- أنا قاعد اخطط حق شهر العسل و الصراحة محتار حدي وودي بالنصيحة ..
السلام عليكم ورحمة الله وبركاته
عندي طلب من الجميع ولمن يستطيع المساعدة ....
أنا قاعد اخطط حق شهر العسل و الصراحة محتار حدي وودي بالنصيحة ..
انا قمت افتر في الشبكة العنكبوتيه من منتدى لي منتدى ومن صورة لي صورة و اخيرا استقريت في المنتدى و قررت اني استفيد من خبراتكم .
طبعا انتوا تعرفون شنو اهمية شهر العسل ولازم يكون مميز وتتكلم عنه الاجيال .وبعد جدال مطول و اجتماعات ومناقشات حادة بيني وبين المدام .... المدام راسها والف سيف تروح اوروبا وبما ان العصمة بيدي خليت المدام تعيش احلامها الوردية وطبعا المدام راحت وسألت واستفسرت و تحرت (المحقق كونن ).
المهم وما اطول عليكم وبعد عناء طويل شفت موضوع احد الاخوان كاتب عن رحلته وفاخترتها وغيرت فيها و اليكم خط السير :
البحرين - بوكيت ليلتين - سنغافورة اربع ليالي - المالديف ثلاث ليالي - ماليزيااربع ليالي - بوكيت ليلتين- البحرين مدي الحياة
فالمطلوب يا اخواني رايكم بالرحلة ومعلومات عن الفنادق المناسبه القريبة من المجمعات و المناطق السياحية و كل ما تحسون انه راح يفيدني وترى يا جماعة هذه الرحلة مفاجأة للمدام فأرجوكم ساعدوني وبيضوا ويجهي و اهم شي الفنادق ما تكون غالية وايد بس نظيفة واسعارهم معقولة و طرق التنقل بين هذي المناطق .
ولكم جزيل الشكر وانا في الانتظار على احر من الجمر
اخوكم المناضل في سبيل شهر عسل رائع وراقي .. شموخ الاحزان
تكفون يا اهل العون
الافضل أنك تخليها على ماليزيا وسنغافورة بحكم أن سنغافورة قريبه جدا جدا من
ماليزيا هذه وجهته نظرى الشخصية أخى العزيز ،،،