الموضوع نسبي .. يعني يمكن يصادفك شخص محترم وينادي موظفة عشان تطبق لزوجتك.. وقد يكون العكس..
أنا آخر مرة وانا راجعة من مطار شارل ديجول في باريس.. موظف الجوازات طلب مني اشيل الجكيت الي كنت لابسته ولما ترددت وحس اني متخوفة اعتذر وقال امشي خلاص.. لكن غيره ممكن يصر على رايه.. علماً بأن الوحدة لها الحق في إنها تطلب سيدة تطابق لها .. دام انها راح تطلب هالطلب بهدوء وذوق فما اعتقد في مشاكل..

انا سافرت بحجاب كامل لالمانيا والتشيك
المانيا جدا متحضرين حتى بالمطار لما جيت اطبق صورتي بالجواز قال اكشفي قلت ابي سيده قال طيب ونادى واحده جمبه بس حسيتهم دققوا شوي بتفتيش الشنطه وفتشوني تفتيش شخصي وحتى موظف المطار نادى على حرمه عشان تفتشني بس عموما كانوا لبقين وباين انهم فاهمين وشو الحجاب وش معنى مسلمين
ولما كنا طالعين بالقطار من المانيا للتشيك وجا موظف الجوازات الالماني الي في القطار ماطلب اكشف حتى وجهي ختم الجواز وبس
التشيك الصراحه ناس متخلفين وباين عليهم اول مره يشوفون حجاب ولا يدرون وش انا وتعاملهم متخلف جدا بس عادي ماتضايقت
بالنسبه لفرنسا اختي وحريم اخواني وكثير من قريباتي سبق وسافرو بحجاب كامل والحمد لله مااشتكوا من شي ابد وبالعكس يقولون كثير المتحجبات ولا احد يلتفت لهم حتى قريبه لي مره كانت بتقيس ملابس في محل بس غرف القياس كانت من النوع الي مكشوف يعني الباب قصير تشوف الي في الغرفه دلتها الموظفه في المحل على غرفه بابها مغلق تماما من غير قريبتي ماتطلب هالشي

^^^
^^^
^^^
التشيك كانو اذا شافو زوجتي وخواتي بالحجاب الكامل يضحكون لانه بلد متخلف . يكفي انهم ملحدين .
بالنسبه لفرنسا او سويسرا او المانيا ( عن تجربه وزياره ) شعب محترم جدا ولا حتى يستغربون من الحجاب ابدا بالعكس تلقاهم ما يطالعون فيك كثر ربعنا !!!

Memi
سماء المدينة
شكرا على المعلومات
وصراحة ضحكتوني معقولة الفرنسيين أحسن صرابيتنا اللي يتسردحون بالاسواق كل واحد مسوي فيها سحلية

yas682
اسمحوا لي على صراحتي ( حجاب والتزام شرعي واللاتي التزمن ) واخرتها سرابيتنا ( الداشر - الحونشي - السرسري كلها تدل على المعنى لمن لم يفهم ) .... من الجيد ان احرص على لباسي الذي امرني به الله عز وجل ولكن اليس احري بي ان احفظ لساني واسماع الناس من الكلام السيئ ... نعم يوجد في اسواقنا ما تقولين ولكن كان من الافضل ان ندعو لهم بالهداية بدلا من وصفهم ونعتهم بالفاظ لا المكان والمقال مناسبان لهما ( اقول لابد لعفة اللباس ان تصاحبها عفة اللسان ) ... ناهيك عن نقطة ثانية ( اخاف اذا رجعتي تقولين : والله بناتنا اللي ما يستحن على وجيههن متكشفات ومتعريات هناك ) ... ختاما اقول كل شيئ فيه الصالح والطالح الله يثبت الصالح ويهدي الطالح ولازم نتذكر حديث النبي صلى الله عليه وسلم : ( ‏ ان قلوب بني ادم كلها بين اصبعين من اصابع الرحمن كقلب واحد يصرفه حيث يشاء ‏"‏ ‏.‏ ثم قال رسول الله صلى الله عليه وسلم ‏"‏ اللهم مصرف القلوب صرف قلوبنا على طاعتك ‏"‏ ‏ ).‏
تحياتي ... scott

