- السلام عليكم ورحمة الله وبركاته
- نرجع لموضوعنا
- عزيزتي الام
السلام عليكم ورحمة الله وبركاته
انا قدر الله علي ونويت اسافر لماليزيا معلومه بسيطه تدفع بلاوي كثيره ونيالك يافاعل الخير (الاخ يستفسر ولا يبغى صدقه)
اخواني انا اول مره ناوي اسافر مع العائلة لماليزيا =الله يا هالعائلة كلهم ولدين وامهم= المهم عيالي واحد اربع سنين ونص والثاني سنه ونص هذا الكبير مسبب لي عقده فوق راسه دايم علامه استفهام دايم يحرجني بكثر اسئلته واكثرها مااقدر اجاوب عليها يعيني الآن شكله حاس ان ابوه ماعنده سالفه من كثر الاسئلة اللي ماجاوبتها اسئله معقده مالها حل حتى لو جبت حل راح يسئلي طيب ليش عشان ليش وشلون
هذا مره في احد السفرات قبل وقت قريب اول ماوصلنا الولد دايخ ونايم طبعا للفندق على طول ماشاف شي من البلد نزلنا الريسبشن وحنا طالعين مريت عليهم ودي اغير الغرفة الا واسمع صوت ولدي (عيب عيب عيب ) وصوت صفق ضرب والتفت الا الولد ماسك ذيك الحرمه لابسه ميني جوب وضرب وضرب برجلها ويقولها عيب وهي تضحك اوه بيبي رقعت الموضوع هي ثنك يو سوم بدي الس وامسكه ليش كذا يابابا قال ليش مطلعه عيبها جنني الولد واخوه الصغير تحفه اسرع طفل بالعالم متعلم الركض واذا لقى مكان يركض فيه مايوقفه غير جدار ولا شبك زايد عليهم امهم السيده شوبنغ اذا جينا سوق وبغت شئ تصدق ان هذا المكياج حلو هذا اطنش الثاني مااقدر اطنش تصدق ان المكياج هذا حلو ماهو موجود عندنا بالسعوديه بين قوسين اشتره لي طبعا هذا الكلام بعد استنفاذها لميزانية الشوبينق (اذا بغت تشتري اي شئ تقولي تصدق احد قال انك كذابه )طبعا انا مواطن ديلوكس الحمد لله ماني مليونير لا البنك الاهلي ابوي ولا البنك البريطاني جدي ولا سامبا امي ولا رجل اعمال ولا رجل منيره ولا رجل موضي وان سافرنا للدول المتقدمه والغالية ترا على حساب المعازيب لو على حسابنا يفتح الله مافيه صرف يالله لك الحمد والشكر
نرجع لموضوعنا
طبعا اكيد اني وانا ما ودي بالتنقل واجد لانهم راح يجننوني وبعدين واخاف يتعبون ويزهقون من التنقل اهم شي تغيير جو لذلك قررت اني اخلي السفره كلها بكوالا عشرة ايام واذا كان فيه اماكن قريب منها لايتعدى مشوارها 45دقيقه ياليت اذا ما فيها تعب عليكم بحكم خبرتكم انكم تعملون برنامج من اول يوم الى ان اغادر وتراعون فيه حق الطفلين البرئين (انا داري راح يطلعون لي قرون )واذا بعد تنصحون بالفنادق ماتقل عن اربع نجوم ذات خدمات متكامله واهم شئ ( بيبي سترBabysiter)وتكون قريبه من المطاعم والاسواق وخصوصا خصوصا السوبرماركت (البقالات) فأرجو منكم قبول معروضي هذا اوه معليش متعود على مراجعه الادارات الحكوميه آمل منكم اصدقائي الاعزاء الذين اكن لهم كل تقدير حسب معرفتي لكم من قراءة مشاركاتكم ياحلوكم
عزيزتي الام
بعد الأن لاتهتمي طفلك نايم طول الرحله بالطايره روح الصيدلية واطلب منها شراب كحه مينتكس عليه رسمة ورق نعناع اذا اعلنوا على الرحله امسك العيال وكل واحد احقن في فمه 7ملم ما يغثك ولايطامر بالطيارة لانه في سابع نومه وحتى لو صحا تلقاه مدروخ اذا كان تقدر تزنط امهم وتحقن بخشتها100ملم مافيه مانع علشان ما تجرك مع شعرك ولا اذنك كل شوي وتقربك لها عشان تسولف معك لانها ولسبب منطقي ماتقدر تسولف معك بصوت عالي عيب وطبعا ما تقدر تناديك لأنك ياابو الشباب حاط السماعات على اذانك اما تفرج على الفلم ولا منطرب الاخ وهات يااغاني
الله يستر لا اكون ازعجتكم بكلامي انا قاعد اسولف معكم مثل مااسولف مع اصدقائي مره مزح ومره جد
اخوكم تركي
نحن سعادتنا ننصحكم بزيراة جنتغ لانها ملاهي وبيخسرونك وهي تقريبا ساعه من كوالامبور يسون لك رحلات لها الفندق
ومن ناحية الفنادق في اكثر من فندق بس انا انصحك بالي على شارع شسم الشارع يا شليويح ايه بوتانج مدري شسمه المهم فيه فندق الريجنت 5 نجوم وفيدرل 4 نجوم بس فيدرل ماظن عندهم بيبي سيتر
وفي فندق ثاني نسيت اسمه قريب من الريجنت
وانا انصحك انك اذا قدرت تروح بينغ هي طبعا تروح لها بالطياره احسن اك من السياره السياره مشوار
الطياره تذكرتها تقريبا حول 300 ماني متذكر هي عباره عن جزيره على البحر الشاطي فيها حلو مره وفيها سوق يصير بالليل سوق شعبي وبس
وشاكر لك حسن استماعك على امل اللقاء بك بعد عدوزتك سالما ولا تنسى الهدايا