عاشق الخيل
21-06-2022 - 08:19 pm
بسم الله الرحمن الرحيم
أنا أعرف ان الموضوع غير عن العنوان ولاكن اتمنى انكم انتوا تقدمولي النصيحه.
بصراحه كثرة المواضيع عن سوريا والأمن ليس متوفر فيها وانا ما اقصد فقط بالمواضيع الي في منتدانا
فقط والي اسمعه من اغلب المسافرين سواء من الاهل والاصدقاء لما يتعرضون له في سوريا وكيف يتعاملون معهم اخوانا السوريين وهمهم فقط الاستغلال.
أنا عن نفسي ماكنت افكر ازورها لان نصحوني بعض الاصدقاء ولاكن الحين مجبر للسفر اليها للعمل ولمدة أسبوع ان شاء الله وراجع وأتمنى أروح وارجع بالسلامه ومن دون اي مشاكل تحصل واتمنى ان اغير التفكير الي في بالي عن سوريا وغيرها من الدول العربية الي على خطى سوريا.
فأتمنى منكم أخواني انكم تعطوني بعض النصايح الي اقدر استفيد منها وانا في زيارتي الى دمشق.
مثل كيف اتعامل معاهم في المطاعم او الاسواق وغيرها.
يعني دخلت مطعم ويرفع الاسعار عليه او يقولي سعر الجلسه
او الطاوله الي انت قاعد عليها فهل هذه الامور تحصل؟؟
وايظن كيف التعامل مع التكاسي وغيرها وغيرها
اتمنى ان تفيدوني اخواني لان هالبلده ماعرف ليش ماطمن.
السلام عليكم ,,
اخوي الكريم اذا انت رايح للعمل ! فالافضل ان تختار فندق مناسب للسكن فيه وتقدر تحجز هالشيء عن طريق موقع الخطوط السوريه والدفع بالدرهم الاماراتي http://www.octopustravel.com/em/Home.jsp;jsessionid=0000-KKGbaYt0vkPHFTCgERviJn:11kvs72f8بالنسبه للاسواق هي مختلفه : عندك سوق شارع الحمراء جيد والاسعار مكتوبه غالبا عليه واذا تبي شيء جدا جيد انصح بباب تومه راح يكون اختلاف شوي بالسعر وكمان الاسعار تحصلها مكتوبه عليه وتعاملهم راقي , سبحان الله عجزت افهم سبب الاختلاف بالتعامل بين باب تومه والحمراء ومابي اقول لانهم مسيحين وراقين وحقون بزنسس لكن الحق يقال تعاملهم قمه
على العموم سوق انصحك تتخذ الحيطه فيه هو الحمديه وغالبا هذا السوق للناس العاديين جدا اللي يحبون يتقضون شغلات عاديه مثل جلبيات وشغلات زي كذا لكن النصب فيه مرتفع
بالنسبه للمطاعم فهي مختلفه والاسعار طبعا سياحيه درجه اولى : يعني لما يجب علبه منديل ويفتحها فهي محسوبه ولما يجيب لك علبه موية ويصب لك تراها بعد محسوبه يعني فتح الطاوله بيكون بدون طلبات اقل تقدير 200 ليره فاذا كنت ولد كاش وجنتل ومايهمك هالسوالف ماراح يفرق معك السعر لان بالغالب سعر العشاء او الغداء في احسن مطعم ماعمره يتجاوز 600 ليره للشخص طبعا على حسب الطلب بس هذا الكلام بقوله لك وانا عارف انه كفاية مره
بالنسبه للبخشيش عاد الله يعينك تعطي واحد يجيك اثنين لكن انت خليك حاسم من البدايه وخلي اللي يباشر عليك شخص واحد انت تحاسبه لان اللي يحاسبك يبي منك واللي يزبطون الطاوله لك يبون منك
يعني اذا تبي تصير كريم اكثر من 100 ليره لاتعطي
وبالتوفيق وسفره ممتعه