نعم نعم
ياليت نفهم هذا الحديث صح
عن تجربه سألني صديق لي عن شخص يسكن بجواري فقلت له (يكفي أنه لا يصلي الفجر معنا)
و ياليتني ماقلتها
لأكثر من سنه وأنا أتثاقل صلاه الفجر
اخواني لا تستخفوا بأعمال الناس فقد يعافيهم الله و يبتليك
اللهم اهدي حميع المسلمين
أخي scott
الله يذكرك الشهاده مثلما ذكرتنا بهذا الحديث
( ‏ ان قلوب بني ادم كلها بين اصبعين من اصابع الرحمن كقلب واحد يصرفه حيث يشاء ‏"‏ ‏.‏ ثم قال رسول الله صلى الله عليه وسلم ‏"‏ اللهم مصرف القلوب صرف قلوبنا على طاعتك ‏"‏ ‏ ).‏
شكرا للجميع

scott44
صدقت اخوي والله يهدي الجميع وكثير من البنات الله يهديهم يتحجبون حجاب كامل ويناظرون غيرهم اللي من غير غطاء وجهه وكانهم كفره وكانهم اللي كامليين وكثير انتقادهم وياليت نكتفي من انتقاد الاخرين بهالشكل السافر والدين بين العبد وربه
وبالنسبه للثام وغيره انا لما اروح المطار اشوفهم يحوسونهم شوي وفي الاخير كثير منهم تطر تكشف عن وجهها لرجال غريب وكان الاحرى بها اذا هي ملتزمه ماتسافر الا للضروره وغير كذا صورتها في الجواز ماتقدر تتشرط تشوفها امرأه حتى في مطارنا بيشوفها كذا واحد وبالنسبه للنظرات والله اشوفهم يناظرونهم في كل مكان نظرات غريبه بس احيانا مايحسون على انفسهم بس غيرهم بلاحظ هالشي فالافضل الحجاب واللبس الواسع والابتعاد عن المبالغه في اللبس لانو الهدف الستر اولا واخيرا وصدقني مافيه امل احد يناظرك نظرات غريبه بالعكس
والله يوفق الجميع

وانا راي من رايكم البنت الملتزمة والخائفة على دينها وعرضها وتخشى كشف وجهها لرجل اجنبي لماذا السفر من الأساس
والاضطرار لما ليس فيه اضطرار وخصوصا القصد من السفر هنا السياحة فقط ارجو من الأخوات الوقفة مع انفسهن وقفة
صادقة والله يحمي بناتنا من التكشف والتعري آمين

1. ماشاء الله عليك نازله انتقاد للي يتنقبون ليه؟ حاسه انهم احسن منك ؟؟؟؟


2. بعدين انتي متأكده ان مافيه احد يناظر اللي كاشفه ؟؟

جنيفين
كنت اتمنى اشوف ردك على اللي كتبته وللأسف دخلتي موضوع ثاني تنتقدين فيه اللي يتحجبون حجاب كامل
ابغى اعرف سوينا لك شي ؟؟؟؟ هذي قناعتك انتي اذا انتي مضطره تسايرين الغرب وتخافين من نظراتهم
هذا شي راجع لك ،،، لكن انك تنكرين شي بشرع الله لأ
وللمره الثانيه اقولك نظراتهم والا عقوبة رب العالمين؟؟؟
وبعدين حلال على اللي تكشف انها تسافر واللي متحجبه حجاب كامل ماتسافر ؟؟
وقلت لك قبل كذا اذا انتي صح طبقى هالشي في بلدك مو اذا جت تنزل الطياره ركضه للحمامات تلبسون العبايات !!!!
استغرب كلامك وبعدين من قالك انهم بالمطارات يحوسوننا والله ثم والله اني مالقيت الا الاحترام وحتى صورة الجواز يغطّونها طبعا اذا انتي حريصه ،،،،وانا ماانتقدت اللي يكشفون ولا جبت طاريهم لكن انتي اللي ظنيتي انك المستهدفه من اي كلام عن الحجاب

ماشاء الله عليك نازله انتقاد للي يتنقبون ليه؟ حاسه انهم احسن منك ؟؟؟؟

بعدين انتي متأكده ان مافيه احد يناظر اللي كاشفه ؟؟

وكلن وقناعته و خوفه من ربه لكن اني اكتب في منتدى يقراه الآلآف من البنات وممكن اجّر لي الف وحده بفكري واقولهم لا تتنقبون ترا بيطالعونكم الناس والا مايتنقب الا الحريم الكبار و و من هالحكي اللي ينفر بناتنا من الحجاب ،،، اظن هنا الواحد لازم يراجع كل كلمه قبل يكتبها
هذا الرابط عن حكم تغطية الوجه اتمنى تستفيدين منه ويستفيد منه مؤيدينك
ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ط*ظƒظ… طھط؛ط·ظٹط© ط§ظ„ظˆط¬ظ‡ ط¨ط§ظ„ط£ط¯ظ„ط© ط§ظ„طھظپطµظٹظ„ظٹط© http://www.islamqa.com/ar/ref/11774