هذي ياشباب بعض الحاجات اللي لاحظتها وحبيت انقلها لكم:
1- بالنسبه لحديقة التوابل في بينانج المرشد السياحي فيها من الصباح الساعه 8 الى الساعه 12:30 ظهرا ونصيحه استمع وشوف بس لاتشتري من عندهم للأني جربت وشريت وكلها كذب في كذب
2- اذا دخلت حديقة طيور وفراشات وفواكه فنصيحتي اذا جيت وحده من هالحدائق فلاتكررها وحده تكفى
واللي شفتها افضلهن في بينانج وهذي راي الشخصي .
3- سعر التكاسي في مكان الساعه 25 رنجت ولا بالمشوار غالي خصوصا في كوالالمبور.
4- بيتزا هت في الجنتنق اضرب سعره عن باقي فروعه ..السعر * 2.2
5- اذا قالو لك العاب مائيه واهلك معك وانت توك متزوج نصيحتي لاتقص تذكره لها لانها ماراح تفيدك وانت ماراح تسبح او تلعب ولاتقدر تخلي اهلك لوحدهم .
6 - بالنسبه للشلالات كثير منها متعبه فنصيحتي اذا تكره شي اسمه تعب او ماتحبون المشي الكثير لاتروحون .
7 - اذا الفندق اللي انت فيه على البحر تقدر تطلب عشاء على البحر بالشموع وهم يضبطون الوضع .
8- اذا جيت فندق نصيحتي من اول يوم خذ لك فره على كل الفندق لانك راح تحصل اشياء ممكن ماتوقعتها مثل ماحصل معاي اكتشفت ان فيها مطعمين في نفس الفندق وطلع المطعم الثاني جدا روعه .
9 - تأكد من وجود كلمة (( حلال )) على كل حاجه تشتريها تقريبا .
0- خذ كل اللي موجود في ثلاجة الفندق وحطها على جنب واذا جيت تمشي رجعها مثل ماكانت
لانكم عارفين انها غاليه نقطه مهمه ترى الماء اللي برى الثلاجه مجانا وكثير من الاحيان اللي برضه داخل الثلاجه .
1- المطاعم العربيه جداا غاليه واستغلاليين.
12- اهم شي تأكد وانت في المطار من الارقام اللي معك مطابقه على الشنط اللي راح تستلمها لان صار معي موقف اخذت شنطه نفس شنطتي بالضبط ونفس اللاستكرات اللي عليها وفي الاخير ماطلعت اللي .
13- اهم شي حط في بالك المكاسر بشكل غير طبيعي يقولك 500 قل 50 وتوقع انها رايح يبيعك.
14- اهم شي الوناسه الباقي خله على جنب .