افضل للصورة للإسلام والمسلمين ، واعتقد ان لبس العبائة السوداء قد يثير التساؤلات والانطباعات السلبي تجاه المسلمين ، لانهم يرون امر غريب جدا عنهم ، والإسلام سمح ومازال في عدم تحديد لون او شكل معين للحجابهذا اجتهادي والله اعلم ، وصديقيني أنا لمن اتخذت هذا القرار نتيجة بحث وتفكير ، والله يسهل لي ولك ولبنات المسلمين دروب الخير
أسفة عالاطالة *