- بصراحه انا ما تعجبني هالنوعيه من المتاحف..اذا فاضين جربوه
السلام عليكمبااختصار وعلى عجل اكتب لكم من فندق برجايا تايم سكوير..
بدات الرحله ببيننق: الفندق:بي فيو بيتش
المطاعم العربيه اللي على شارع السوق الليلي اغلبها عربي بالاسم..انا لفت نظري مطعم الكبابجي..فقلت حلو اول يوم نتعشى انا والعائله في مطعم مشويات..دخلت المطعم
الله يديم النعمه..ليس له من اسمه نصيب..
شيشه..كباب(ليس له من اسمه نصيب ايضا)
رز
مكرونه
يا جماعة الخير اخبر كبابجي مشويات بس..
قلت لازم ادخل مطبخهم واشوف شلون يشتغلون..فتحت المطبخ لقيت هندي لابس فنيله علاقي ويناظرني يضحك
السوق الليلي في شنط حلوه انا مااعرف بس على قولة الاهل فيه شي واضح انه تقليد وفيه شي لا..
انا شريت شنطه لويس فيتون لعمتي حصيص..تحب الفشخره هي
وعليكم بالمكاسر في هالسوق
يعني اقولكم سالفه لي..جيت بشتري بوك قالي ب 85 قلت لا وامشي..وصله لي الين 25 ..يوم خذته قلت ليتني مكاسر اكثر
يعني بالعربي لا تستحون ابد في هالسوق
رحت لحديقة الفواكه..جيده وتستحق الزياره..في اخر الزياتره يقدمون لكم بوفيه فواكه..لا تحسبونه كشخه تراه مكشوف ومش مره نظيف بس ماشا الله اشوف بعض العالم يبلعون وانا قاعد اتفرج
بس شربت عصير فواكه رهيب
وبينا ابللا تفوتكم العصيرات
رحت حديقة الفراشات برضو..حلوه وتستحق الزياره..
وانا بحديقة الفراشات قابلت اماراتي وسولفت انا وياه..من ضمن السوالف سالته عن حديقة التوابل قالي عادي وماتستحق الزياره..فانا انقلكم على ذمة صديقنا الاماراتي انها ما تستحق الزياره
رحلت لبينانق هيل..وهذي اللي ترقى فوق بقطار..كانت الهضبه للبريطانين وقت الاستعمار..حلوه وتستحق الزياره بس المشكله الزحمه بالقطار..هالبريطانين خساس يختارون اماكن صح
زبدة بينانق لا تدخلون كبابجي وخلوكم على ماك ولا اكل النفدق اذا كان زين بعد
لنكاوي..
يستهبل مهاتير!!
حاط متحف فيه كل الهدايا اللي جته..لدرجة انه حاط ملاعق..اشواك..ملابس لزوجته..سياكل..
بصراحه انا ما تعجبني هالنوعيه من المتاحف..اذا فاضين جربوه
رحت للاندر ووتر وول..اللي يحب الاسماك وهالخرابيط بيستمتع..تمشي وتتفرج على انواع اسماك كثيره..تستغرب كيف هذولي عايشين معنا بالكره الارضيه.. سبحان الله بس
بلنكاوي فيه ثلاث شلالات حسب ما سمعت..فيه شلال وانت راقي بالتلفريك تشوفه..هذا لازم تزوره صراحه رهيب..وان حصلك تجيب صروال(وفي رواية اخرى سروال ) السباحه بعد جبه..بصراحه مكان روعه ويصلح تاخذ صوره لبوستر فلم فيه
وباقي الوقت بلنكاوي ريحت بالفندق.. وهو فندق لنكاوي لاقون
الان لي يومين بكوالا..كلها لفلفه بهالسوقه دوخونا هالحريم..
جا دور اسئلتي
يا جماعه اابي مكان مساج زين..ناس خبره يعني اللي يعرفون امراض جسمك من رجلك..حسيت كل اللي حولي ناس يبون فلوس وبس..
وابي مكان سبا spa ين بعد اذا تعرفون
اللي عنده استفسار يسدحه هنا لا يستحي
سلملم
كيفك اخبارك وش مسوي ,,, عساك بخير ومرتاح ان شاء الله
الله يحفضك ويرجعك بالسلامة ,,,
اخوي بالنسبة لمطعم الكبابجي ,,, مثل ماقلت مطعم اسم بوادي والمطعم بوادي ثاني ,,
واعتقد انه جديد ولا افكر يوم من الايام اني ازوره ,,
لحد انك ماتفرق بين الماركة الاصلية والشي المقلد ,, ووممكن تكاسر من 300 الى 20 او 30 رنقت
انت وشطارتك ههه ,, بس انتبه انك تكاسر لحد معين و بعدها تمشي ولاتشتري ,, يعني تتكاسر معاه
وينزل لك لسعر حلو وبعدين تصفطه وتمشي كذا بعض الصينيين يعصبو والله يعينك ,,,