ياساتر في رحلتكم هذي راح تمشون 3000 كيلو ،،، ماتسوى عليكم
انصحكم بالطيارة ولا غيرو الوجهه ،، تصدق بالنسبه لمشوارك تركيا اقرب لك
تحياتي

جده الرياض العين 300كيلو تقريبا عبري (مدينه في السلطنه) الساعة الرابعة صباحا الي صلالة توصل ان شاء الله الساعة 11---12 الظهر وقت ممتاز للدخول لصلالة بالسلامة

مشوار يقص الظهر
كل طريقك خطوط مزدوجه ما عدا الجزء الاخير 1000 كيلو تقريبا غير مزدوج ومنطقه حاره لقربها من الربع الخالي النهار حر والليل خطر لعدم ازدواجية الطريق لكن الافضل تمشيه بالنهار
وان قدرت طياره تراك بتصيح !!

الله يعينك و يوفقك أمش أول النهار بعد صلاة الفجر مباشرة حيث ان الأرض خلال 4 ساعات تكون باردة لاتأثر عليك ويكون توقفك في منتصف النهار وخطة السير %100

المتجول 2
انا معك بس انتبه من الدورات ومن الجمال بكثره داخل عمان وكذلك عند دخول صلاله انتبه من التحويلات لو واصلت طريق وتعديت عبري وحبيت تريح في استراحه في ادم خلف المحطه مباشره مريحه ونظيفه نمت هناك وانا قادم بس نسيت اسمها

السلام عليكم ،،،
من وجهة نظري الخاصة :
تحرك من جده متجها إلى الرياض وريح فيها على حسب نفسك يوم او يومين ( افضل وقت للسفر مع الفجر إو قبل الفجر أو العصر حوالي الساعة الخامسة عصرا بعد ما يبرد الجو ،،،
عندما تصل للرياض بالسلامة مثل ما قلت يريح فيها يوم او يومين على مزاجك ،،،، فإذا عزمت السفر والتوجه إلى صلاله ،،،، عليك السفر مع الفجر يعني تصلي الفجر على الخط ( خط الخرج )
بعد ما تصل المنفذ تقريبا حوالي الساعة 10 صباحا تقريبا وعلى حسب سيرك في الخط ،،،، تتجه فورا إلى البريمي وتريح فيها هذه الليله ( تقريبا تصل إلى البريمي الساعة 3 عصرا أو الرابعة وخذ قسطاً من الراحه ،،،،
وعند حوالي الساعة الثانية من منتصف الليل ( قبل الفجر) توكل على الله ثم التجه إلى المنفد إلى سلطنة عمان ،،،
وبإذن الله تعالى سوف تكون في صلالة قرابة الساعة الثانية أو الثالثة عصراً ،،،،
ملاحظه :-
هذا خط السير من تجربه قمت بها العام الماضي إلى صلاله ،،، والحمد الله ما عانيت من تعب ولا مشقة لاني بصراحه لما وصلت البريمي ريحت نفسي تماماً بالنوم .
عندك سفرك في الصباح تناول طعام الافطار في السياره
اذا كنت من عشاق القهوه والشاي أملاء الترمس
طبعا لاتنسى تردد ذكر الله والصلاة على نبيه صلى الله عليه وسلم ودعاء السفر
طبعا لا نسى ام العيال سوف يكون له دور في تنشيطك الذهني والبدني وخاصة في السيارة ( لا تنام وتخليك وحدك )،،،،
عليك بالفصفص بصراحه ممتاز في القيادة يجعلك صاحي في قيادة السياره
أسئل الله العلي العظيم ان يرد كل مسلم ومسلمه إلى دارهم سالمين من شر الحوادث
واتمنى لك سفر سعيدا وعودا حميدا وجميع المسلمين ،،،، يارب العالمين

انا جربت السفر بر من الشرقية
ونصيحتي لك
بالنسبة للطريق من جدة للرياض ماتوقع تحتاج تمشي بالنهار .. معروف طريق الطائف ولا أروع
والرياض الشرقية نفس الكلام ..
من الشرقية الامارات بعد الخط مضبوط خاصة اول ماتدخل الامارات تحط رجل على رجل
يعني ماراح انصحك بوقت معين لأني مادري عن مدة توقفك يمكن تبي تطول بالامارات ويمكن تمشي على طول زي ماقلت لك ماتفرق المشي بالليل أو النهار ويمكن الليل أريح بعد
بس اللي ابيك تركز عليه
أهم شي تطلع من العين الصباح الباكر لسببين رئيسيين:
1- الخط مسار واحد مافيه الا 120 كم مسارين من المنفذ لين عبري والباقي كله مسار واحد (يلزم التوقف عند كل محطة والتزود بالوقود)
2- عند دخولك مدينة صلالة ستتفاجأ بالخضرة الهائلة وأغصان الأشجار التي تزين جوانب الطريق فلابد من أن تصل نهارا لتمتع ناظريك بهذا المشهد الخلاب فإن وصلت ليلا ستخسر ذلك المنظر
والله يوفقك يارب وتفلها وترجع سالما مسرورا

الشباب ماقصروا .. رحلة موفقة ..
درب السلامة يا غالي ،،،